Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
演講(粵拼:jin2 gong2),或者叫演說(粵拼:jin2 syut3)都得,係演講者發表公眾講話。根據個人風格,有啲演講者會預先寫定講稿,演講嗰陣會睇住嚟讀;有啲鍾意小小爆肚;有啲唔用講稿講,表現真我。
嚮一個故事之中,男女主角約會談情同求婚都係照講稿讀嘅,表現雙方都係冇誠意,講嘢冇句真心。
政客演講要智囊團寫手安排講稿都係好平常,例如曾蔭權,因為怕講嘢爆肚出事。
有管理等領域嘅研究者嘗試做實證性質嘅研究,睇吓演講要點做先至可以令人覺得講者有吸引力。佢哋講到嘅嘢包括[1][2]:
研究指,一個人講自己嘅故事嗰陣有上述呢啲特徵,聽者會傾向覺得想聽佢嘅故事。
呢種噉嘅講故仔方式,仲被指可以用嚟講一間企業嘅故事,幫企業吸引消費者嘅注意[3],即係好似噉—
以前我(哋)做開嘅工作係噉噉噉嘅。有一日,我(哋)經歷咗一單噉嘅撈絞嘢,令我(哋)意識到有必要作出改變。
決定咗變,我(哋)做咗啲噉噉噉嘅嘢,途中遇到呢啲呢啲困難,我(哋)用咗噉噉噉嘅方法克服,當然期間有失敗,但我(哋)依然堅持。
克服咗重大嘅困難之後,我(哋)終於達致... 可以用我(哋)嘅經驗嚟幫人,亦更加有信心面對將來嘅挑戰。