Practical Applications of a SDMS (Scientific Data Management System)

Ang K-pop  (Kinoreano: 케이팝 ; paglitok: keipap; gimubô gikan sa Korean pop),^[1] usa ka kini mátang sa musikong popular nga gisinugdan sa Habagatang Korea ug kabahin sa kultura sa maong nasod.^[2] Panagsama kini og pop, rock, elektroniko, disko, hip hop, R&B, Jazz, country, reggae ug uban pang musika. Ang lugpong nga "K-pop" nahimong pagkabantog sa ika-21 nga gatosay. Ginatawag kini kaniadto og gayo (Kinoreano: 가요; Hanja: 歌謠).^[3][4] Samtang ang termino mahimong gamiton sa usa ka kinatibuk-ang kahulogan sa pagtumbok sa bisan unsang musikong pop gikan sa maong nasod, kasagaran kini ginagamit nga labing nagatumbok sa mga grupong K-pop ug sa maong musika.

Ang labing modernong hulma sa K-pop mitumaw sa pagkamugnâ sa banda panglalaki nga Seo Taiji and Boys niadtong 1992. Ang ilahang pag-basanbasan sa lain-laing mga estilo ug mátang sa musika ug paghiusa sa langyaw nga mga bahin sa musika nakatabang pag-usab ug panghimag-o sa kontemporaryong talan-awon sa musika sa Habagatang Korea.^[5]

Ang binag-o sa budaya sa "idolo" nga K-pop misugod niadtong napuloan-1990, samtang kini mitubo ngadto sa usa ka subkultura nga nakatigom og daghang kadayeg-an sa mga kabatan-onan.^[6][7] Usa ka bag-ong kapanahonan sa mga idolong K-pop gisugdun niadtong 2003, pagkahuman sa pagkunhod sa naunang idol musika, sa nakatabang sa TVXQ ug BoA, nga nagpaila sa istilo sa musika ngadto sa duol nga baligyanan sa Hapon ug gibantog gihapon kini karon. Sa pag-abot sa social media ug mga pasundayag-telebisyon gikan sa Habagatang Korea, ang kasamtangang pagkaylap sa K-pop ug kalingawan niini, nailhan usab og Hallyu, makita dili lamang sa Sidlakang Asya ug Habagatan-sidlakang Asya, kondili sa Habagatang Asya, Latino Amerika, Amihanang Aprika, Habagatang Aprika ug Sidlakang Aprika, ang Tungang Sidlakan ug sa tibuok kasadpang kalibotan, nga nakakuha kini og mga tumatan-aw nga langyaw.

• J-pop