Knowledge Base Wiki

中東
	中東地區地圖（深綠色，傳統中東地區）
國家數量	18
語言	阿拉伯語、亞拉姆語、亞美尼亞語、阿塞拜疆語、俾路支語、法語、希臘語、希伯來語、庫爾德語、波斯語、索馬里語、土耳其語
時區	UTC+3:30（伊朗）至UTC+2:00（埃及）
主要城市	依人口排序：開羅、伊斯坦布爾、德黑蘭、巴格達、利雅德、吉達、安卡拉
人口	3.8億人

中東（粵拼：zung1 dung1）係一個喺非洲同埋亞洲之間地理同埋政治上嘅地區，大概1900年開始喺英國流行，冇明確定義，亦都因為咁俾人批評過。中東傳統上包括西南亞同埋北非一啲國。

地理概述

「中東」係歐美人用嘅一個地理術語。一般嚟講，有巴林、埃及、伊朗、伊拉克、以色列、約旦、科威特、黎巴嫩、阿曼、卡達、沙特、敘利亞、阿聯酋同也門，巴勒斯坦、馬格里布國家（阿爾及利亞、利比亞、摩洛哥、突尼西亞），同埋蘇丹、毛里塔尼亞同索馬里，由於阿拉伯世界嘅歷史文化原因，一般都被認做係中東國家，土耳其同賽浦路斯雖然响地理上係屬於中東地區嘅一部分，但係佢哋認為自己係屬於歐洲；北邊嘅阿富汗有時同中東嘅聯繫都幾密切。