Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
郭台銘 | |
---|---|
![]() | |
個人資料 | |
出世 | ![]() | 1950年10月18號
籍貫 | 山西省晉城縣 |
國籍 | ![]() |
政黨 | ![]() |
其他政黨 | ![]() |
配偶 | |
仔女 | 5(郭守正、郭曉玲) |
父母 | |
親屬 | |
職業 | 企業家 |
淨資產 | |
宗教信仰 | 臺灣民間信仰(有道教、佛教) |
花名 | 郭董、果凍、現代版成吉思汗[6][7] |
學歷
| |
郭台銘(英文:Terry Gou;1950年10月18號—),係臺灣企業家,鴻海科技集團創辦人、永齡教育慈善基金會創辦人。
郭台銘有兩個兄弟。阿媽初永真係山東人;阿爸郭齡瑞係山西人,長年喺警界服務;郭台銘係家中嘅長子。
郭台銘先後有兩任妻子,育有兩子三女。妻子分別係:
郭台銘因於生喺板橋慈惠宮,並喺宮內的廂房住咗九年,自認得到媽祖嘅庇佑[10]。郭台銘都篤信關聖帝君(關帝君、關帝、關公),喺鴻海嘅土城總部內都奉祀關帝神像,曾親自前往山西解州關帝廟迎接關帝軟身神像來台。郭台銘曾遭遇胡宗賢炸彈案,不過爆燃物未引燃,虛驚一場。郭台銘稱炸彈未爆炸係關聖帝君顯神靈。2014年太陽花學運期間,郭台銘自稱奉關公顯靈指示,協調學運退場[11]。2019年4月17號,郭台銘到板橋慈惠宮同淡水武聖宮參拜、請示神意,係唔係要参加2020年中華民國總統選舉;郭台銘表示,媽祖前幾天有託夢,要佢出來為受苦受難嘅老百姓做好事,帶給台灣和平繁榮,他一定會遵照媽祖指示[12][13][14][15]。
2000年,郭台銘同首任配偶林淑如成立「財團法人永齡教育慈善基金會」[16]。2008年7月22號,郭台銘同曾馨瑩訂婚時,宣布未來將捐出九成個人名下財產作為公益之用,等於將捐一千五百六十億元,而曾馨瑩都簽署咗這項捐贈聲明。2017年3月12號,郭台銘說當天係亡妻林淑如過世12周年忌日,因癌症造成他與親人永別,因此他想提出一些對乳癌患者提出協助,盡可能根絕乳癌。郭台銘表示,永齡願意搭起一座橋串起太平洋兩端,把最新技術引入台灣,可以有更多抗癌武器同資源,打造華人頂尖抗癌平台。
2007年9月5號,郭台銘捐贈新台幣一百五十億元俾國立臺灣大學,其中嘅一百億元,興建達五百個病床規模嘅台大醫院癌症醫學中心,同埋質子中心;另外嘅五十億元,則由郭台銘創辦嘅永齡教育慈善基金會同台大共同針對高端設備醫療、幹細胞移植、預防醫學同醫學工程四個項目進行合作[17]。2018年12月1號,台大癌醫中心醫院開始試營運,當天都係亡妻林淑如嘅冥誕[18]。2019年12月19號,台大癌醫中心醫院舉辦冠名揭幕典禮,冠名其母初永真之名,改名為「永真健康醫療大樓」[19]。
2008年6月22號,郭台銘同時任台北市長嘅郝龍斌簽訂備忘錄,捐贈三億元興建2010年世博台北展覽館[20][21][22]。2011年2月11號,郭台銘以500萬900元標下曾任衛生署署長楊志良嘅公事包,在公事包上簽下「好膽愛心包」五字後將公事包返還給楊志良,拍賣所得全數捐俾健保愛心專戶[23][24]。2019年10月1號,宜蘭縣南方澳跨港大橋生坍塌意外,郭台銘以永齡慈善社會福利事業基金會捐助宜蘭縣政府新台幣1000萬元,做為救災及傷者後續醫療、安置、生活扶持之用[25]。
從2010年1月到2012年1月,郭台銘治理嘅富士康共有20名員工因不堪工作壓力跳樓、18人死亡,令該公司管理方針備受爭議[26]。2012年1月15號,郭台銘喺鴻海集團尾牙上表示「鴻海喺全球有百萬大軍,人都係動物,每天管理一百多萬個動物,令到佢頭痛到要死」,依番言論隨即引發輿論撻伐[27][28]。1月21號,富士康發出聲明澄清,強調「郭台銘嘅說法是指所有人類,而唔係某啲特定人群」、「儘管此事件遭到媒體報導斷章取義,但郭台銘都意識到呢啲報導可能係誤解,所以他對於任何感到被冒犯嘅人表示誠摯嘅歉意」、「郭台銘並未像某些媒體報道中所說,蓄意貶低富士康員工」[29][30]。4月28號,外界質疑鴻海係「血汗工廠」,郭台銘曾表示「血汗工廠有乜嘢唔好?」,只要合乎法令,就可以「一分耕耘一分收穫」[31][32][33]。2014年5月8號,郭台銘對太陽花學運一事表示「民主不能當飯吃、對GDP無任何幫助」,此番發言引發社會熱議[11][34][35]。2019年12月27號,郭台銘為國民黨立委參選人楊瓊瓔站台時,提到楊瓊瓔嘅競選對手洪慈庸「忙結婚、忙生子」,遭外界抨擊郭台銘歧視女性[36]。12月28號,郭台銘透過臉書發文表示「若有任何女性朋友包括洪小姐感受到不尊重,喺度向大家鄭重道歉」[37]。
求學期間,曾喺橡膠廠、砂輪廠同藥廠打工,22期預官退伍後喺復興航運公司上班。1974年,郭台銘獲得母親以標會取得嘅新台幣二十萬元資助,其中十萬元用喺結婚,另十萬元同十名員工成立「鴻海塑膠企業有限公司」並任董事長,從黑白電視機旋鈕製造起家。1981年,鴻海塑膠成功開發出個人電腦連接器產品,從此轉型生產個人電腦連接器。1982年,鴻海塑膠改名「鴻海精密工業股份有限公司」[38],資本額新台幣1600萬元。
1985年,鴻海成立美國分公司,此後更喺中國大陸、香港、歐洲、日本、印度、南美洲等地區設置據點。2001年,鴻海的營業額超越台積電,成為臺灣第一大民營企業。2005年,鴻海超越國營公司中油,成為臺灣最大企業[39],並持續到宜家。
2016年4月2號,鴻海集團收購日本夏普,並持有佢嘅股份66%,成為最大股東[40]。6月22號,郭台銘表示鴻海股價沒到200元不會退休[41]。10月,日本經濟新聞評選亞洲企業前20大MVP,台灣僅有台積電創辦人張忠謀同鴻海集團創辦人郭台銘兩人上榜。
2017年4月27號,郭台銘進入白宮,會見顧問庫許納、幕僚柯第許同埋美國創新辦公室成員。4月28號,再次進入白宮,會見美國總統川普。鴻海集團表示,正同美國政府洽談投資,盼大幅增加喺美國嘅投資金額[42]。7月27號,郭台銘在喺美國副總統彭斯、美國眾議院議長萊恩同埋威斯康辛州州長沃克陪同下喺白宮東廳開記者會,郭台銘宣布鴻海集團未來4年內將投資100億美元在威斯康辛州打造先進LCD面板廠[43][44],川普稱因為是他當選美國總統,郭台銘才會來美國投資[45]。2018年6月29號,郭台銘同川普喺設廠嘅動土典禮上再次同台[46]。2019年5月1號,郭台銘因威斯康辛州嘅投資案到白宮橢圓形辦公室會見美國總統川普[47][48],贈予川普一頂印有中華民國國旗同埋美國國旗嘅鴨舌帽,並獲川普贈予其簽名嘅封蠟章同簽字筆[49];5月6號,返台後將此行川普親自簽名嘅禮物同稍早喺3月時川普輾轉交付其簽名嘅威州簡報一同在記者會展示[50]。
2019年4月22號,郭台銘喺五家銀行將個人名下持有鴻海股票辦理解除質押,數量達27萬288張,市值達新台幣237億元;而質押股票仲有76萬7672張,所持有嘅鴻海股票為133萬1998張,持股比重來到9.62%[51][52]。6月21號,劉揚偉接替郭台銘出任鴻海集團董事長;郭台銘表示佢只是董事,未來唔會保留總裁頭銜,都不會回到鴻海,不干涉鴻海[53][54]。12月6號,郭台銘參加白宮耶誕派對,同美國總統川普見面,雙方談到美國經濟、美中貿易同埋鴻海在美投資等議題[55][56]。
郭台銘喺1970年加入中國國民黨[57][58]。2000年國民黨辦理黨員重新登記時,黨部並未通知郭台銘辦理。2012年中華民國總統選舉期間,郭台銘力挺馬英九連任總統,且稱佢係「富有經驗、傑出嘅舵手」[59][60][61]。2014年5月,郭台銘曾表示「去做應該做嘅事情,並唔係為了任何嘅權欲,且最不值得做嘅職位就是總統」、「做總統絕對是害人的位置,所以不要害我」[11]。2016年11月,媒體廣泛報導推測郭台銘因好友川普當選美國總統,考慮參選2020年中華民國總統選舉[62][63][64],2017年亦有相關報導提及[65][66][67]。2018年7月16號,郭台銘接受鳳凰衛視嘅專訪時表示對於參選總統「百萬分之一嘅意願基本上都冇」[68]。
2019年4月16號,郭台銘表示依幾天會做決定係唔係參選總統,並表示如果決定參選總統,會參加中國國民黨初選機制[69]。4月17號,中國國民黨主席吳敦義向郭台銘頒發「中國國民黨中央委員會榮譽狀」,表彰郭台銘喺2016年時,黨內因黨產會查封不當黨產,經費拮据嘅時候,郭台銘以其母「初永真」名義無息借貸4,500萬元給當時嘅國民黨主席洪秀柱[註 1],讓國民黨黨務得以順利運作,凸顯郭台銘對國民黨嘅貢獻同埋支持[57][58];郭台銘當場宣布要參選國民黨嘅總統初選,絕對不願意接受徵召[72][73]。
5月2號,郭台銘呼籲中國大陸要正視中華民國存在嘅事實[74]。5月9號,郭台銘喺談到北京當局不讓台灣加入世界衛生大會嘅時候表示,就係因為蔡英文當局不承認九二共識造成嘅,並認為「九二共識係不夠嘅」,應該係「一中各表、九二共識」,就係一中各表嘅兩個中國,包括中華民國同埋中華人民共和國[75]。5月12號,郭台銘強調佢所堅持嘅係,大陸必須正視中華民國存在嘅事實,中華民國國旗必須存在[76]。6月29號,郭台銘喺國民黨總統初選第二場政見會中提出「新生兒從出生到6歲,由國家幫你養」政策,運用大數據資源自籌財源,政府唔需要編預算,更要建立全台健康大數據基因庫;並表示如果冇新生命,國家就有亡國危機,解決少子化將係施政優先[77][78][79]。7月15號,郭台銘喺2020年中國國民黨總統提名選舉中以支持度27.730%輸給韓國瑜嘅44.805%[80]。
9月12號,國民黨榮譽主席連戰、國民黨主席吳敦義同埋前總統馬英九等31人,親筆簽名喺報紙刊登「團結、奮鬥、救中華民國」聲明,呼籲郭台銘同埋韓國瑜合作[81][82];同天,幕僚蔡沁瑜轉達郭台銘聲明,即日起退出中國國民黨,並由幕僚將郭台銘嘅退黨親筆聲明、榮譽黨員狀、黨證送交台北市中正區黨部進行退黨程序[83][84][85]。9月16號,郭台銘宣佈不參與連署競選2020年中華民國總統選舉,但並不表示放棄參與政治事務,會持續積極推動所提出嘅政策[86],透過支持一些志同道合嘅立委參選人進入國會來推動呢啲政策[87]。9月25號,中國國民黨發言人歐陽龍表示,經市黨部討論後決議予以慰留郭台銘;但郭台銘堅決表達退黨立場,絕對不接受慰留,盼大家好聚好散[88]。9月27號,國民黨依程序完成郭台銘黨籍註銷[89]。10月6號,郭台銘證實前台東縣長黃健庭係當初副手人選[90]。9月至10月,有政黨包括台灣民眾黨在內希望把郭台銘列2020年不分區立委名單[91][92][93];幕僚同埋辦公室都表示「郭台銘正享受無黨一身輕,不在人生規劃中」[94][95][96]。
11月14號,郭台銘呼籲2020年立法委員選舉嘅政黨票,泛藍郭粉票投親民黨、泛綠郭粉票投台灣民眾黨[97][98]。11月19、20號,郭台銘嘅三位幕僚各自分列喺台灣民眾黨同埋親民黨不分區立委名單中[99][100][101]。12月,郭台銘將原本「0到6歲國家養」政見,改為2.0版「0到6歲國家健康養」[102][103]。12月23號,郭台銘接受電視專訪,被問同埋有冇後悔退出2020年總統大選,坦言「我係真有後悔」,而退出總統選舉嘅關鍵因素是因為母親嘅健康[104]。
2023年8月28號,郭台銘正式宣布獨立參選中華民國第16任總統[105][106]。