Knowledge Base Wiki

Search for LIMS content across all our Wiki Knowledge Bases.

Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.

Şähär
Sent-Cons
ingl. Saint John's
İl
Nigezlände 1632
Mäydan 10 km²
Xalıq sanı 22 219 keşe (2011)
UTC UTC−04:00

Sent-Cons (ingl. Saint John's) — Antigua häm Barbuda däwläteneñ başqalası, iñ zur şähäre[1] häm töp portı[2], Sent-Con okrugınıñ[en] administrativ üzäge.

Tarixı

Sent-Consqa 1632 yılda ingliz kolonistları nigez salğan häm 1667 yılda şähär Antigua häm Barbudadağı Angliä bilämäläreneñ administrativ üzäge bulğan. XVIII ğasırdan başlap Britaniä xärbi qorabları[en] bazası bulıp xezmät itkän[1]. Üz tarixı däwamında berniçä tapqır stixiäle bäla-qazalardan intekkän, şular isäbenä 1690 häm 1843 yılğı cir teträwlär, 1769 yılğı yanğın häm 1847 yılğı ğarasat kerä[2]. XVIII ğasır urtasına şähärdä şikär qamışın[en] eşkärtügä yünälderelgän şaqtıy üsterelgän sänäğät bulğan, çönki bu kultura iñ zur tabış birgän. Plantatsiälärdä häm zavodlarda eşläw öçen Afrikadan qollar kiterelgän, alarnıñ toqımnarı xäzerge waqıtta ilneñ töp xalqın täşkil itä. 1834 yılda qollıq beterelgän, ämmä Sent-Consta elekkege qollarnıñ yäşäw şartları tağın yöz yılğa yaqın qänäğätlänerlek tügel bulıp qalğan.

Şähär iqtisadı 1930-yıllar krizisı waqıtında, şikärgä dönyaküläm ixtıyac kimegäç, citdi zıyan kürgän. 1958 yıldan 1962 yılğa qädär Sent-Cons West-Hind Federatsiäse[en] sostavında bulğan, ä annarı Böyekbritaniä belän assotsiatsiälängän däwlätkä kergän.

1981 yılda, Antigua häm Barbuda bäysezlek alğaç, Sent-Cons yaña däwlätneñ başqalası bulğan[1]. 1995 yılda şähär Luis ğarasatınnan[en] citdi zıyan kürgän. Turistlıq infrastrukturası ayıruça zur yuğaltular kiçergän.

Xalqı

2011 yılğı canisäp mäğlümatları buyınça, Sent-Consta 22,2 meñ keşe yäşägän — xalıq sanınıñ 2001 yılğı canisäp belän çağıştırğanda 9%qa kimüwe. Sent-Consta başqa illärdä tuğan xalıqnıñ iñ yuğarı protsentı bilgelängän (böten il öçen 30,4% kürsätkeç bulğanda 36,6%)[3]. 22 meñ keşedän 23% (5 meñnän az ğına artığraq) 14 yäşkä qädärge balalar häm yaşüsmerlär täşkil itkän, 8% (1,8 meñ) — 65 yäş häm annan ölkänräk keşelär. Şähärdä 7,9 meñ yort xucalığı isäplängän, alarnıñ yartısınnan artığında 2dän 4kä qädär keşe bulğan[4].

Din totuçılarnıñ küpçelege — anglikannar[en]; şulay uq katoliklar, adventistlar[en], metodistlar[en], pentekostalistlar[en] oçrıy.

İskärmälär

  1. ↑ 1,0 1,1 1,2 Сен-Жерменский мир 1679 — Социальное обеспечение. — М., 2015. — С. 19. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 30). — ISBN 978-5-85270-367-5.
  2. ↑ 2,0 2,1 Saint John's. Encyclopædia Britannica.
  3. ↑ Antigua and Barbuda 2011 Population and Housing Census: A Demographic Profile(ингл.). — St. John’s: Statistics Division, Government of Antigua and Barbuda, 2017. — P. 4, 11.
  4. ↑ Antigua and Barbuda 2011 Population and Housing Census: Book of Statistical Tables I(ингл.). — St. John’s: Statistics Division, Government of Antigua and Barbuda, 2014. — P. 30, 52, 60.
source: https://tt.wikipedia.org/wiki/Sent-Cons