Knowledge Base Wiki

  「神」跳轉到呢度。想搵其他用法，請睇「神 (搞清楚)」。

神祇san4 kei4，亦都叫神，係指天神同地祇，泛指一齊嘅神明。

自然神（Natural God）源自原始社會嘅後期，將駕馭唔到嘅自然體、自然力演化做神，喺拜物教初期，直接將自然體，好似火、雷、水、太陽等直接加人格化，認為佢哋本身係有意志同生命，之後甚至都神化動物植物，隨著啲人嘅抽象能力增強，神靈獨立喺自然物體嘅觀念都逐漸萌生。

社會神（Social God）將社會現象或者力量人格化，源自原始社會後期，係自然神嘅演化，隨著生產力嘅發展同社會結構複雜化、階級化，人唔再係一個個嘅個體，社會力量都俾人話係理解唔到同唔到以駕馭嘅力量，好似戰神、愛神、財神、地域守護神、行業神等等。

社會神有好多分支，可以分做兩大類：第一類同自己嘅先天身份（宗族）有關，可以叫做宗族神；第二類就同自己嘅後天身份（好似行業）有關，喺依類入面最主要嘅係行業神。

• 宗族神，同自己嘅宗族有關。
  • 家神（Family God）係家庭嘅守護神，通常係供奉本家嘅祖先，信者覺得祖先做咗神，可以守住家庭安穩，喺依方面某程度上係部落神嘅類同，但係家神都有將家族分宗同標立家族獨特性嘅功用，不同部落神嘅係家神少有合併歸流。
  • 部落神（Tribal God）同部落起源或者成個部落起源有關。（睇埋：圖騰）
  • 民族神（National God）係幾個較大部落嘅部落神嘅合併體，或者幾位同宗教嘅主神。民族嘅消滅都唔會令個民族神消失，因為佢有可能畀其他民族吸收同化。
• 行業神（Trade God）都可以算係社會神嘅一支，隨住社會分工而產生，多數同神話或各行嘅首創者、有功者有關，好似中國嘅魯班、古希臘嘅阿耳忒彌斯等。

• 半神
• 史詩
• 佛教
• 基督教
• 人格化