Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Jean Hamblenne, c' est on scrijheu e walon eyet èn eplaideu di tecses rilidjeus crustins e walon.
I vna å monde li 8 d' awousse 1953.
Di s' mestî, il esteut mwaisse di scole, ey eto scoleu (boute-po-rén) pol teyolodjeye crustinne (ortodosse).
Il est mimbe des Relîs Namurwès ey il a yeu l’ cocåde e 2021.[1]
D' aboird, i rtrova les ratournaedjes e walon d' on moenne di l' abeye di Rotchfoirt et les replaida (Evandjîle sint Mår, såmes).
Adonpwis, e 2016, il enonda on pordjet di ratournaedje e walon di tot l' Novea Testamint. A fwait k' des noveas tecses moussént foû, i les meteut a môde di livrets. Insi, il eplaida cénk prumirès letes d' apoisse e walon (e 2020), shuvou di cénk ôtes letes d' apoisse e walon (e 2021). Li live etir («Li Novea Testamint e walon») rexha e 2022.
Il a eto replaidî ene ramexhnêye d' arimés da Reynolds Hostin, Roukes et pazeas (Rukes èt pazias) (2019) pu deus pîces d' èn ake do minme oteur: «Cours moudris» eyet «L' ome» (2020). Eto, todi rapexhîs pa Hostin, ene djivêye di spots di dmorants des viyaedjes del province di Nameur.[2]
I cminça a scrire des tecses e walon dins les Cayés walons eyet dins l' Bourdon diviè 2017.
I publeye eto ses ouves dins l' Soverdea dispu 2020.
E 2022, i rashonne tos des scrijhaedjes dedja parexhous dins ces troes rvuwes la, L’ istwere do monde racontêye pa les biesses.