Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
白蟻 | ||||||||||
---|---|---|---|---|---|---|---|---|---|---|
臺灣家白蟻;紅色頭嗰啲係兵,白色頭嗰啲係工。
| ||||||||||
物種分類 | ||||||||||
|
白蟻一樣出名嘅地方係有真社會性(eusociality):一個白蟻丘會有一隻蟻王同一隻蟻后,當中蟻后有巨大嘅腹部因而體型大過蟻王,兩隻都有生殖能力,會終生猛咁交配,而隻蟻后一世蟲可以生成過億粒蛋[3];同時佢哋手下會有大量(閒閒哋數以百萬計)嘅兵白蟻同工白蟻,呢啲手下係佢哋啲仔女,可公可乸,不過都係冇生殖能力嘅,工白蟻會負責搵嘢食、維修個竇同埋照顧若蟲,而兵白蟻就戰鬥力最強,會負責喺個蟻群受外敵攻擊嗰陣迎戰,保護蟻王蟻后同工白蟻。呢種社會結構明顯有異於蜜蜂同蟻等嘅膜翅目-例如蜜蜂同蟻都有真社會性,但冇蜂王蟻王呢樣嘢,噉係因為膜翅目同白蟻兩者係各自分別噉進化出真社會性嘅[1][4]。
响人類史上,白蟻一直都係廣受人類厭惡嘅害蟲:白蟻係食碎屑動物,最鍾意蛀食死咗嘅植物-例如係俾人攞咗嚟做建築材料嘅木頭呀噉;因為噉嘅緣故,白蟻侵擾往往會對木造建築物造成破壞,因而搞到住喺入面嘅人好頭痛;唔少昆蟲學家都致力研究白蟻,除咗滿足佢哋對白蟻嘅好奇之外,呢啲研究仲有助人類思考點樣有效驅除同殺白蟻[5]。
白蟻社會制度極為嚴謹,同蟻相似,普遍分為蟻王蟻后、兵蟻、工蟻三種。可分為兩大類,生殖型同非生殖型。雖然數量眾多,但佢哋各個分工,喺狹小嘅巢都可以維持秩序。
白蟻對水份要求好高,身體佔90%係水份,保持唔到就會死,而且係咁搵水源或濕潤嘅泥土或木材。俾白蟻入侵嘅多數係漏過水或濕氣重。白蟻好怕光,俾日光照射會死,所以當需要越過露天位置時,一定先築泥路。
好多人會以為泥路係木碎,不過其實嗰啲係泥。白蟻起泥路嘅目的係因為白蟻好怕光,紫外線對白蟻係致命嘅。當白蟻經過嘅地方暴露於光線中時,就會用泥起隧道,喺泥路中活動。
呢啲泥路係白蟻獨有的,所以一旦發現莫名其妙嘅泥(似木糠),就要撩開睇睇。如果有白蟻喺入面,就要揾滅蟲公司。用殺蟲劑、漂白水等會令佢哋擴散。
白蟻嘅分泌物可以將木材變軟。木製物品常遭受白蟻侵蝕,令建築物易冧、鐵路枕木減低壽命,因此普遍被認係一大害蟲。主要危害係針對人類。
白蟻之所以蛀爛木材,唔係啲牙利,而係分泌物可以將木材變軟,變成好似浸喺水嘅餅乾噉樣。沾咗白蟻分泌嘅木材,乾咗之後會好似威化餅咁脆,可以輕易徒手搣開。白蟻可以破壞所有木材,而白蟻就係噉將木材變質成佢哋嘅食糧。
白蟻亦可以破壞塑膠或其他嘅任何物質,只有堅石同金屬無法破壞。
一發現有白蟻就要揾滅蟲公司處理,因為唔殺死蟻后兼消滅白蟻巢係無法杜絕白蟻。