Knowledge Base Wiki

劉迺強，SBS（英文：Lau Nai-keung，1947年 9月—2018年 11月21號），籍貫廣東，中華人民共和國第十屆全國政協委員、全國政協香港區委員、香港特別行政區第三任行政長官選舉委員會委員、致遠文化服務有限公司行政董事^[2]，並於2007年獲委任為香港特別行政區基本法委員會委員，接替鄔維庸嘅遺缺。2013年，擔任第十二屆全國人民代表大會常務委員會香港特別行政區基本法委員會委員。曾經使用艾凡為筆名。

背景

劉氏曾就讀於聖保羅男女中學及香港大學，獲社會科學學士，係聖約翰學院走讀生，期間同陸文強同埋馮可強三人合稱「學運三強」，編輯《學苑》。

劉氏喺1982年成為匯點創會會長，直至1988年任滿轉任主席，係當年「民主回歸派」嘅旗手。1992年匯點內部因對彭定康嘅政改意見分岐而分裂，劉氏同一啲反對彭定康政改嘅會員脫離匯點。匯點其餘成員隨後同港同盟合併為今日嘅民主黨。

劉氏其後長期活躍於環保運動，曾經擔任促進有機耕種嘅綠色團體「綠田園」主席達十年咁耐。