Laboratory demand management strategies: An overview

	Mohammad ibn Zakarija al-Razi
Gebore	854; Rei (naby Teheran), Iran
Oorlede	923 of 925; Rei, Iran
Vakgebied	Chemie, medisyne, filosofie

Mohammad ibn Zakarija al-Razi (Persies: محمد زکریای رازی), ook bekend as al-Razi, Rhazes of Rasis (28 Augustus 854 - 6 Oktober 925) was 'n Persiese dokter, alchemis, chemikus, filosoof en een van die noemenswaardigste figure in die geskiedenis van die geneeskunde.^[1]^[2] Hy is ook as 'n Uomo universale erken.^[3]

Lewensloop

Razi is in Rei, 'n stad wat in die suide van die Teheran-provinsie geleë is, gebore. Dit is moontlik dat sy agternaam na sy geboorteplek verwys.^[4] Daar word dikwels gesê hy het in sy jeug die kans gehad om 'n loopbaan in musiek te volg, maar dat hy meer in alchemie belanggestel het. Omdat sy eksperimente hom 'n oogsiekte gegee het, het Razi met sy studies in alchemie opgehou. Sy soektog na 'n geneesmiddel vir hierdie oogsiekte is moontlik die rede hoekom hy met geneeskunde bemoeid geraak het.

Razi het voortgegaan om geneeskunde onder Ali ibn Sahl Rabban al-Tabari te bestudeer. Later het hy 'n dokter op sy tuisdorp geword. Daarna het hy die hele Persië deurreis om lesings in geneeskunde te gee. Hy was hoof van die hospitaal wat deur Haroen al-Rasjid in Bagdad gestig is. Volgens 'n paar bronne het Razi as dokter baie aandag aan sy pasiënte gegee. Hy staan ook as 'n rasionalis bekend, wat volgens geskiedkundiges vry van vooroordele was.

Razi se oogsiekte het nooit genees nie en het uiteindelik tot algehele blindheid gelei. Hierna het hy geweier om siektes te behandel, omdat hy gevoel het sy afsterwe kom nader. Hy is in 923 of 925 n.C. oorlede.

Verwysings

↑ Robinson, Victor (1944). The story of medicine. New York: New Home Library.
↑ Porter, Dorothy (2005). Health, civilization, and the state: a history of public health from ancient to modern times. New York: Routledge (published 1999). p. 25. ISBN 0-415-20036-9.
↑ History of civilizations of Central Asia, Motilal Banarsidass Publ., ISBN 81-208-1596-3, vol. IV, part two, bl. 228.
↑ Boyce, Mary; Frantz, Grenet (1982). History of Zoroastrianism: Under The Achaemenians. Leiden: Brill. ISBN 9004065067.

Eksterne skakels

Wikimedia Commons het meer media in die kategorie Rasis.

[1] Robinson, Victor (1944). The story of medicine. New York: New Home Library.

[2] Porter, Dorothy (2005). Health, civilization, and the state: a history of public health from ancient to modern times. New York: Routledge (published 1999). p. 25. ISBN 0-415-20036-9.

[3] History of civilizations of Central Asia, Motilal Banarsidass Publ., ISBN 81-208-1596-3, vol. IV, part two, bl. 228.

[4] Boyce, Mary; Frantz, Grenet (1982). History of Zoroastrianism: Under The Achaemenians. Leiden: Brill. ISBN 9004065067.

[1]

[2]

[3]

[4]

Mohammad ibn Zakarija al-Razi

Gebore	854 Rei (naby Teheran), Iran
Oorlede	923 of 925 Rei, Iran
Vakgebied	Chemie, medisyne, filosofie