Knowledge Base Wiki

Search for LIMS content across all our Wiki Knowledge Bases.

Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.

改拎
  提示：呢篇文講嘅唔係麥美恩。
麥美娟
出生日1971年11月1號 喺Wikidata改呢個 （52歲）
出生地英屬香港 喺Wikidata改呢個
國籍英屬香港、中華人民共和國 喺Wikidata改呢個
識嘅語言港澳粵語 喺Wikidata改呢個
信奉基督教 喺Wikidata改呢個
母校香港中文大學、CNEC Christian College 喺Wikidata改呢個
職業trade unionist、政治人 喺Wikidata改呢個
政黨香港工會聯合會 喺Wikidata改呢個

麥美娟，SBS，JP（Alice Mak，1971年11月1號—），係香港政府民政及青年事務局局長[1]，親中陣營香港工會聯合會成員[2]，做過香港立法會嘅選舉選委會界別（第七屆）同新界西選區（第五、六屆）議員、葵青區議會議員。

早年經歷

麥美娟喺中學時期曾就讀一間女校同埋喺中華傳道會安柱中學升讀預科[3]。中六嗰陣，麥美娟成功考到獎學金去加拿大留學，但阿媽嗰陣死咗，屋企經濟出問題，班主任建議佢參與葵青區徵文比賽，於是1988年佢參加葵青區徵文比賽，之後獲得優異獎，仲擔任過香港青年大使去新加坡，之後就正式開始參與青年活動[4]。

從政生涯

1993年，葵青區議會委任議員崔康常（前恒生商學書院創校校長）辭職，議席懸空。麥美娟接到當時政務司霍德簽署嘅委任信件，接替崔康常，以22歲之齡成為香港最後生議員[5]。

2021年12月19號，麥美娟喺2021年香港立法會選舉選舉委員會界別選舉（中文：2021年香港立法會選舉選舉委員會界別選舉）以1,326票排名第5贏得議席[6][7]，由2022年1月1號上任。

之後，佢喺李家超無提政綱嘅情況下，有份提名李家超參與2022年香港行政長官選舉[8]。

佢喺2022年6月19號辭去立法會議員職務[9]，同日畀國務院根據候任行政長官李家超嘅提名而任命爲民政及青年事務局長[10][11]，7月1號就職。

部分公職

爭議事件

封殺建制陣營異見份子

麥美娟喺2020年香港立法會選舉角逐連任嘅名單入面，除咗有工聯會成員外，仲出現新民黨前離島區議員傅曉琳，另外又以鄉事派前元朗區議會主席沈豪傑為競選經理。香港01社評批評呢種經濟左翼右翼共同出選嘅做法，話呢張名單係四不像，批評佢哋係為咗搶走前新民黨田北辰嘅選票，夾殺此建制陣營中嘅異見份子，犧牲民生理念[13]。

承認並支持香港成為「警察社會」

喺2021年6月25號，警務處出身嘅李家超升任政務司司長、鄧炳強升任保安局長，引發香港係咪成為警察社會（Police state）嘅議論，麥美娟回應相關英文問題嘅時候反問「Why not？」，指警察社會無問題，佢嘅重點放喺國家安全上。當講到警察城市，佢話會期望同佢哋仲有其他官員，可以合作解決社會深層次矛盾[14]。

爆粗鬧林鄭月娥

喺逃犯條例修訂草案風波入面，民間有強烈反對聲音，淨係6月9號嘅遊行已經有過百萬人參加，但係親中陣營仍然力撐條例修訂，亦因為咁面對重大民意壓力，其中有傳林特首喺2019年6月15號就修訂嘅問題會見親中陣營議員，麥美娟當時爆粗大鬧林鄭，話林鄭脫離民眾，仲話「我啲兄弟落去解説日日被人X！X街，你試下落區日日畀人X呀！」，仲有傳佢X埋林鄭老母[15][16][17]。而去到9月麥美娟接受《香港01》訪問嘅時候，就話當時好多人佢都有鬧[16]。

唔岔氣比尊子影射發老脾還擊

喺2023年5月，政府宣布「完善區議會方案」，當中將區議會嘅民選議席大幅減到得返88席，要出選嘅仲要經分區委員會、地區滅罪委員會同埋防火委員會攞夠3個提名，先可以入閘。之但係，呢啲委員會嘅成員好多都係由特區政府委任，而且好多質素都強差人意，因為咁樣而比好多人批評。而喺5月9號，漫畫家尊子喺明報嘅「乜議員」三格漫畫專欄中，畫出嘅內容講：學歷唔同工作能力，又話會考中英數肥佬、膽固醇過高、有心臟病、色盲都無問題，只要係特首覺得啱就可以委任做呢三個會嘅委員。由於內容茅頭明顯串緊呢三個會嘅成員質素低，但受到特首重用嚟篩選區議員，選出嚟嘅議員質素令人擔心，所以喺同一日，身為民政及青年局局長嘅麥就反擊，發老脾話篇漫畫係「政治凌駕」，聲稱政府會「用人唯才」，仲點名話明報對區議會改制發佈言論老點大眾[18]。

而喺麥發老脾兩日後，明報就宣布喺同月14號將「尊子漫畫」停刊。而就住呢單野，尊子本人同法新社證實左自己專欄比人停刊係同批評區議會改制有關，佢仲話要停刊原因只有明報一方先知，仲形容今日自己比人停刊係「香港故事」嘅一部分，令人不禁懷疑係有政府部門施壓先搞到咁[19]。

個人榮譽

參考資料

  1. ↑ 〈李家超班子逐個睇 三議員「升呢」任副司長局長〉。星島網。2022-06-19。喺2022-06-20搵到。
  2. ↑ 〈麥美娟 職業：立法會議員 年齡：50〉。2021年立法會選舉。2021-12-19。
  3. ↑ 〈Alice踏從政路 女兒當自強〉。香港商報。2016-08-11。喺2019-06-19搵到。
  4. ↑ 〈為民要硬淨 麥美娟撐勞工〉。《香港文匯報》。2012-07-28。
  5. ↑ 〈年輕女議員之路－麥美娟〉。原著喺2019-11-22歸檔。喺2012-09-12搵到。
  6. ↑ 〈立會選舉｜麥美娟當選感高興 對於蔡永強不能當選感失望〉。頭條日報。2021-12-20。喺2021-12-22搵到。
  7. ↑ 〈立法會選舉｜選委會界別當選名單一覽　梁美芬成票后〉。明報。2021-12-20。喺2021-12-22搵到。
  8. ↑ 〈一文看清李家超786張提名〉。《信報網站 hkej.com》。喺2022-09-02搵到。
  9. ↑ 〈香港特別行政區立法會 - 第七屆立法會議員名單的變更〉 (繁體中文)。香港立法會。2022年6月19號。
  10. ↑ 〈国务院任命香港特别行政区第六届政府主要官员〉 (簡體中文)。中華人民共和國國務院。2022年6月19號。
  11. ↑ 第六屆香港特區政府主要官員名單（附圖）
  12. ↑ 〈關於我們〉。《大灣區共同家園青年公益基金》 (tc)。喺2024-03-19搵到。{{cite web}}: CS1 maint: unrecognized language (link)
  13. ↑ 〈立會選舉湧現四不像名單　策略至上民生理念竟旁落〉。香港01。2020-07-03。
  14. ↑ 〈【警察政府】工聯會麥美娟：Police state, why not？ 李慧琼：李家超鄧炳強表現出色 | 立場報道 | 立場新聞〉。《立場新聞 Stand News》。原著喺2021-06-27歸檔。喺2021-06-25搵到。
  15. ↑ 自由時報電子報 (2019-06-20)。〈她不滿緩修例「X妳老母」罵哭特首 被黃秋生酸爆！ - 國際〉。《自由時報電子報》 (中文)。喺2021-07-03搵到。
  16. ↑ 16.0 16.1 羅家晴劉錦華 (2019-06-19)。〈【逃犯條例】傳向林鄭爆粗 麥美娟無正面回應：冀社會消緊張氣氛〉。《香港01》 (香港中文)。喺2021-07-03搵到。
  17. ↑ 鄭榕笛 (2020-09-21)。〈麥美娟憶禮賓府事件：當日鬧咗好多人　質疑林鄭無社交生活〉。《香港01》 (香港中文)。喺2021-07-03搵到。
  18. ↑ 香港01 (2023-05-09)。〈麥美娟批明報尊子漫畫抹黑政府委任滅罪、防火委員會原則〉。《香港01》 (香港中文)。喺2023-05-09搵到。
  19. ↑ 香港01 (2023-05-11)。〈《明報》公布尊子漫畫周日起停刊　感謝40年來一起見證時代變遷〉。《香港01》 (香港中文)。喺2023-05-11搵到。
  20. ↑ 〈二〇〇五年授勳名單〉 (新聞稿) (繁體中文)。香港政府新聞公報。2005年7月1號。
  21. ↑ 〈2011年第36號號外公告　太平紳士條例 (第510章)〉 (PDF) (新聞稿) (繁體中文)。香港政府憲報。2011年7月1號。
  22. ↑ 〈二〇一五年授勳名單　附件：二〇一五年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2015年7月1號。頁 11。

出面網頁

source: https://zh-yue.wikipedia.org/wiki/%E9%BA%A5%E7%BE%8E%E5%A8%9F