Potency and safety analysis of hemp-derived delta-9 products: The hemp vs. cannabis demarcation problem
Las proteínas son macromoléculas hormas pol cadenas linealis de aminoáceus.
Estas se ensamblan de divelsas hormas, lo que les permiti participal cumu los prencipalis componentis estruturalis delas células i los tejius. Pol esti motivu el crecimientu, la reparación i el mantenimientu del organismu dependin de ellas.
Pol sus propiedais fisicuquímicas, las proteínas se puein crasifical en proteínas simplis (holoproteius), hormas solu pol aminoáceus o sus derivaus; proteínas conjugas (heteroproteius), hormas pol aminoáceus acompañaus de sustancias divelsas, i proteínas derivas, sustancias hormas pol desnaturaliçación i desdoblamientu delas anterioris. Están constituis pol unidais estruturalis llamaus polímerus. Las proteínas son nezesarias pa la vía, sobri tou pol la su hunción plástica (constituin el 80 % del protoplasma desidratau de toa célula), peru tamién pol sus huncionis biorregulaoras (horman parti delas enzimas) i de defensa (los anticuerpus son proteínas).
Las proteínas desempeñan un papel fundamental pala vía. Representan alredol del 50 % del pesu secu de los tejius. Son las biomoléculas más velsátilis i divelsas. Son imprescindiblis pal crecimientu del organismu i realiçan una enormi cantida de huncionis diferentis, entri las que destacan:
- Estructural. Esta es la hunción más importanti duna proteína (Ej.: colágenu)
- Contráctil (actina y miosina)
- Enzimática (Ej.: sacarasa y pepsina)
- Homeostática: colaboran nel mantenimientu del pH (ya que atúan cumu un tapón químicu)
- Inmunológica (anticuerpus)
- Produción de costras (Ej.: fibrina)
- Protetora o defensiva (Ej.: trombina y fibrinógenu)
- Transdución de señalis (Ej.: rodopsina).
Las proteínas están hormas pol aminoáceus. Las proteínas de tous los seris vivus están determinas mayoritariamenti pol la su genética (con excepción de argunus pébtius antimicrobianus de síntesis nu ribosomal), es izil, la enhormación genética determina en gran media qué proteínas tien una célula, un tejiu i un organismu.
Las proteínas se sintetizan dependiendu de cumu se alcuentrin regulaus los genis que las coifican. Pol tantu, son susceptiblis a señalis o fatoris externus. El conjuntu delas proteínas expresas en una circunstancia determina es denominau proteoma.
