Knowledge Base Wiki

馬逢國
出生日	1955年7月22號  （68歲）
出生地	英屬香港
國籍	中華人民共和國
母校	香港理工大學
職業	太平紳士、政治人
政黨	新世紀論壇
[改維基數據]

馬逢國，GBS，SBS，JP（1955年7月2號—^{[未記出處或冇根據]}），係香港電影人同親中派政治人物，做過香港藝術發展局主席、香港電影發展局主席^[1][2][3]，第1、2、5、6、7屆香港立法會議員，第十三屆港區全國人大代表^[4]，亦係新世紀論壇召集人^[5]。

佢係寰亞電影公司七位創辦人其中之一（另外六名係莊澄、馮永、Nick James、陳子良、廖永亮同埋鍾再思）。

生平

馬逢國喺香港理工學院（現香港理工大學）土木工程系畢業，畢業後加入鳳凰影業工作，後來隨公司合併重組加入銀都機構，其間曾經監製《最後的貴族》、《秋菊打官司》等膾炙人口嘅電影，亦曾擔任公關、發行同埋管理等職務^[6]。

事件

向機場保安施壓違反國際民航規定

2018年5月21號朝早，馬喺香港機場搭飛機前往北京，過安檢嘅時候以議員身份向機場保安施壓，等佢可以違反國際民航規定，帶住一個200毫升裝住髮膠嘅嘜上機。事件喺24號俾傳媒踢爆^[7]。

否認六四屠殺言論

2021年6月2號，馬逢國公開表示愈來愈接受六四無死人，又話自己係睇到好多外國報道得出嘅真相，當年有好多假消息、假新聞^[8][9][10]。當年喺北京見證事件嘅前學聯代表陳清華就形容同樣曾經係學聯成員嘅馬逢國背棄理想，又話佢嘅言論好「技術性」，只表示天安門廣場無死人，但自己當時就喺天安門廣場有一名工人被解放軍遭一槍打死^[11]。

政治立場

佢係香港親中派嘅支持者，曾經有份參與一份聯署，支持北京未經諮詢或香港人同意，強行訂立嘅《港版國安法》^[12][13]，但有關聯署之後被揭發做假，其中名單上嘅張寶華、徐熙媛、李巧靈同蔣志光之後否認有份參與，而陳汝騫就一早離世^[14]。

佢亦支持香港基本法第23條立法，喺2020年5月，佢曾經參與一份由「23同盟」、「香港政研會」同「民眾聯席」等多個激進親中派團體發起嘅聯署，要求就基本法23條立法，聯署內容又以黑暴攬炒形容香港反送中運動示威者嘅行為^[15][16]。

選舉同提名經歷

佢有份提名林鄭月娥參與2017年香港行政長官選舉^[17]。

喺2021年9月，佢成為香港特别行政區選舉委員會委員(有關全國性團體香港成員的代表)^[18]。

部分公職

• 中國和平統一促進會香港總會會務顧問^[19]
• 香港再出發大聯盟發起人^[20][21]
• 中國文學藝術界聯合會全國委員會委員^[22]
• 中國電影家協會會員^[22]
• 中國文學藝術界聯合會香港會員總會會長^[22]

個人榮譽

• 太平紳士（2002年）^[23]
• 銀紫荊星章（2004年）^[24][25]
• 香港浸會大學榮譽大學院士（2019年）^[26][27][28]
• 金紫荊星章（2020年）^[29]

參考

出面網頁

• 馬逢國嘅官方網站
• 〈香港特別行政區立法會 -馬逢國議員, GBS, JP〉 (繁體中文). 香港特別行政區立法會.
• 〈香港特別行政區立法會 - 議員資料庫〉 (繁體中文). 香港特別行政區立法會.
• 〈新世紀論壇 理事會成員〉 (繁體中文). 新世紀論壇.
• 香港網絡大典：馬逢國

Template:香港特別行政區第二屆立法會議員 Template:香港特別行政區第一屆立法會議員