Practical Applications of a SDMS (Scientific Data Management System)
"အုံလမ်းတဗာႏချင်ႏ ယံကညီႏညွတ်ဝင်ꩻ ၃-မျိုꩻ" ၁။ လိုꩻတမာဝါꩻ ကလိုပ်ꩻခွုမ်မာꩻညီꩻဝင်ꩻနဝ်ꩻ မီႏအံႏဗာႏဆျာႏလဲ့ ဆျာႏညီꩻ၊ ခါႏလဲ့ ခါႏညီꩻ၊ အံႏမညီꩻ အံႏဗာႏညီꩻ၊ အွီႏညီꩻနွိုးညီꩻဗော့ꩻ လိုꩻလမ်းကိုငါနဝ်ꩻမꩻ ဟဝ်ဆွူ၊ လိုꩻလမ်းကိုတဲင် အုံဗာႏတဝ်း၊ လိုꩻလမ်းလင်နဝ်ꩻ သံးအံႏဗာႏ၊ သွုန်ႏခါႏသꩻကဲင်ႏစားနဝ်ꩻဝ်ꩻ လိုꩻလမ်းကို ညီႏညွတ်နွောင်ꩻတဝ်း၊ လိုꩻလမ်းကို ထုံပဲင်းဗွေလဲ့ ဗွေညီꩻ၊ ယွမ်ꩻလဲ့ယွမ်ꩻညီꩻနဝ်ꩻမꩻ ညီႏညွတ်ထွာ။ ၂။ လိုꩻခို တကျွိုက်တောဝ်းအမျိုꩻနဝ်ꩻ ကထွာမာမူႏ တွမ်ႏမာꩻမွုန်းတောဝ်း၊ မာမူႏတကျွိုက်တောဝ်းအမျိုꩻနဝ်ꩻ ကထွာဝါꩻခို တွမ်ႏမာꩻမွုန်းတောဝ်း၊ ဝင်ꩻနီမာဝါꩻ သဖော်ꩻညီႏတူႏနောဝ်ꩻမꩻ ညီႏညွတ်ရေꩻထွာနော။ ၃။ အုံညီꩻဝင်ꩻ တလမ်းချင်ႏ ငေါဝ်းလမ်းကို အီလင်ꩻမွုန်းလမ်းခိုႏ၊ ငေါဝ်းလမ်းခိုႏ အီထင်ႏမွုန်းလမ်းကီ၊ ငေါဝ်းပနာလောင်း အီလွဉ်မွုန်း မေႏဖါႏထျꩻ၊ ငေါဝ်းမေႏဖါႏထျꩻ အီလွေꩻမွုန်း ပနာလောင်းနဝ်ꩻမꩻ လိုꩻလမ်းကိုချင်ꩻင်ꩻ ညီႏညွတ်ဝင်ꩻထွာနော။ (တွမ်ႏဒေါ့ꩻမွုန်းလွဝင်ꩻမိဉ်ꩻ)။ "ဒုံကညီႏညွတ်အကျောင်ꩻ ၈-ပါꩻ"(၁) ကထွာပဖြားဒုံနဝ်ꩻ ကထီႏပိုလီꩻတင်ꩻလှဲယို ယံကမတ်ဗာႏ နှဲးပိုသွီႏယာႏလမ်းကို၊ လိုꩻတင်ꩻလှဲလဲ့ ကထီႏပဖြားဒုံယို ယံကမတ်ဗာႏ နှဲးမွိုးဖါသွီႏယာႏလမ်းကိုနောဝ်ꩻမꩻ ဒုံညီႏညွတ်နော။ (၂) ပဖြားဒုံလဲ့နဝ်ꩻ၊ လိုꩻအမျာꩻလဲ့နဝ်ꩻ ကအွဉ်ႏခါꩻ ဒုံစီꩻကန်ꩻယို တွမ်ႏယားကုဲ စောက္ကာꩻဗာႏမွုန်းတောဝ်းဝင်ꩻ၊ ယံကရိုႏသေႏလွနဝ်ꩻမꩻ လိုꩻဒုံညီႏညွတ်လွဝင်ꩻနော။ (၃) လိုꩻဟောဝ်လိုꩻကုဲ၊ ငေါဝ်းဟောဝ်ငေါဝ်းကုဲ ဒုံကို ကဒေါ့ꩻကဖြောဝ်ႏဗာႏနဝ်ꩻ တွမ်ႏဒေါ့ꩻထေ့မွုန်းလိုꩻဒုံလင်၊ လိုꩻဒုံကို တဟောဝ်တဝ်းအဖြာꩻနဝ်ꩻ လိုꩻတန်ဖုံႏ ယံကဆုမ္မꩻလွ ပငါပရာꩻ၊ လိုꩻကမာꩻဟောဝ်တဝ်းထာꩻနဝ်ꩻလဲ့ ယံကနာႏခံႏဗာႏတေ့ꩻတေ့ꩻ၊ ယံကနေးထူႏလွဉ်ꩻဗဲင်း လိုꩻတန်ကဆုမ္မꩻနဝ်ꩻနော။ (၄) လိုꩻဒုံကို တဖြာꩻတွမ်ႏတဖြာꩻ အပဲစ်မီႏအောဝ်ႏလွဝင်ꩻတဲ့ ကထွာပဖြားဒုံ စဲစ်ဆေꩻနေးယွယွသာႏသာႏ၊ မီႏသေစဲင်းထွူ အခရာႏနဝ်ꩻမꩻ ကွဲးဆုံꩻဖျတ်တရာꩻ အမုꩻပေႏတန်အလွောက်ꩻဒျာႏနော။ (၅) လိုꩻတဒုံချင်ႏ ကအုံညီꩻလွဝင်ꩻနောဝ်ꩻ ယံကမတ်ဗာႏ နှဲးလိုꩻတလမ်းချင်ႏ၊ ကထီႏလွဝင်ꩻ တဖြာꩻတွမ်ႏတဖြာꩻ မေတ္တာႏတရာꩻ ယံကအွဉ်ႏဒင်ႏထေ့လွဝင်ꩻ သွꩻဖေါႏလိုꩻဒုံကို၊ ဗြဟ္မစိုရ်ႏတရာꩻ ၄-ပါꩻ တွမ်ႏအွဉ်ႏဖမွုန်းနမ်းနော။ (၆) အမုကိစ္စမီႏပေါႏပေါက်ဒုံကိုနဝ်ꩻ ပဖြားဒုံ ဆုမ္မꩻဗာႏယွယွ၊ ဆုမ္မꩻဒျာႏမီႏတဒါႏတဝ်းလဲ့ သမာႏထိလိုꩻတန် ဆုမ္မꩻဖေႏဗာႏ၊ သာႏသာႏယွယွ ဆူဖေ့ရီးဒွိုန်းကမေႏနဝ်ꩻမꩻ ကွဲးဆုံꩻဖျတ်ဖေႏတရာꩻနော။ (၇) ကထွာအမုꩻသယ်ႏသား နီဖဲ့ꩻနဝ်ꩻ ယူႏကိဉ်ꩻစာꩻစဲင်းင်း နီကိစ္စယို အကျိုꩻအောဝ်ႏတအောဝ်ႏတဝ်း လိုꩻတန်ဒုံကို မီႏဒေါ့ꩻဖေႏနဝ်ꩻ ယံကနေးနာႏခံႏဗာႏ၊ တဖြာꩻမီႏနာႏ တဖြာꩻသာႏ၊ ထာဝရထုံꩻစံႏ အောဝ်ႏဒွါႏရင်ꩻ၊ ယံဖေႏကသာႏ နီဖဲ့ꩻနီခေါဝ်၊ ယံကနေးငေါဝ်းဟောဝ် ဝင်ꩻဆုမ္မꩻ၊ ယိုမꩻတနꩻလွဉ်ꩻတရာꩻ၊ ဓမ္မဝါႏစာႏ ဓမ္မဓိဋ္ဌာန်ႏဆွူနော။ (၈) လိုꩻတဖြာꩻ ကအောဝ်ႏဒုံကိုနောဝ်ꩻ ဝွေꩻမာꩻထာꩻတဟောဝ်တောဝ်းတဲင် အမျာꩻဆုမ္မꩻလဲ့ နာႏတောဝ်း၊ ဖြားဒုံ ဆုမ္မꩻလဲ့ နာႏတောဝ်း၊ တွိုက်နယ်ႏသားဆုမ္မꩻလဲ့ နာႏတောဝ်း၊ ကထွာခွန်စောဝ်းဆုမ္မꩻလဲ့ ဝွေꩻနာႏတောဝ်း၊ ကားဝင်ꩻကဆုမ္မꩻဝွေꩻအလဲင်ႏင်ႏနောဝ်ꩻ ဝွေꩻတနာႏတောဝ်း ဝင်ꩻငေါဝ်း၊ တွိုႏနောဝ်ꩻတဲင်ခါ ကထွာလိုꩻတန် ကောအုပ်ထိန်ꩻသားနဝ်ꩻ ဝွေꩻအမုꩻအပဲစ် အောဝ်ႏနှဲးမှဲꩻ တန်နှဲးမုဲꩻ ယံကထူႏရေꩻဗာႏနော။ ဒုံညီႏညွတ်ရေꩻယို (၈)ချက်နောဝ်ꩻ ပါꩻကောတနာႏလွဉ်ꩻတဝ်း၊ ကောတရိုႏသေႏလွဉ်ꩻတောဝ်း စီꩻကန်ꩻယိုနောဝ်ꩻ အုံညီꩻဝင်ꩻဒုံ တနွမ်ႏတောဝ်းနော၊ သမ်းရိုꩻဒါႏ ဝင်ꩻအမျာꩻ တဟောဝ်တောဝ်း၊ မီႏနာႏလွဉ်ꩻစီꩻကန်ꩻယို သွစ်ꩻချက်နောဝ်ꩻ လိုꩻဟောဝ်တောဝ်း အဲဉ်ထောဝ်းနော၊ ပါꩻကောကနေးနာႏလွဉ်ꩻ စီꩻကန်ꩻယိုနောဝ်ꩻ ဝွေꩻမီႏရိုꩻဝင်ꩻဟောဝ်တောဝ်းခါ ဝွေꩻကောရိုꩻသား ဟောဝ်တောဝ်းဒျာႏ၊ လိုꩻပိညာႏရှိသား ပညာႏသျင်ႏသားသီး ကအွဉ်ႏသေꩻခါꩻ စီꩻကန်ꩻယိုနဝ်ꩻ ယံကနေးနာႏလွဉ်ꩻလွဝင်ꩻ ပငါပရာꩻနော၊ မီႏနေးနာႏလွဉ်ꩻ စီꩻကန်ꩻယိုနောဝ်ꩻ ခမ်းထီရပ်ရာႏ သာႏယာႏဗာႏအမန်ႏထွူနော။[၁][၂][၃]
အာႏကွိုꩻ
