Knowledge Base Wiki

安倍晉三 安倍 晋三 あべ しんぞう
日本首相官邸官方肖像
日本內閣總理大臣
任期 2012年12月26號－2020年9月16號
君主	明仁（2012年－2019年） 德仁（2019年－2020年）
副總理	麻生太郎
前任	野田佳彥
繼任	菅義偉
任期 2006年9月26號－2007年9月26號
君主	明仁
前任	小泉純一郎
繼任	福田康夫
個人資料
性別	男
出世	(1954-09-21)1954年9月21號 日本東京都新宿區
死	2022年7月8號(2022-07-08)（67歲） 日本奈良縣橿原市四條町奈良縣立醫科大学附屬病院（日文：奈良県立医科大学附属病院）
死因	遇刺（槍擊導致失血過多）
墓地	日本山口縣長門市安倍家墓
籍貫	山口縣長門市（原大津郡（日文：大津郡）油谷町（日文：油谷町））
國籍	日本
政黨	自由民主黨（清和政策研究會）
配偶	安倍昭惠（日文：安倍昭恵）（1987年結婚）
父母	安倍晉太郎（父親） 安倍洋子（日文：安倍洋子）（母親）
親屬	大島義昌（日文：大島義昌）（高祖父） 安倍寬（日文：安倍寛）（祖父） 岸信介（外祖父） 佐藤榮作（外叔父） 松崎昭雄（日文：松崎昭雄）（岳父） 安倍寬信（日文：安倍寛信）（兄長） 岸信夫（日文：岸信夫）（弟弟）
學歷	成蹊大學（日文：成蹊大学）法學部政治學系文學學士（1977年） 南加州大學政治學科肄業
職業	政治人
著作	《邁向美麗之國（日文：美しい国へ）》（2006年） 《邁向嶄新之國》（2013年） 《日本嘅決意》（2014年）
宗教信仰	日本佛教淨土宗（日文：浄土宗）
獎	從一位（日文：従一位）（2022年追授） 大勳位菊花章頸飾（日文：大勲位菊花章頸飾）（2022年追授） 大勳位菊花大綬章（日文：大勲位菊花大綬章）（2022年追授）
簽名
網站	www.s-abe.or.jp

安倍晉三On¹pui⁵ Zeon³saam¹（日文：安倍 晋三／あべ しんぞう ^{Abe Shinzō}，1954年9月21號—2022年7月8號^[1][2] ），日本政治人，曾經做過兩次內閣總理大臣，佢係日本戰後以嚟最後生同埋第一個喺戰後出世嘅日本首相，亦係日本憲政史上在任時間最長嘅首相。喺佢在任日本首相期間，內政上通過安倍經濟學（日文：アベノミクス），大膽實行量化寬鬆政策，成功令日本走出自泡沫爆破（日文：バブル崩壊）以嚟長達幾十年經濟衰退嘅局面，外交上則提出「印太地區（日文：Free and Open Indo-Pacific）」概念，提倡建立自由開放嘅印太地區，同時主張修改《日本國憲法第九條》，解禁集體自衞權，積極同美國等盟友合作，支持台灣參與國際舞台，對抗中國共產黨對印太地區嘅滲透同侵略。

• 1982年11月，擔任阿爸安倍晉太郎，當時嘅日本外務大臣即係嘅秘書官，自此進入政壇。喺政壇發展上，得到日本前首相福田赳夫同竹下登嘅大力提攜。
• 1993年7月，當選日本眾議院議員。
• 2000年7月，出任第二次森喜朗改組內閣嘅官房副長官。
• 2001年4月，續任第一次小泉純一郎內閣嘅官房副長官。
• 2002年9月，續任第一次小泉內閣（第一次改組內閣）嘅官房副長官。
• 2003年9月，小泉連任黨總裁後，接任日本自民黨幹事長。係自民黨大平正芳（日文：大平正芳）時代以後、二十三年以來第一位同派系幹事長。
• 2004年9月，由於日本自民黨喺參議院選舉以一席之差輸畀日本民主黨，故此辭去幹事長職，俾小泉降職做自民黨幹事長代理同黨改革推進本部長。
• 2005年10月31號，就任第三次小泉改組內閣嘅官房長官。
• 2006年9月20號，當選第21屆自民黨總裁。
• 2006年9月26號，就任第90屆內閣總理大臣。
• 2007年7月29號，日本自民黨喺參議院選舉大敗，第一次失去最大黨地位。
• 2007年9月12號，因潰瘍性大腸炎，宣佈辭去日本首相。
• 2007年9月26號，辭去首相，只有一年嘅第一次安倍內閣總辭，福田康夫組閣。
• 2012年9月26號，當選第25屆自民黨總裁。
• 2012年12月16號，日本自民黨喺參議院選舉大勝，重回失落3年嘅執政地位。
• 2012年12月26號，就任第96屆內閣總理大臣。
• 2013年7月21號，日本自民黨喺參議院選舉大勝。
• 2013年12月26號，以首相身分參拜靖國神社，中國、韓國同美國都有表示失望或者憤怒^[3]。
• 2019年4月30號，天皇明仁讓位畀皇太子德仁，成為第一位經歷天皇生前退位嘅首相。
• 2019年11月20號，超越桂太郎（2886日），打破在任首相總日數紀錄。
• 2020年8月24號，超越佐藤榮作（2798日），打破連續在任首相日數紀錄。
• 2020年8月28號，因潰瘍性大腸炎惡化，宣佈辭去首相職位。^[4]
• 2020年9月16號，率領內閣總辭，由菅義偉接任首相職位。之後淨係留任眾議院議員。

2022年7月8號上晝，喺奈良市街頭演講期間被槍擊，同日下晝身亡，終年67歲^[5][2]。

安倍晉三家族世代都係搞政治，外公岸信介、叔公佐藤榮作都係首相，係出名嘅「一門三首相」。

• 太爺安倍彪助（第一代山口縣議員）
• 阿爺安倍寬（日文：安倍寛）（前眾議院議員）
• 老豆安倍晉太郎（前眾議院議員）
• 親細佬岸信夫（日文：岸信夫）（眾議院議員）
• 外公岸信介（前首相）
• 叔公佐藤榮作（前首相）
• 堂叔佐藤信二（日文：佐藤信二）（前眾議院議員）

安倍晉三1987年同安倍昭惠（日文：安倍昭恵）結婚，佢哋冇仔女。

• 安倍晉三官方網頁 （日文）
• 安倍晉三嘅Twitter （日文）
• 安倍晉三喺豆瓣電影嘅資料（簡體中文）