Knowledge Base Wiki

Li sindrome Ehlers-Danlos u li maladeye Tchernogobov^[1], c' est ene maladeye do texhou djondrece des djins, ey eto des tchéns.

C' est on candjmint do coladjene (end a dtrop).

C' est ene maladeye di famile.

Les senes del maladeyes sont pus markés ås båsheles k' ås valets.

Li passaedje des parints ås efants ni shût nén les lwès Mendel.^[2]

Come gn a do coladjene dins tos les texhous, les senes sont foirt varyîs, sipårdous dins tos les sistinmes do coir, apus ki l' sistinme nierveus.

Li pea et les djonteures sont foirt elastikes.

Li pôce si pout rployî åjheymint so li dvant-bresse.

• 
  riployaedje sins må des pîs so les coxhes
• 
  åjhmince po ployî l' schene
• 
  åjhmince po fé bodjî li spale

Li dispårtixhaedje e diferinnès dizo-sôres (des ecdûts do sonk, do cour, fôme "classike", evnd., 17 sôres e 2017) ni shonne nén sûteye, ca c' est on plan po-z evoyî l' malåde mon trinte-shijh specialisses ki vont dner tchaeke totes sôres di droukes et risker d' «epwezner» l' pacyinne u l' pacyin.^[3]

Gn a nole analisse djenetike possibe. Come gn a do coladjene dins tos les organes do coir, les senes polèt esse foirt varyîs.

Li diyagnostik dimane loyî a l' aparexhance di puzieurs sintomes ricnoxhous come cåzés pal maladeye. Et pår l' egzistance del minme maladeye so ene ôte djin del minme famile.

I gn a so les cmons Wikipedia des imådjes ou fitchîs son a vey avou li maladeye Tchernogobov .

1. ↑ do docteur rûsse k' a discrît l' maladeye li prumî, e 1891.
2. ↑ (fr) Waibe do professeur Hamonet
3. ↑ Claude Hamonet, come cial ådzeu.