Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
田北俊（James TIEN Pei-chun，1947年1月8號—）喺中國上海出世，香港自由黨前主席，中國人民政治協商會議第十屆全國委員會委員。
田北俊係拔萃男書院中學畢業。自1988年起做立法局議員到回歸前（1992年除外），之後順利過渡，成為臨時立法會議員，並且喺1998年參加立法會選舉，成功當選，一直連任至而家。2007年4月1號起接任香港旅遊發展局主席，為期三年。
2003年7月6號，立法會就《國家安全條例草案》進行二讀辯論前，一向支持法案條文內容嘅自由黨主席田北俊突然宣佈不支持於7月9號進行二讀，並即時辭咗行政會議席位；特區政府於是連夜召開緊急行政會議。由於冇咗自由黨係立法會嘅支持，條例草案將無法通過，前行政長官董建華喺7月7號凌晨宣佈撤回草案，並且無限期延遲立法。
田亦都係萬泰集團主席。佢細佬田北辰喺兩鐵合併前係九廣鐵路主席。
田北俊係香港賽馬會會員，養過多隻有「武士」命名嘅馬匹，包括自由武士、新東武士、醒目武士、快樂武士、幸運武士、忠心武士、聰明武士、精靈武士、神速武士。
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
