Knowledge Base Wiki

劉秀盈（粵拼：lau4 sau3 jing4，英文：Sindy Lau，1980年12月17號—）係香港電台節目主持，因為主持過香港電台電視節目《警訊》而多人識。

劉秀盈中學讀嘉諾撒聖瑪利書院，2002年香港中文大學新聞及傳播學院畢業，曾經喺無綫電視新聞及公共事務部做實習記者，之後一度轉去報館做文字記者^[1]。

入咗香港電台後，劉秀盈曾經做香港電台第一台《開心日報》《精靈一點》節目主持，同埋香港電台電視部《警訊》節目主持。而家主要負責主持香港電台第一台《管理新思維》。