Knowledge Base Wiki

opur

Ła paroła sitadin l'è cołegà co i conceti de siviltà e de sità de sitadinansa e col pasar del tenpo el ga ciapà vari significài che deso i vive tuti quanti insieme e i se capise drio el contesto.

• sitadin come nome col sénso de uno che el vive in sità (al posto de star in canpagna o in paéxe); par exenpio i sitadini de Pàdova
• sitadin come nome col sénso de uno che el vive int'un Stato e el ga i diriti e i doveri de sitadinansa; p.ex. sitadin ingléxe/spagnoło/american
• sitadin come agetivo che se riferise sia a zente sia a robe o conceti che i ga a che far co ła sità; p.ex: tràfico sitadin

Ai tenpi che ła Roma ła xera na sità-stato, chi che gavéa ła condision de sitadin roman el gavéa dei diriti e de łe protesion che, grasie a pati e acordi co altri Stati, no łe vałéa miga soło rento Roma ma anca in altre sità foreste e pi tardi anca in tute ła parte de l'Inpero Roman; da de cua xe vegnesto fora el sénso moderno de sitadin de un Stato, come omo o dona che el ga doveri ma anca diriti particołari (de sitadinansa) rento un teritorio statałe.