Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
飛機場,係一笪平地,畀飛機起飛同埋降落。飛機有好多種,例如直升機、戰鬥機、貨機、民航客機,機場設施要求都唔同。直升機唔使機場跑道,而空中巴士 A380之類嘅大客機要特大跑道。民航機場要有客運大樓。
最早嘅飛機升降地點係草地,一般係圓形草坪,飛機可以順住有利嘅風向以任何角度升降,周圍會有一個風向儀同埋機庫(因為當時嘅飛機一般係用木材同埋帆布製成,唔抵得風吹雨打,日曬雨淋)。之後開始用土質場地,避免草坪增加嘅阻力,但係土質場地唔適合潮濕氣候,唔係嘅話草地會泥濘不堪。隨住飛機重量增加,升降要求亦跟住提高,混凝土跑道開始出現,乜嘢天氣同時間都啱用。
世界上最老嘅機場目前仍有爭議,但1909年成立、喺美國馬利蘭州嘅大學園區機場(College Park Airport)普遍被認為係世界上最老而又持續經營嘅機場,雖然佢只係一個小型機場。
另一個被稱為係世界上歷史最悠久嘅機場係美國亞利桑拿州嘅比斯比道格拉斯國際機場,呢個機場停放住美國史上第一架飛機。1908年,道格拉斯航空俱樂部成立,滑翔機亦都隨之成立。嗰時嘅滑翔機係由兩匹馬拉逳,飛過道格拉斯青年會大樓後方。1909年,飛機開始裝有電動機同埋螺旋槳,亞利桑那州就成為首架動力飛行嘅飛機嘅地區。呢個機場係美國第一座國際機場嘅地位經由美國總統富蘭克林·德拉諾·羅斯福喺1943年嘅一封信證實,羅斯福喺信入面宣佈佢係「美國嘅第一座國際機場」。
1922年,第一個畀民航業使用嘅永久機場同埋客運大樓出現喺德國柯尼斯堡,呢個時代嘅機場開始用水泥鋪停機坪,允許夜間飛行同埋比較重嘅飛機降落。1920年代後期,出現第一個用照明設施嘅機場,1930年代進場下滑照明設備開始使用,因此飛機升降嘅方向同埋角度開始有固定嘅規定。國際民間航空組織標準化咗照明嘅顏色同埋閃光時間間隔。1940年代,坡度線進場系統開始使用,系統包括兩排燈光,形成一個漏斗狀圖案,標示飛機喺機場滑翔坡嘅位置,其他燈光就表示唔正確嘅進場高度同埋方向。
第二次世界大戰期間對機場數目嘅需求大增,盟軍利用有孔鋼板鋪設臨時跑道組成一個個戰地機場,主要畀戰鬥機或輕型聯絡機使用。太平洋戰爭期間,有唔少戰爭係同爭奪機場有關,最出名嘅有亨得森機場(而家嘅霍尼亞拉國際機場)。
二次大戰之後,機場嘅設計越嚟越複雜,客運大樓聚集埋一齊,而跑道聚集喺另一處,咁嘅安排可以方便機場設施擴展,但亦都意味住乘客上機前要行遠啲。之後,機場所鋪設嘅混凝土開始有導水溝槽,同飛機降落嘅角度垂直,有助排水,避免影響到飛機升降。
1960年代之後,機場嘅建設隨住噴氣式飛機嘅增加蓬勃發展,跑道延伸至3,000公尺長,利用滑模機興建連續性嘅強化混凝土跑道。1960年代初,現代化嘅機場客運大樓開始使用登機橋系統,乘客唔需要行出室外登機。但係噴射引擎帶來嚴重嘅噪音問題,令唔少機場要搬離市中心。