Knowledge Base Wiki

  想搵第二個意思嘅話，請睇書 (搞清楚)。

書（粵拼：syu1）係一本有文字嘅嘢，上下加上書皮，佢其中一條邊釘埋，令佢可以方便揭。通常書裏面一張紙嘅一面叫一版，又或者一頁。不過有時一頁講成張紙。書喺唔同時代有唔同名，有時今日都用，好似冊，經等。電子版嘅書都叫電子書。

用圖書館嘅角度來講，書同其他出版分開嘅，同雜誌，學報，報紙係唔同。書唔似係期刊咁出好多本，唔係長期咁出。即係出一本到分開幾本，係有特定數量。

書就係聿曰，卽係口講用筆寫低，或者用筆講嘢嘅意思。

• 書面
• 書底
• 內頁
• 中間大頁
• 目錄
• 書脊骨
• 書皮

• 作者：一篇出版物嘅作者係指篇出版物嘅創造者。
• 摘要：指一段短短哋嘅字，用嚟大致上講吓一篇出版物（書或者學術文呀噉）嘅內容係乜，通常會擺喺啲人臨睇篇嘢嘅內容之前會睇嘅地方－例如响英文學術文裏面，一篇文嘅摘要通常會係 150-200 字左右咁長，而且會擺响篇文嘅第一頁（臨睇啲內容之前會睇嘅地方）。摘要好有用，可以幫摷文獻嘅人快速噉判斷一份文獻「係咪自己有興趣想詳細睇嘅嘢」^[1]。
• 總結：指响一本（唔係講故仔嘅）書或者文當中最尾嘅一個段落，通常都用嚟大致噉講返成本出版物入面嘅主要諗頭。
• 注解：出版物入面嘅一種附加資訊，會掕住篇文某一句句子或者某一段落；注解嘅做法係寫咗句句子或者段落之後，喺嗰句側邊加個「注解」或者類似嘅字樣，跟住再喺嗰頁近邊邊嘅位嗰度加一句仔，講返嗰句嘅注解內容係乜^{[註 1]}；一位作者寫嘢會落注解可能覺得有部份讀者可能會對嗰句嘢講嘅內容出現誤解，於是就注解嗰度講返清楚^[2]。
• 附錄：通常係指由作者加添嘅內容，好多時係一份文件編輯好，甚至出咗街之後先至加落去嘅；喺學術上，一篇學術出版物有陣時會加返啲附錄喺最後面嘅頁嗰度，用嚟提供一啲附加性質嘅資訊，例如作者應編輯嘅要求，提供幾幅描繪啲實驗架生嘅相，用嚟幫讀者理解場實驗係點做嘅^[3]。

廣東話【書】字同【輸】字係同音，而輸唔好意頭，賭錢尤為驟忌，所以有時會將【書】字，讀成輸嘅相反字【勝】或【赢】。例如《通書》叫做《通勝》，【睇書】叫做【睇赢】。《馬經》亦用上【經】而避開【書】字唔用，查實【經】【書】係廣東話意思一樣，只係【經】比起【書】更加文謅謅。

• 語言
• 文字

呢篇書係關於書嘅楔位文章，重未完成嘅。麻煩你幫手佢嘅內容。