مدهو بالا (۱۴ فبروري ۱۹۳۳ - ۲۳ فبروري ۱۹۶۹) (اصلي نوم: ممتاز جهان) د هندي ژبې فلمونو لوبغاړې وه، هغه د ١٩۴۲ څخه تر ١٩۶۰ پورې د هندي سينما په کلاسيک (پخواني) فلمونو کي راښکاره شوه. هغه اوس هم د هندي سينما د مشهورو شخصیتونو څخه ګڼل کېږي. مدهو بالا د اوږدې مودې د زړه د ناروغۍ له امله په ٢٣ فبروري ۱۹۶۹ کي خپله ساه ورکړه. هغې ته ښکلا د ټراډيجي سره او د هندۍ سېنما وينس هم ويل کيدل.

بالیووډ دغه ستورې او اداکاره په یوه روایت آپریدۍ پښتنه وه. دپلار نوم یې عطاءالله خان او او دمور نوم یې بیګم عایشه وه. پلار یې په ډهلي کې د امپیریال توباکو په کمپنۍ کې دیوه مزور او کارګر په توګه دنده سرته رسوله، اوکله یې چې په دغه کمپنۍ کې خپل کار له لاسه ورکړ نو مجبور شو چې د خوارۍ مزدورۍ د پیداکولو په هڅه کې د بمبئي (مو مبایی) ښار ته چې د هند لوی صنعتی ښار وو ولاړ شي. د مدهوبالا درې خویندې او دوه وروڼه په کوچنيوالي کې مړه شول. د ۱۹۴۴ زېږدیز کال داپریل د میاشتې په چاودنې او اور کې یې کور وسوځيد اونهه کلنه مدهوبالا مجبوره شوه چې خپلې کورنۍ ته د یوې ګولې ډودۍ پیداکولو لپاره فلمي نړۍ ته ولاړه شي.( بشپړه ليکنه...)

• ۲۰۲۴ اګسټ ۱۹ مه: متحده ایالاتو د 2025 تر اپرېل پورې اسراییلو ته ټول هوایي الوتنې لغوه کړی.
• ۲۰۲۴ اګسټ ۱۸ مه: د فرانسې د سېنما د افسانوي ستوري آلن دلون اولادونو تایید کړه چي پلار یې په پاریس کي په خپل کور کې د ۸۸ کلونو په عمر مړ شوی دی.
• ۲۰۲۴ اګسټ ۱۸ مه: د ازبکستان لومړي وزیر (عبدالله عارف) افغانستان ته د سفر پر مهال له اسلامي امارت سره پینځه اقتصادي هوکړه لیکونه لاسلیک کړل.
• ۲۰۲۴ اګسټ ۱۷ مه: د اندونېزيا حکومت خپله پلازمېنه په رسمي ډول له جاکارتا څخه نوسانترا ته ولېږدوله.
• ۲۰۲۴ اګسټ ۱۷ مه: سعودي عربستان وایي چې تر راتلونکي کال پورې به د حراء غار ته د هوایي کېبل چارې بشپړې او ګټې اخیستنې ته به وسپارل شي.
• ۲۰۲۴ اګسټ ۱۷ مه: ۳۷ کلنه مېرمن (پایټونګټرن شیناواټرا) د تايلينډ هېواد لومړۍ وزیره وټاکل شوه.
• ۲۰۲۴ اګسټ ۱۲ مه: د روسيې کورسک سیمي ته د اوکرایني ځواکونو تر ننوتلو وروسته روسي ځواکونو هم د اوکراین پلازمېنه کییف تر سخت اور لاندې ونیوو.
• ۲۰۲۴ اګست ۸ مه: د اسماعيل هانيه له شهادت وروسته یحیی سنوار د حماس اسلامي غورځنګ سياسي مشر په توګه ټاکل شوی دی.