Practical Applications of a SDMS (Scientific Data Management System)

As coordenatas cheograficas permiten determinar a posición de cada punto en a Tierra por meyo de tres coordenatas, emplegando un sistema de coordenatas esfericas. As dos primeras coordenatas corresponden a la latitut y a la lonchitut d'o punto, a tercera a l'altaria sobre a superficie (u sobre o centro d'a Tierra).

A lonchitut d'un punto P d'a superficie terrestre ye l'arco d'equador comprendito entre o punto d'intersección d'o meridiano de Greenwich con o equador y o punto d'intersección d'o meridiano local de P con o equador.

A latitut de P ye l'arco d'o meridiano local de P comprendito entre o equador y P, mesurato de 0° a 90° en cada hemisferio a partir d'o equador.

A Tierra no ye esferica, sino que tien una forma irregular que s'aproxima a un elipsoide. D'ista manera, a extensión d'un grau de lonchitut u de latitut ye diferent en diferents puntos cheograficos, por o que cal fer correccions sobre o sistema de coordenatas ta que cada punto quede determinato de forma no ambiga por as tres valors de coordenatas.^[2]

A latitut y a lonchitut pueden amostrar-se en tres formatos equivalents:

• Graus.Decimals (en anglés Decimal Degree, DD) eixemplo 41.333- 106..500
• Graus:Menutos (en anglés Degree Minute, DM) eixemplo 41:20- 106:30
• Graus:Menutos:Segundos (en anglés Degree Minute Second, DMS) eixemplo 41:20:00- 106:30:00