Knowledge Base Wiki

The Amazing Race深圳衛視版
幾時影	2016年4月8號—9月16號
幾時拍	2016年7月8號—9月16號[註 1]
集數	10
去過邊啲大洲	8
去咗幾多個國家	10
站數	10
季度年表
← 前 第2季 後 → 第4季

The Amazing Race深圳衛視版（第3季）係深圳衛視喺佢當地嘅The Amazing Race版節目嘅第三季比賽，有6個唔同關係嘅雙人隊比賽。2016年4月8號到2016年8月16號拍，真正播出時間係2016年7月8號到2016年9月16號。呢季由郭晶晶同霍啟剛隊攞咗最後嘅總冠軍。

下面嘅表係寫冚唪唥參賽隊嘅比賽結果（按先後嚟排）。其中每隊之間係按影緊節目嗰時嚟寫，兩隊之間關係按官方嚟寫。

隊伍	關係	分段比賽成績										路障完成情況
		1	2	3	4γ	5	6+	7	8+	9	10
郭晶晶 & 霍啟剛	兩公婆	6th	6th	4th	3rd	3rd»	3rd	4th	1st	2nd^13	1st	郭晶晶 5，霍啟剛 6
金大川 & 劉暢	搭擋	1st	2nd	2nd	2ndε	2nd»	5th	1st	4th	3rd^12	2nd	金大川 7，劉暢 3
劉翔 & 吉龍祥 劉翔 & 徐琦峯1	表兄弟 老友記	7th	4th	3rd34	5th	6th»79	1st	3rd	3rd	1stθ~14	3rd16	劉翔 7，吉龍祥 1，徐琦峰 3
吳建豪 & 姚鳳鳳	兄妹	3rd	5th	6th2	1stƒ	1st»	4th~	2nd	2nd~	4thθ~1115		吳建豪 6，姚鳳鳳 4
張哲瀚 & 張思帆	撘擋	5th	1st	5th	4th5	5th«10	2nd	5th				張哲瀚 5，張思帆 3
金星 & 亨氏	兩公婆	4th	3rd	7thə34	7thγ6	4th89	6th					金星 44，亨氏 3
黃婷婷 & 孫芮	閨蜜	2nd	7th	1st	6th6	7th8910						黃婷婷 3，孫芮 3
張美曦 & 臧雅菲	同事	8th	8th									張美曦 2，臧雅菲 1

註：

• 紅字 : 玩完嗰個賽段就GAME OVER
• 藍下劃線：玩完嗰個賽段之後，雖然話最後到終點，但下個賽段要玩多個緩衝脊。
• 綠ƒ：呢個隊攞咗快進方式。有綠ƒ嘅標記係嗰站有快進方式，但冇參賽隊用過。
• 紫ε：呢個隊用咗直通車。桃紅ə：喺賽段入面攞咗直通車嘅隊用咗直通車。
• 橙>：呢個隊用咗凍結權；而<係俾人搞咗凍結權嘅隊；而有<>係嗰站有凍結權但冇參賽隊用過。
• 啡⊃或青⋑呢個隊係兩隊入面其一俾人用「雙重U吞」嘅隊；⊂或⋐係俾人U吞咗嘅隊，⊂⊃或⋐⋑係嗰站有U吞，但冇參賽隊用過。
• 靛»係投票話一定要U吞嘅隊；«係俾人投咗必須要U吞嘅隊。
• 橙+：有對抗任務；~：對抗任務入面最後都衰嗮，任務結束後喺當地罰咗15分鐘。
• 紫羅蘭γ：呢個賽段有隊俾人用咗免死金牌出返嚟而繼續比賽
• 藍綠^或橄欖綠θ：呢個賽段嘅一齊做任務入面，各個隊嘅分組情況。

• 註 1: 賽段開始時，由於吉龍祥嘅身體狀況，按照醫生指引而冇辦法繼續參加比賽，所以從第三賽段開始換成徐琦峯繼續完成凈低嘅賽段^[1]。
• 註 2: 雖然吳建豪同姚鳳鳳隊係賽段第一隊到終點，但由於佢哋放棄成個Wasabi BOOM-BOOM!!任務，加上喺富士急樂園做過山車睇名任務時同黃婷婷 & 孫芮隊通水兼直接補答成功^{[註 2]}，所以去到終點站時，總計要罰1個鐘頭又15分鐘，等到其它隊到嗮終點之後重未罰完時。最後從第1跌到落第6位而結束第三站賽事。
• 註 3: 劉翔同亨氏隊因為半佬放棄Wasabi BOOM-BOOM!!任務，去到終點站時要罰半個鐘。
• 註 4: 雖然劉翔同徐琦峯隊係第三個到終點，但係因為第三註理由而罰咗半個鐘，不過名次冇發生變化，重係以第三位嘅成績完成第三站賽事。而金星同亨氏雖然接受咗金大川同劉暢畀嘅直通車而直接第五個到終點，但係因為第三註理由而罰咗半個鐘，等到其它隊到嗮終點之後重未罰完時，直到吳建豪同姚鳳鳳罰完時宣佈埋名次後而跌到落墊底。路障完成數量計金星一個（因為金星出咗直通車）。雖然第三賽段最後結果係金星同亨氏要淘汰出局，但由於張哲瀚同張思帆隊喺最後時刻向金星同亨氏隊出咗免死金牌，所以金星同亨氏隊下一站重有得繼續玩。
• 註 5: 雖然張哲瀚同張思帆隊係第三個到終點，但係去緊賽段終點時搭咗非法營運車輛而被判罰時30分鐘^{[註 3]}，最後從第3跌到第4位而結束第四站賽事。
• 註 6: 雖然黃婷婷同孫芮隊係第四個到終點，但由於去緊莫斯科哥斯頓酒店做軍中綠花任務時，唔睇燈亂咁衝紅燈過斑馬線（屬違反交通規則）而被判罰時30分鐘。不過罰完時嗰時，金星同亨氏隊啱好到咗終點，由於嗰時兩隊都係最後到達，按規則嚟講係睇上過賽段嘅成績。由於黃婷婷同孫芮隊上個賽段成績明顯好過金星同亨氏，加上係非淘汰賽段，所以兩隊判成噉：黃婷婷同孫芮隊從第3跌倒落第6位，下個賽段唔使做緩衝脊任務。而金星同亨氏隊被判最後一個到達嘅小組，下個賽段要做多個緩衝脊任務。
• 註 7: 劉翔同徐琦峯隊因為喺餐廳樓頂整西班牙大鑊飯時做錯2個步驟，食嗮時要加罰20分鐘（10×2=20）先至有得繼續比賽。
• 註 8: 黃婷婷同孫芮隊、金星同亨氏隊因為喺餐廳樓頂整西班牙大鑊飯時做錯1個步驟，食嗮時要加罰10分鐘先至有得繼續比賽。
• 註 9: 黃婷婷同孫芮隊、金星同亨氏隊、劉翔同徐琦峰隊雖然分別係第2、3、4位到達終點，但因為做緊隻眼開隻眼閉嘅飛碟射擊路障任務時話唔做，去到終點時各個隊都要罰停1個鐘頭；不過黃婷婷同孫芮隊因為第10註原因而加罰多一個鐘，等到其它隊到嗮終點時都重喺度罰時。最後，金星同亨氏隊從第3跌倒第4位而晉級下一站賽事；劉翔同徐琦峰呢兩隊從第4跌倒第6位，下站賽事重有得玩。而黃婷婷同孫芮隊從第2跌到落包尾而被淘汰出局^{[註 4]}。
• 註 10: 雖然黃婷婷同孫芮隊、張哲瀚同張思帆隊都分別係第2、5位到達終點，但佢哋喺分岔路任務嘅夢遊佬路線上，都冇按要求全程帶瞓覺帽而嗌一大堆人幫手搬到終點線；而黃婷婷同孫芮隊重離譜，嗌路人將床搬到終點線時，冇按照規定將佢打掂嚟排而攞咗下個線索^{[註 5]}，重有次喺半佬隻腳掂地但未俾主持人、裁判、節目製作組成員三者其一發現或俾其它隊員舉報^{[註 5]}。去到終點時，張哲瀚同張思帆隊罰停半個鐘，而黃婷婷同孫芮隊罰停一個鐘；不過黃婷婷同孫芮隊因為第9註原因而加罰多一個鐘，等到其它隊到嗮終點時都重喺度罰時。最後，張哲瀚同張思帆隊嘅排名冇變，重係以第5位嘅成績晉級下一站賽事；而黃婷婷同孫芮隊罰完時後從第2跌倒包尾而被直接淘汰出局^{[註 4]}。黃婷婷同孫芮隊之所以被淘汰出局，可能係分岔路嘅搬床任務半佬，其中一位成員對腳落地時并未俾裁判或節目製作組發現或俾其它隊員舉報有關，可能係節目組最後時刻發現而補罰^{[註 5]}。
• 註 11: 吳建豪同姚鳳鳳隊玩穿過堆仙人掌攞草帽嘅路障任務時，因為俾仙人掌堆銡爆咗11隻氣球，加上半佬跌咗3隻氣球，總共夾埋14隻氣球。按照遊戲規則，做完任務後總共罰１×［（１１－１０）＋３］＝４分鐘。
• 註 12: 金大川同劉暢隊玩穿過堆仙人掌攞草帽嘅路障任務時，因為俾仙人掌堆銡爆咗37隻氣球，加上半佬跌咗4隻氣球，總共夾埋41隻氣球。按照遊戲規則，做完任務後總共罰１×［（４１－１０）＋４］＝３４分鐘。
• 註 13: 郭晶晶同霍啟剛隊玩穿過堆仙人掌攞草帽嘅路障任務時，因為俾仙人掌堆銡爆咗34隻氣球，但半佬冇跌氣球，總共夾埋34隻氣球。按照遊戲規則，做完任務後總共罰１×［（３４－１０）＋０］＝２４分鐘。
• 註 14: 劉翔同徐琦峯隊玩穿過堆仙人掌攞草帽嘅路障任務時，因為俾仙人掌堆銡爆咗26隻氣球，加上半佬跌咗2隻氣球，總共夾埋28隻氣球。按照遊戲規則，做完任務後總共罰１×［（２６－１０）＋２］＝１８分鐘。
• 註 15: 雖然吳建豪同姚鳳鳳隊係賽段第二隊到終點，但係做緊流浪者樂隊（第二個路線）任務時因為隊伍兩位成員之間違反線索規定（分頭行動），所以去到終點站時要罰30分鐘。罰完時之後由於郭晶晶同霍啟剛隊、金大川同劉暢隊先後反超咗，最後從第二跌倒包尾而宣佈淘汰出局。
• 註 16: 雖然劉翔同徐琦峯隊話唔玩滑水嘅路障任務，去到終點時要罰一個鐘，但係由於郭晶晶同霍啟剛隊、金大川同劉暢隊先後到咗終點，所以佢去到終點時已經收到比賽結束嘅消息而攞咗季軍。

呢季入面有10個站位獎，每站終點凈得第一嗰位到咗先至有獎。以下寫嘅係第三季有乜獎：

站數	乜獎
1	機場T3航站樓嘅麥當勞叔叔任務：600歐羅嘅前進基金 終點：一次豪華酒店晚餐、免費去澳洲同紐西蘭旅遊。直通車×2。一張留返自己，第張畀第個隊喺第6賽段之前用咗佢。
2	免死金牌×1（賽季唯一），喺第4賽段完之前用嚟復活其中已被淘汰一隊（計埋自己）。免費去澳洲同紐西蘭旅遊。
3	免費去挪威同丹麥、冰島旅遊。
4	免費去法國同德國、瑞士旅遊。
5	免費去美國同英國、巴西旅遊。
6	免費去日本同南韓、星加坡旅遊。
7	免費去挪威同丹麥、冰島旅遊。
8	免費去丹麥同意大利、荷蘭旅遊。
9	賽段初（一齊做任務做完之後）：300墨西哥比索嘅前進基金 終點：免費去美國同瑞士、法國旅遊。
10	100萬獎金、價值100萬嘅珍珠頸鏈。

指定交通	空路　　 軌道　　 水路　　 巴士　　 馬車　　 單車
線索標記	路障　　 分岔路　　 快進方式　　 凍結權　　 U吞　　 緩衝脊　　 一齊做　　 崖广障礙　　賽段終點
能量供應	食品供應站　　 飲品供應站

• 北京
• 北京 （萬里長城）

  起跑線任務：各位參賽隊必須行樓梯級，搵到個錦旗，去到居庸關位交畀大將軍，就有下個線索。

---（ ↑ 起點 ）---

• 北京（萬里長城居庸關）

  任務：爬上2008年奧運會點着聖火嘅地方——頂美觀景臺去攞下個線索。

• 北京（鳥巢）

  任務：參賽隊要着威亞服裝扯到60m嘅高空，喺20秒嘅上升期間要打5個向前嘅關斗，跟住喺20秒嘅下降期間要打5個向後嘅關斗。若果呢2組動作都成功搞掂，就有下個線索。不過：

  唔畀喺升降期間停咗落嚟時打關斗。

• 北京（首都國際機場T3航站樓，土耳其航空貴賓室入面）

  任務：搵麥當勞叔叔重按順序簽到，簽到後有麥當勞嘅奧運五環食品套餐同下個線索。

  簽到順序＝下站出發名次

• 北京（首都國際機場）→ 伊斯坦堡→ 雅典（雅典國際機場（英文：Athens International Airport））
• 埃皮道魯斯（英文：Epidauros）（古劇院 ←→ 體育場）

  「阿基米德」任務：嚟呢度玩嘅參賽隊要喺古劇院入面，揀個操作檯玩以前阿基米德玩過嘅十四巧板。要將散嗮嘅十四巧板拼返成正方形後，就有下個線索。

  雖然參賽隊可以睇希臘啲後生仔手頭上隨時抽2張十四巧板拼成正方形嘅參考圖，但2人必須要統一行動。每張參考圖凈限出一嚿木板嘅位，而且每次凈限抽取一次。

  「斯巴達勇士」任務：嚟呢度玩嘅參賽隊要喺體育場入面，搞掂掟標槍同埋飛鐵餅嘅任務收集標準環。要收集齊4個標準環後交畀裁判攞下個線索。其中：

  掟標槍：兩位參賽隊員都要將標槍掟中兼插入禾稈草堆入面就有2個標准環。

  飛鐵餅：兩位參賽隊員都要將鐵餅掟到過咗條標準界而攞到2個標准環。

  開掟時個腳唔可以過紅界

• 雅典（雅典大學廣場）

  任務：要揀位先生學雅典衛兵換崗嘅動作同走位，學完之後到挑戰區做表演。若果走位啱嗮且動作都到位，兼教官話掂喇，先至有下個線索。

• 雅典（雅典奧林匹克體育場）

  任務：揀出2004年雅典奧運會冠軍同佢嘅對應項，就有下個線索。

• 雅典（雅典奧林匹克體育中心拱廊）

• 雅典（雅典國際機場（英文：Athens International Airport））→ 慕尼黑（慕尼黑機場）
• 慕尼黑（英國公園（英文：Englischer Garten）中國塔）

  任務：跟住路線指引去到指定草坪，要喺德國獵狗幫手下，要攞到奧運吉祥物（華迪（英文：Waldi））就有下個線索。注意：

  每5分鐘一次獵狗賽跑比賽，總共7輪，最先到嗰隊可以揀參賽嘅德國獵狗，帶到終點，要第一位到終點（隊員兩人同時到）先至有吉祥物。7輪過後邊隊最後輸嗮嘅話，要罰時5分鐘。

• 慕尼黑（聖彼得教堂）

  任務：喺教堂嘅塔頂望過去慕尼黑嗰邊，搵帶有節目標記（中間紅兩邊黃）嘅車就有下個線索。

• 慕尼黑（加米施奧林匹克滑雪場（英文：Große Olympiaschanze））

  任務：隊伍要揀位成員出嚟學專業嘅滑雪動作，上到30m高嘅滑雪臺頂滑落嚟，若果姿勢同動作都符合專業標準，就有下個線索。

• 慕尼黑（Bräustüberl餐廳）

  整盤慕尼黑嘅傳統白香腸，要數量、嘥士同樣品一樣或差唔多，再食嗮佢先至繼續任務。

• 慕尼黑（啤酒花園 ←→ 威登費澤餐廳［德文：Werdenfelser Hof］）

  「乾杯」任務：要做啤酒節嘅斟酒佬。同隊友一齊攞1抽（每杯1L，總共廿二杯）嘅啤酒，穿過啤酒廣場，一次性安全送到吧檯就有下個線索。不過出現以下行為其一要重新嚟過：

  1. 中途倒瀉超過6杯啤酒（啤酒嘅酒精量低過商標嘅頂位算倒瀉1杯）

  2. 中途打爛咗個杯

  3. 未兜夠成個啤酒廣場

  「狂歡」任務：學巴伐利亞當地嘅民族舞蹈，若果肢體靈活加上跟得上比較複雜嘅節拍，而且同舞蹈演員一齊完成表演兼動作合格，就有下個線索。

• 慕尼黑（紹布森林屋）^A

  任務：隊伍要揀位成員出嚟學唱德國傳統情歌，重按當地習俗，企喺個梯度向2樓陽臺嘅隊友深情演唱，若果歌聲同表現都冇乜瑕疵先有下個線索。

  演唱唔符合標準嘅，要接受裁判無情噉用水由頭淋到腳嘅懲罰，更加要重新嚟過。

• 慕尼黑（新天鵝堡）

註 A: 做過第一次路障任務嘅人，呢場唔可以參加，必須要揀另一隊員去完成任務。

• 慕尼黑（慕尼黑機場）→ 東京（東京國際機場）
• 東京（東京鐵塔）

  任務：入去錄影棚，完成Wasabi BOOM-BOOM!!挑戰。主持人轉到WASABI壽司時，要喺2分鐘內食嗮WASABI壽司先至有下個線索。

  轉到原味壽司時，必須要揀位選手將喺面前嘅壽司卷食嗮。

• 東京（台場模擬錄影棚［日文：東京タワースタジオ］）

  任務：每組2位選手喺教練嘅指導下，學習兼成功挑戰5個指定嘅柔道動作（巴投、肩車、膝車、雙手孭住丼、大內刈）就有下個線索。

• 東京（秋葉原女僕咖啡廳 ←→ 新宿中央公園）

  「美少女戰士」任務：參賽隊要去秋葉原女僕咖啡廳，喺美少女戰士嘅手辦當中，揀個美少女形象進行角色扮演挑戰。每組要揀個隊員做模特，另一位做佢嘅造型師，跟住按揀好嘅指定手辦個樣嚟裝扮，搞掂之後再行出街，搵夜禮服假面。要選手嘅打扮同人物原型冇任何差錯先至有假面嘅玫瑰同埋下個線索。

  「名偵探柯南」任務：參賽隊要去新宿中央公園（日文：新宿中央公園），幫工藤新一搞偵探調查分析。選手要喺調查區域入面嘅15個證物當中，搵出10樣同人物描述有關嘅證物，重要測出每個準確證物喺本區域嘅精確座標兼標喺調查表格上。要交出完全正確嘅調查表格先至有下個線索。

• 東京（富士急樂園（日文：富士急ハイランド））

  任務：參賽隊要入去園區體驗過山車之王。喺坐緊過山車時搵地面放住啲文字線索，重要拼出下一站嘅地名。

  答案正確：有下個線索。

  答案錯誤：要重新坐多次過山車兼睇清楚為止。

• 東京（富士生態公園）

  任務：各個參賽隊必須要揀位選手體驗忍者。喺限定時間範圍內（遊戲限時6分鐘）先後搞掂翻過木牆、擔住好重嘅嘢過唥鐘陣、掟飛鏢嘅三項挑戰。三項都搞掂嘅話就有下個線索。但係出現以下行為其一要重新嚟過：

  1. 未成功翻過木牆（計埋棟牆被特登撞冧）

  2. 過緊唥鐘陣時掂到唥鐘或唥鐘響咗

  3. 掟飛鏢時冇掟中帶「忍」字嘅靶心

  4. 限時內未成功搞掂嗮呢三個挑戰。

  5. 半佬亂咁跳關

• 東京（八木崎公園）

• 東京（東京國家機場）→ 莫斯科（多莫德多禾國際機場（俄文：Домодедово (аэропорт)））
• 莫斯科（細紅山橋（俄文：Малый Краснохолмский мост））［起跑線任務］

  任務：各位參賽隊員必須要按照傳統，將杯高濃度嘅伏特加放喺長軍劍上，一次過飲嗮佢就有下個線索。

• 莫斯科（大列巴麵包檔［俄文：Хлеб Пекарня］）

  任務：先喺麵包舖揀好你要擺嗰隊麵粉袋嘅指定位，再兩個人一齊合作，將每袋100市斤 （50公斤，110磅），總共20袋麵粉搬運到麵包舖入面，重要喺指定區域擺放得好整齊，最後等波士話掂喇，就有新鮮出爐嘅包嚟食同埋下個線索。

• 莫斯科（斯拉夫彥斯卡亞廣場（俄文：Славянская площадь））
  • 莫斯科（俄羅斯大馬戲團）

    任務：參賽隊必須要學同表演兩個馬戲團嘅經典表演項——空中飛人同埋轉盤接力。

    空中飛人：要求參賽隊嗰兩位選手喺限時5分鐘內，喺高空搞掂一段力同靚嘅雙人綢吊舞（總共4段）。

    轉碟接力：要求參賽隊嗰兩位選手要喺小丑幫手情況下，搞掂傳轉碟任務。但係：

    傳緊轉碟時，個碟唔可以喺上邊跌落嚟或打爛個碟。

    最快搞掂呢個任務嘅隊，直接跳過凈低嘅任務而去到終點。其它衰咗嗰啲，繼續下面嘅正常任務。

• 莫斯科（俄羅斯國立社會大學 ←→ 莫斯科哥斯頓酒店）

  「出水芙蓉」任務：參賽隊要去俄羅斯國立社會大學嘅泳館，向俄羅斯金牌水上芭蕾隊學同表演段水上芭蕾動作，等裁判話動作同表現都完全掂嗮，就有下個線索。

  「軍中綠花」任務：參賽隊要去莫斯科哥斯頓酒店（俄文：Корстон-Москва），向俄羅斯軍隊最高級別嘅歌舞團——亞歷山大紅旗歌舞團學同表演段比較出名嘅俄羅斯士兵舞蹈，若果裁判話動作跟得上同表現都完全掂嗮，就有下個線索。

• 莫斯科（莫斯科國立師範大學）

  任務：參賽隊必須要揀位成員入去考場，之後按大屏幕出嘅信息，計出試卷上至少5個俄羅斯城市睇奧運賽事嘅本地時間（睇時區）。等教授通過之後就有下個線索。

• 莫斯科（紅場）

• 莫斯科→ 珠海（珠海金灣機場）
• 珠海（湯臣倍健工廠）

  任務：喺廠房倉庫入面搵齊12樣夏季奧運會吉祥物，重要對應噉放返喺啱嘅舉辦城市先至有下個線索。

  最先完成嗰4隊坐第一班飛機，凈低嗰3隊坐第二班飛機。

• 珠海（九洲港）→ 香港（海天客運碼頭）
• 香港（海天客運碼頭）→ 巴薩隆拿
• 巴薩隆拿（巴薩隆拿機場）

• 巴薩隆拿（聖家大教堂）
• 巴薩隆拿（高第廣場（西班牙文：Plaza de Gaudí））

  任務：要用自己嘅頭殼頂頂起巴薩隆拿最傳統嘅巨人公仔［高度：3米（10呎，9尺）；重量：30公斤 （66磅，60市斤）］，保持平衡兼兜住公園一圈行先至有下個線索。

• 巴薩隆拿（利修劇院 ←→ 地中海舊港）

  「鬥牛士」任務：去利修劇院（西班牙文：Gran Teatro del Liceo）睇西班牙經典歌劇——Carmen嘅節選部分，睇完歌劇後，要去1樓大堂搵裁判隨機抽出兩條問題（兩人同時抽），之後一齊回答。若果：

  兩條問題全部答啱：有下個線索。

  兩條問題全部錯嗮或答錯一條：重新睇多次歌劇。

  問題答錯咗之後，必須要睇多次歌劇再答過，冇得補答。

  「夢遊佬」任務：去地中海舊港搞場瞓中午覺嘅比賽。自己先帶瞓覺帽，再揀張床搬到兼打掂放喺起點線，之後召集路人，路人要將參賽者連人帶床搬到距離原位400米遠嘅終點就有下個線索。注意：

  參賽選手必須要全程帶瞓覺帽，未到終點前唔畀除低。

  參賽選手喺路人半佬唞緊或退出時，都唔畀落床。要繼續召集路人，直到去到終點為止。

  參賽選手隻腳掂到地或跌咗落床，要返去起點重新嚟過。

• 巴薩隆拿（哥倫布紀念碑）
• 巴薩隆拿（細巴薩隆拿市場［西班牙文：Mercat de la Barceloneta］→西拉斯酒店［西班牙文：The Serras Hotel Barcelona］）

  任務：參賽隊必須要按食材一覽提示，利用賽段基金買西班牙大鑊飯嘅食材同一支調和油，去到餐廳樓頂一齊整份符合標準兼膳食營養均衡嘅西班牙海鮮飯，等裁判話OK之後重要自己食嗮佢，先至有下個線索。

  中途唔畀做錯步驟。做錯每步罰10分鐘，睇數量而疊加，最耐罰2個鐘。

• 巴薩隆拿（巴薩隆拿奧運會射擊場（西班牙文：Campo de Tiro Olímpico de Mollet））

  任務：各個參賽隊必須要揀位成員去完成飛碟射擊任務。參賽選手每輪有5發子彈，每輪挑戰必須要從左到右（1～5號位）順序射飛碟，直到5個飛碟全部射中為止先至有下個線索。

  每輪成績可以疊加。

• 巴薩隆拿（莫祖錫奧林匹克體育場）

• 莫斯科→ 羅馬（羅馬－費烏米茨諾機場（意大利文：Aeroporto di Roma-Fiumicino））
• 羅馬（特里維噴泉）

  任務：按照傳統姿勢搞掂許願儀式就有下個線索同鎖住嘅達文西密碼筒。

  密碼筒有第6站嘅終點線索，每次搞掂個任務，就會有個字母密碼出嚟。一搞掂嗮冚唪唥嘅任務重收齊5個字母時，要轉出個啱嘅密碼先至去到終點。

  1. 參賽隊唔可以丼咗密碼，唔係嘅話會永遠搞掂唔到個賽事。

  2. 亂咁撞啱密碼攞到終點線索而去到終點嘅，主持人會直接嗌佢哋返轉頭做任務或罰停24個鐘。

• 羅馬（德索理耶利宴會廳）

  任務：參賽隊要揀位隊員去宴會廳門口揀份面具，記住佢嘅樣同色後參加舞會。喺舞會入面搵出帶住同你睇嘅面具一模一樣嘅人帶到裁判面前就有下個線索同埋達文西密碼。

• 羅馬（古羅馬鬥獸場）

  任務：參賽隊要學成套角鬦士對戰動作，之後兩位先後同位角鬦士搞場決鬥，等凱撒大帝話佢哋嘅動作同神態都啱嗮角鬦士嘅戰鬥風格喇，就有下個線索同埋達文西密碼。

• 羅馬（卡拉卡拉浴場）【對抗】

  任務：各位參賽隊要派一人挑戰三項田徑（跳遠、競走、跨欄），最先贏咗三項田徑其二嗰隊就有下個線索。輸咗嗰隊要同下組對手鬥過，直到贏咗為止。邊隊最後輸嗮嘅，要喺原地罰15分鐘。

  最先到嗰隊有選擇決定權

  每隊每人至少要代表自己隊出戰一次

  異性同場比賽時，規則唔一樣。一般女仔嘅距離短過男仔。

• 羅馬（納禾納廣場（意大利文：Piazza Navona） ←→ 穆拉公園［Parco delle Mura］）

  「羅馬數字」任務：參賽隊要去納禾納廣場（意大利文：Piazza Navona），喺明信片單位攞帶有計算公式嘅明信片，喺廣場位置搵計算公式嗰三個冧巴，要用羅馬數字寫出嚟再按公式計，得出嘅羅馬數字結果。若果：

  數量、得數同羅馬數字冚唪唥都啱嗮：有下個線索同達文西密碼。

  數量或得數或羅馬數字是旦一個錯咗：要重新數過同計過同寫過，直到答啱為止。

  「羅馬砲架」任務：參賽隊要去穆拉公園睇羅馬石柱上嘅砲架模型，跟住兩人夾手組裝個羅馬砲架，要每個細節同砲架模型一模一樣，重要掟到炸彈出去指定區域入面，就有下個線索同達文西密碼。但出現以下情況都屬任務失敗：

  1. 炮架組裝同模型唔一樣

  2. 未成功將砲彈掟出去

  3. 掟嘅炸彈未落到指定區域入面

• 羅馬 ［附加任務］

  任務：利用以前收集過嘅達文西密碼嚟破解密碼筒，將㔷埋喺密碼筒入面嚿嘢攞出嚟，再按照入面寫嘅內容去到指定地方。

• 羅馬（聖天使橋（英文：Ponte Sant'Angelo））

• 羅馬→ 洛杉磯（洛杉磯國際機場）
• 洛杉磯（瑪麗安港）

  任務：各位參賽隊必須要鬥快踹jaai2水上單車到對面碼頭先至有下個線索。

• 洛杉磯（瑪麗安港對面）
• 洛杉磯（荷里活星光大道，杜比劇院（英文：Dolby Theatre））

  任務：用16種，總共211嚿大細唔同嘅樂高積木，整出個完整嘅，喺奧斯卡頒獎典禮入面，成日見到頒發嘅金色人仔。要高度同細節同樣品一樣，就有奧斯卡金人仔同埋下個線索。

• 洛杉磯（荷里活布朗臣峽谷（英文：Bronson Canyon））

  任務：必須要揀位參賽隊員要喺荷里活山頂個撈稿附近，爬上24米（79呎，72尺）嘅天梯，到高空平臺後玩笨豬跳，跳緊嗰時一定要攞到斬開咗兩半嘅線索卡。到地面之後將斬開咗兩半嘅線索卡拼返好佢，就可以換到下個線索。注意：

  凈攞到一半或攞唔到線索卡嘅，要重新挑戰，直到攞齊斬開咗兩半嘅線索卡為止。

• 洛杉磯（荷里活環球影城西部小鎮）

  任務：參加場一拍到底嘅荷里活大片——槍林彈雨嘅西部影片《槍炮同玫瑰》嘅拍攝工作。要根據劇本自行分配角色，重喺實景走位嘅機會入面記住任何一個特技動作，喺唔停嘅表演過程入面等荷里活導演話OK喇，就有下個線索。注意：

  表演過程出現失誤嘅，導演會隨時嗌CUT。

• 洛杉磯（洛約拉馬利蒙特大學籃球館 ←→ 洛約拉馬利蒙特大學體育館）

  「全場」任務：必須要去洛約拉馬利蒙特大學籃球館挑戰NBA指定嘅籃球技巧。要喺4分鐘內按照指定路線，一次過搞掂入樽、猜波過障礙物、彈地傳波、射籃等指定動作接力，要冚唪唥搞掂嗮先至有下個線索。但係以下行為其一時：

  1. 籃球唔入樽

  2. 猜波過障礙物時將障礙物撞冧

  3. 猜波過障礙物時，求其偷工減料，水過鴨背噉過障礙^{[註 6]}。

  4. 彈地傳波時未將個波傳入個籃圈入面。

  5. 未完成射籃動作

  6. 過咗4分鐘之後重喺度搞緊籃球挑戰嘅

  做咗第1～5項時，雖然重可以繼續比賽，但要直到個波入咗兼唔犯規為止先可以繼續。但係做咗第6項嘅，比賽必須要重新嚟過。

  「中場」任務：必須要去洛約拉馬利蒙特大學體育館挑戰湖人啦啦隊嘅成員，要同班女仔學湖人啦啦隊嘅表演騷。等班女仔話有專業嘅表現力，同埋動作、表情夠嗮到位嘅話，就有下個線索。

• 洛杉磯（聖莫尼卡海灘（英文：Santa Monica State Beach））

• 洛杉磯→ 亞特蘭大（亞特蘭大國際機場）
• 亞特蘭大（奧林匹克百年公園（英文：Centennial Olympic Park））

  任務：喺摩天輪上邊，其中一位隊員喺遊覽艙入面搵密碼箱兼破解密碼，另外一位隊員喺60.96m高嘅摩天輪出邊嘅支架上搵破解密碼線索。搵到之後重要將密碼計出嘅結果話畀遊覽艙入面嘅隊員，成功破解兼打開密碼箱後就有下個線索。

  上邊啲密碼箱答案有4組，凈得2組係啱嘅。一輪完咗之後唔可以再掂箱，下輪開始先可以掂，直到密碼箱破解嗮為止。

• 亞特蘭大（里卡鎮（英文：Villa Rica, Georgia）——史托馬機場［英文：Stockmar Airport］）

  任務：要坐飛機上到70m高嘅高空做空中飛麵粉袋任務。每組先揀部飛機仔，喺100km/h嘅速度下將麵粉袋掟入地面嘅指定區域。

  每個隊員有4個麵粉袋：

  掟緊半佬時，祗要其一袋掟中指定區域就有下個線索

  4個麵粉袋掟嗮都未掟中指定區域，要返轉頭攞過麵粉重新嚟過。

• 亞特蘭大（西佐治亞泥潭公園［英文：West Ga Mud Park］）【對抗】

  任務：各位參賽隊要體驗又癲又刺激嘅大腳車對抗。每組參賽隊必須要揀位成員先幫水桶斟水，再交畀隊友，另一位選手要抱實個水桶坐大腳車過障礙物。搞掂一圈障礙之後，兩組參賽隊分別將凈低啲水倒入指定容器，邊個隊凈得最多水嘅為止贏。贏咗嗰隊就有下個線索，輸咗嗰隊要同下組對手鬥過，直到贏咗為止。邊隊最後輸嗮嘅，要喺原地罰15分鐘。

• 亞特蘭大（艾布蘭公司大樓［英文：Abrams Fixture Corporation］ ←→ 布連特威利酒吧［英文：Blind Willie's Blue Club］）

  「色彩」任務：去艾布蘭公司大樓附近揀幅半成品嘅塗鴉作品，要按任務線索張相個樣配合完成塗鴉，要注意好揀色彩同噴塗嘅細節。等藝術家話掂就有下個線索。

  「節拍」任務：去布連特威利（英文：Blind Willies）藍調酒吧，要先跟先生學表演歌曲，再上臺同樂隊一齊表演。等藍調歌手話掂就有下個線索。

• 亞特蘭大（石山（英文：Stone Mountain）種植園）

  任務：兩人必須要練習射箭，每組每人有6支箭，要兩人必須要喺4分鐘內，要射到20m以外嘅箭靶。每輪得分可以疊加，總共夾埋射到≥100分先至有下個線索。但係4分鐘內夾埋射到＜100分嘅，要從零開始射過。

• 亞特蘭大（石山（英文：Stone Mountain）山頂）

• 亞特蘭大→ 墨西哥城（墨西哥城國際機場）
• 墨西哥城（墨西哥奧組委大樓隔籬嘅田徑場）

  任務：四隊當中，要兩隊必須要一齊合作，搞掂場4×100m嘅接力賽。

  上站最先到終點嗰隊有選擇決定權同邊個隊合作，凈低嗰隊自動聯盟。

  贏咗嗰兩隊即刻有下個線索

  輸咗嗰兩隊要等15分鐘先至有下個線索

• 墨西哥城（墨西哥國立人類學博物館前邊嘅大廣場）

  任務：參賽隊必須要揀位隊員搵班「飛人」（教練）一齊搞掂個飛人舞嘅儀式表演，帶好任何安全措施後，要爬上32米（105呎，96尺）高嘅鐵桿頂，重要同班飛人一齊練連續5分鐘頭向下兼令人頭暈眼花嘅旋轉飛行表演。

• 墨西哥城（聖環街市（英文：San Juan Market, Mexico City））

  任務：要整20隻墨西哥粟米餅，等舖頭老細話OK就有下個線索。

• 墨西哥城（聖環街市（英文：San Juan Market, Mexico City））

  任務：喺5盆挑戰人類味蕾極限嘅辣椒昆蟲沙律（蝴蝶幼蟲配西拉諾高山椒、蝎配暨毛辣椒、螞蟻配樹椒、甲蟲配華哈卡水椒 、蝎蟲配墨西哥幽靈椒）揀一盆，之後兩人一齊食嗮先至有下個線索。

• 墨西哥城（加里巴爾第廣場（西班牙文：Plaza Garibaldi））

  任務：喺200位演奏緊嘅流浪者樂手當中，搵位攞住樂器詐諦扮嘢做表演嘅人，重帶到流浪者學校門口嘅評委做判定。

  評委話啱：有下個線索。

  評委話錯：要帶佢返去樂隊入面重新搵過，直到搵啱為止。

  注意：中途唔畀分頭行動或隨便停咗人哋嘅表演

• 墨西哥城（聖馬田中心）^B

  任務：隊伍要揀位成員出嚟著黐住250隻氣球嘅連衫褲，從起點開始按指定路線穿過堆仙人掌，要喺堆仙人掌嗰度搵墨西哥草帽，重要帶到終點搵裁判畀佢，就有下個線索。注意：

  1. 去到終點時搵唔到草帽，要按原路返轉頭繼續搵草帽。

  2. 若果跌咗或俾仙人掌銡爆咗夾埋＞10隻氣球，要喺終點罰時，其中每隻氣球罰1分鐘，從1分鐘開始，最耐罰4個鐘頭。

• 墨西哥城（提奧迪華肯——仙人掌花園［西班牙文：Jardin de las Cactáceas］）

  任務：各個參賽隊必須要將散咗嘅提奧迪華肯面具碎片，按照場上擺出嘅四種其一而搭出2.5米（8呎，8尺）完整嘅提奧迪華肯面具。等部落嘅長老話OK先至有下個線索。

  任務入面冇話到面具嘅原樣係點，要個隊親自擺返出嚟。

• 墨西哥城（提奧迪華肯——中美洲金字塔（英文：Mesoamerican pyramids））

註 B: 做過第一次路障任務嘅人，呢場唔可以參加，必須要揀另一隊員去完成任務。

• 墨西哥城→ 里約熱內盧（加里昂國際機場（葡萄牙文：Aeroporto Internacional do Rio de Janeiro-Galeão））
• 里約熱內盧（哥帕卡巴納（葡萄牙文：Copacabana）海灘）

  任務：飲完針葉櫻桃汁就有自己嘅專屬車同車牌冧。

• 里約熱內盧（維迪加爾（葡萄牙文：Vidigal, Rio de Janeiro）阿爾托餐廳［葡文：HoSTEL ALTO ViDiGAL］）

  任務：按樣板檯上邊放嘅5串巴西燒肉樣品，再按返個樣串返出嚟，等廚師長話掂喇，會送碟正宗嘅燒肉重要食嗮佢就有下個線索。

• 里約熱內盧（伊帕尼瑪（葡萄牙文：Ipanema）海灘）

  任務：同專業選手嚟場好激嘅沙灘足排球挑戰賽，最先喺人哋攞到21分之前，攞到其中8分就有下個線索。

• 里約熱內盧（烏爾卡（葡萄牙文：Urca）——紅海灘（葡萄牙文：Praia Vermelha (Rio de Janeiro)））

  任務：各位參賽隊必須要揀位成員落海學基本嘅滑水技巧，要喺水面成功連續滑到＞30米（98呎，90尺）距離重過埋終點漂浮臺先有下個線索。

• 里約熱內盧（森巴樓梯街（葡萄牙文：Escadaria Selarón））

  任務^{[註 7]}：喺樓梯度搵帶有「THE AMAZING RACE」撈稿嘅瓷磚，搵到之後交畀樓梯級下邊嘅森巴老師就有下個線索。

• 里約熱內盧（森巴樓梯街（葡萄牙文：Escadaria Selarón））

  任務：參賽隊必須要先換上好靚嘅森巴舞服裝，再學基本嘅森巴舞蹈，之後召集路人加入自己隊一齊參加森巴狂歡遊行（重要發埋自己揀正嗰種色嘅羽毛），帶成個隊從起點開始遊行，到終點之後有位森巴女王。若果：

  召集路人數≥20：有下個線索

  召集路人數＜20：返去起點重新嚟過

• 里約熱內盧（法林明高海灘）

  任務：喺沙灘上揀幅巨型地圖，按今次THE AMAZING RACE全程（10個賽段）從先到後嘅準確路線，先用繩串出嚟，再從沙灘搵到凈露出半隻樽嘅300隻漂流樽當中，根據睇到嘅色同圖，搵出漂流樽寫嘅10隻國家國旗，之後返到地圖，最後黐返對應位。注意：

  每人每次最多凈可以揀一隻漂流樽（包括手唔小心掂到），重要帶到地圖面前先可以打開。

  揀錯國旗嘅，必須要國旗放返入漂流樽重要埋返入沙堆。

  連錯順序嘅必須要重新連過

  國旗、連線同位置都啱嗮，裁判先至畀到直接去到終點嘅線索。

---（ ↓ 終點 ）---

• 里約熱內盧 （法林明高海灘）

以下係呢季The Amazing Race深圳衛視版入面，需要解謎嘅正確答案。

分岔路任務（阿基米德路線）

第3個路線任務

（揀中表格入面，十五個當中嘅其中十個就有下個線索）

運動員

劉翔

唐功紅

羅雪娟

郭晶晶 吳敏霞

杜麗

張寧

胡佳

張怡寧

邢慧娜

周海濱

郭晶晶

李婷 孫甜甜

賈佔波

馮坤

王義夫[註 8]

運動項

田徑

舉重

游水

跳水

射擊

羽毛球

跳水

乒乓波

田徑

體操

跳水

網球

射擊

排球

射擊[註 8]

過山車後半程，出現黃底紅字寫嘅「富士生態公園」6個字。

路障任務^{[註 10]}

1984年奧運會，中國女排擊敗東道主，為中國軍團攞咗團體金牌而實現團體項目金牌「零嘅突破」。呢場比賽嘅開始時間同時間地：

洛杉磯時間：15:30

噉以下俄羅斯當地城市嘅時間係：

當地城市	指定奧運城市所在嘅時區，俄羅斯當地部分城市嘅播出時間。
	里約熱內盧 （時區）	洛杉磯 （時區）	倫敦 （夏令時）	倫敦 （夏令時）	哥本哈根[註 5] （夏令時）
	20:00	15:30	19:30	14:28	18:30
阿納迪爾（俄文：Ана́дырь）	11:00	11:30	06:30	01:28	04:30
巴塔佳（英文：Batagay）	10:00	10:30	05:30	00:28	03:30
拜基特（俄文：Байкит）	06:00	06:30	01:30	20:28	23:30
比例比諾	11:00	11:30	06:30	01:28	04:30
茨塔（英文：Chita）	08:00	08:30	03:30	22:28	01:30
德魯兹希納（英文：Druzhina, Sakha Republic）	10:00	10:30	05:30	00:28	01:30
加里寧格勒	01:00	01:30	20:30	15:28	18:30
共青城	02:00	02:30	21:30	16:28	19:30
馬加丹	10:00	10:30	05:30	00:28	03:30
新古茲涅茨克（俄文：Новокузнецк）	06:00	06:30	01:30	20:28	23:30
新西伯利亞	08:00	08:30	03:30	22:28	01:30
鄂木斯克	05:00	05:30	00:30	21:28	22:30
新地島[註 11]	02:00	02:30	21:30	16:28	19:30
少先隊員島	06:00	06:30	01:30	22:28	23:30
薩馬拉	03:00	03:30	22:30	17:28	20:30
中哥連斯克（俄文：Среднеколы́мск）	10:00	10:30	05:30	00:28	03:30
聖彼得堡	02:00	02:30	21:30	16:28	19:30
孫塔爾（俄文：Сунтар）	08:00	08:30	03:30	22:28	01:30
蘇爾古特	04:00	04:30	23:30	18:28	21:30
烏魯（俄文：Улу (село)）	08:00	08:30	03:30	22:28	01:30
葉卡捷琳堡	04:00	04:30	23:30	18:28	21:30
Ербогачён	07:00	07:30	02:30	21:28	00:30

第一個路線任務

呢度啲相都係按返奧運會舉辦時公佈嘅吉祥物個樣，再按嗰集播出時嘅櫃格放返出嚟。

2004 雅典	2012 倫敦	1996 亞特蘭大	File:Mascots of the 2008 Summer Olympics (Shatin, Hong Kong).jpg 2008 北京	1984 洛杉磯
1988 漢城				1980 莫斯科
2016 里約熱內盧	1972 慕尼黑	例 1992 巴塞隆拿	2000 悉尼	1976 滿地可

分岔路任務（歌舞劇路線）

• 1. 場上有幾多位帶住紅花嘅女仔？（6）
• 2. 鬥牛士嘅恤衫上面有幾多粒紐扣？（冇／0）
• 3. Carmen俾鬥牛士錫咗邊隻手？（左手）
• 4. 有幾多位演員着咗波點裙？（4）
• 5. 舞臺上有幾多位男仔留咗鬍鬚？（10）
• 6. 4位女舞蹈演員當中，佢哋都係着咩色嘅鞋？（　×1，　×3）
• 7. Carmen獨唱時，最終動作係乜？
• 8. 啲人大聲喝彩時，一次次嗌出嘅詞係乜？（A Deux Cuartos^{[註 12]}）
• 9. 有幾多位女仔攞住扇？（5）
• 10. 鬥牛士嘅綠披風搭喺膊頭邊度？（左）
• 11. 場上有幾多位帶住帽兼攞住玫瑰嘅男仔？（3）

分岔路（羅馬數字路線）

遊戲所講嘅三個冧巴分別係小販單車上嘅氣球數、三座噴泉入面帶鬍鬚嘅雕像數，廣場畫攤入面帶THE AMAZING RACE嘅油畫數。公式按噉嘅方法嚟計：

物品	分析	正確答案	羅馬數字寫法
小販單車上嘅氣球數	∵　×27，　×29 ∴29+27=56	56	ＬⅤⅠ
三座噴泉入面帶鬍鬚嘅雕像數	第一組：8 第二組：4 第三組：2 ∴8+4+2=14	14	ⅩⅠⅤ
廣場畫攤入面帶THE AMAZING RACE嘅油畫數	第一組：11 第二組：6 第三組：7 第四組：4 ∴11+6+7+4=28	28	ⅩⅩⅤⅢ

所以根據上面結果得出：（ＬⅤⅠ＋ⅩⅠⅤ）×ⅩⅩⅤⅢ＝ＭＣＭＬⅩ^{[註 13]}

密碼筒

賽段嗰5個線索做完之後，得出嘅係L、E、N、G、A呢5個拉丁字，拼出嘅係個英文單詞angel。破譯密碼筒後，得到嘅係張好古老嘅紙，入面寫住嘅係鏡面反轉兼倒立嘅「PONTE SANT'ANGELO」個字樣。

最後一個路線任務：

北京（ 中國）→雅典（ 希臘）→慕尼黑（ 德國）→東京（ 日本）→莫斯科（ 俄羅斯）→巴薩隆拿（ 西班牙）→羅馬（ 意大利）→洛杉磯（ 美國）→亞特蘭大（ 美國）→墨西哥城（ 墨西哥）→里約熱內盧（ 巴西）

The Amazing Race深圳衛視版同以色列版第2季、澳洲版第2季一樣，都係出投票U吞。票數最多嗰位要返轉頭做另一個分岔路任務。

投票隊	揼咗畀邊位
吳建豪 & 姚鳳鳳	張哲瀚 & 張思帆
劉翔 & 徐琦峰	張哲瀚 & 張思帆
金大川 & 劉暢	張哲瀚 & 張思帆
張哲瀚 & 張思帆	吳建豪 & 姚鳳鳳
郭晶晶 & 霍啟剛	張哲瀚 & 張思帆
黃婷婷 & 孫芮	吳建豪 & 姚鳳鳳
金星 & 亨氏	吳建豪 & 姚鳳鳳

通過上面個表先知，張哲瀚同張思帆隊被集體投票U吞咗。

• 第6站最後一個線索話去賽段終點嘅地方係聖天使橋。
• 第7站第一個路線任務，做完之後畀嘅所謂「3200 CANYON DRIVE, LOS ANGELES」實際係布朗臣洞穴嘅地方。
• 第8站分岔路嘅節拍路線，選手要求要唱嘅歌係Wang Dang Doodle。
• 第9站第一個路線任務，呢5碟沙律分別係：

食物	辣度
蝴蝶幼蟲配西拉諾高山椒	1
蝎配暨毛辣椒	2
甲蟲配華哈卡水椒	3
螞蟻配樹椒	4
蝎蟲配墨西哥幽靈椒	5

• 第10站（終局）第一個路線任務，線索所講嘅「專屬車牌冧」就喺飲嗮杯嘢之後嘅杯底先至見到。
• 第10站（終局）第二個路線任務，嗰5樣樣品分別係蜜汁紅白腸、厚切牛后髀、椒鹽鷄心、牛內脊菲力牛扒，豬踭骨培根肉。

註

攷

• 官方微博
• THE AMAZING RACE 3深圳版 搜狐
• 综艺：极速明星汇 搜狐