Knowledge Base Wiki

  想搵第二個意思嘅話，請睇大阪 (搞清楚)。

大阪（粵拼：daai6 baan2；日文：大阪市おおさかし^(Ōsaka-shi)）係位於日本大阪府中央嘅城市，係大阪府嘅府廳所在地，亦係個政令指定都市。人口大概有275萬。

大阪係關西以至成個西日本嘅經濟、文化、交通嘅中心城市。佢同京都市同神户市一同構成咗世界前列嘅京阪神大都市圈嘅都市中樞。佢有24個行政區。市廳所在地喺北區嘅中之島（淀屋橋）。由於有好多河川同運河穿過呢個城市，所以大阪有好發達嘅河川交通同港灣運輸機能，令佢有水都嘅美稱。

4世紀仁德天皇嘅難波高津宮同難波宮設置喺當時嘅首都大阪以嚟，已經有大概1700年嘅歷史。而家嘅大阪係個商業繁盛又吸引咗好多觀光客嘅商業都市，喺亞洲亦都係世界大都會。

大阪市喺日本政府實行市制嗰陣已經喺度，曾經喺關東大地震嗰陣取代當時嘅東京市成為人口最多嘅城市。現時大阪係一個以商業為主嘅城市。

大阪市市內有24個區，佢哋分別係：都島區、福島區、此花區、西區、港區、大正區、天王寺區、浪速區、西淀川區、東淀川區、東成區、生野區、旭區、城東區、阿倍野區、住吉區、東住吉區、西成區、淀川區、鶴見區、住之江區、平野區、北區、中央區

當中，大阪市嘅役所喺北區，而府役所就喺中央區。

大阪市之前嘅市長係松井一郎。現時市長係横山英幸。此外大阪市嘅市議會係由83人組成。

大阪市嘅總面積係222.11平方公里。

大阪屬副熱帶濕潤氣候，夏季比較炎熱潮濕。