Practical Applications of a SDMS (Scientific Data Management System)
ယူကျု့ (အဲင်းကလေတ်:Youtube) ယို ဒင်ႏသွော့ꩻအီ ဗီဒီယို အဒွိုင်ႏ အဲင်းတာနဲက် လွောင်း လိတ်မဲ့ငါ ဝဲက်သုဲက် တဗာႏဒျာႏ တဲင်ꩻ ထွားဗဲင်းနေး လဒျာႏ လိတ်မဲ့ငါတဗာႏသွူ။ ဝဲက်သုဲက်ယိုနဝ်ꩻ လိုꩻကအဝ်ႏလိုႏဒါႏ ဒေႏသန္တရ ဗဟုသုတ ဖုံႏ ၊ ငေါဝ်းသချင်ꩻ ၊ ဆဲင်ႏအနယ်ꩻပညာႏ ခရာႏဖုံႏ ၊ စတဲင် သတင်ꩻခြွဥ်း ကဏ္ဍဖုံႏယို လꩻနွောင်ꩻဒျာႏ ခင်ႏလမ်းတဗာႏသွူ ။ ယိုခါခိန်ႏနဝ်ꩻ ဂူဂဲယ်း နဝ်အဝ်ႏပဲင်ႏဆဲင်ႏခါဒျာႏ ယူကျု့ သွူ။ တယ်ႏစလွေꩻ ခရစ်နေင်ႏ၂၀၀၅ ဗာႏ လာဖေဖောႏဝါႏရီႏ နဝ်ꩻ ပေႏပဲယ် ထာမာꩻသား ဝသ်သွံ တယ်ႏစုခါဒျာႏသွူ။ ခရစ်နေင်ႏ ၂၀၀၆ဗာႏ လာနိုႏဝေင်ဘာႏတွင်ꩻနဝ်ꩻ ဂူဂဲယ်ႏ ဖြေꩻလွေꩻခန်း တွမ်ႏ အမေႏရိကန်ႏ ၁.၆၅ ဘီလီယံ နုဲင်းနဝ်ꩻသွူ ။ [၁] ယူကျု့ ဝဲက်သုဲက်အကိုယို ဗီဒီယိုပွုံးစံႏအစွိုးစွိုး ဖုံႏ ဒင်ႏသွော့လဒျာႏတဲင် ကထွားဒါႏဗီဒီယိုသားဖုံႏနဝ်ꩻလဲ့ ဖန်းဖြဲယ်နွောင်ꩻဒျာႏ ၊ အမုဲင်ꩻဖုံႏလဲ့ဖေႏနွောင်ꩻဒျာႏ၊ ကထွာႏဒါႏဗီဒီယိုသာႏ စုခြွဥ်းဖုံႏလဲ့တောင်သေꩻခါꩻလဒျာႏ၊ ဗီဒီယိုဖိုင်ဖုံႏကိုယိုလဲ့ ထာထီႏအဝ်ႏနုဲင်ႏမုဲင်နဝ်ꩻ တဲမ်ႏသွော့ꩻဖေႏနွောင်ꩻလွုမ်ꩻတကာႏတဝ်း ဖေႏနွောင်ꩻပါယင်းဒျာႏတွမ်ႏ ကျွိုက်ရာꩻအမုဲင်ꩻ ကျွိုက်တဝ်းအမုဲင်ꩻ ဖုံႏနွောင်ꩻ ဖေႏပါလꩻဒျာႏ လွုမ်ꩻတကာႏတဝ်း စတဲင်ဖုံႏအနယ်ꩻပညာႏဖုံႏပါသွော့ꩻဒျာႏနဝ်ꩻမꩻ ယူကျု့ ယို လိုꩻကျွိုက်အာဗာႏနဝ်ꩻသွူ ။
အာႏကွိုꩻ
- ↑ Hopkins, Jim။ "Surprise! There's a third YouTube co-founder"၊ USA Today၊ October 11, 2006။ November 29, 2008 ကို ထွားစဲစ်ချာထွူ။
