Knowledge Base Wiki

Ang Marso ang ikatlong buwan ng taon sa kalendaryong Gregoryano at Juliyano. Ito ang ikalawa sa pitong buwan na may habang 31 araw. Nanggaling ang salitang Marso mula sa Kastilang Marzo. Sa Ingles, itong buwan ay tinatawag na March. Lahat ng ito ay nanggaling sa pangalan na Marte, ang diyos ng digmaan ayon sa mitolohiyang Romano.

Sa Hilagang Emisperyo, ang simulang meteorolohiko ng tagsibol ay unang araw ng Marso. Minamarkahan ang 20 o 21 bilang ekwinoksiyo ng Marso na ang simulang astronomiko ng tagsibol sa Hilagang Emisperyo and ang simula ng taglagas sa Timog Emisperyo, kung saan Setyembre ang panahong katumbas sa Marso ng Hilagang Emisperyo.

Nagmula ang pangalang Marso sa Martius, ang unang buwan sa sinaunang kalendaryong Romano. Ipinangalan ito kay Marte, diyos ng digmaan ng mga Romano, at ang ninuno ng mga Romano sa pamamagitan ng mga anak nitong sina Romulo at Remo. Simula ng panahon ng pakikidigma ang kanyang buwan na Martius,^[1] at sinasalamin ng iba sa Oktubre ang mga pista na ipinagdiriwang sa kanyang ngalan sa Marso, nang magsasara na ang panahon para sa mga aktibidad na ito.^[2] Nanatiling unang buwan ang Martius sa kalendaryong Romano marahil noong hanggang pinakahuling 153 BC,^[3] at ilang pagdiriwang relihiyoso sa unang kalahati ng buwan ay orihinal na mga pagdiriwang ang bagong taon.^[4] Kahit noong huling antiguwedad, ang mga mosaikong Romano na ginuguhit ang mga buwan ay minsan nilalagay ang Marso bilang una.^[5]

Ang mga birthstone o kapanganakang-bato ng Marso ay ang agwamarina at piyedra sanggre. Sinsimbolo ng mga batong ito ang katapangan. Narsiso ang kapanganakang-bulaklak ng Marso.^[6] Ang mga senyas ng sodyak ay Pisses hanggang sa tinatayang Marso 20 at Aries mula sa tinatayang Marso 21 pataas.^[7]

Hindi kinakailangan ang talang ito na magpahiwatig ng aliman sa katayuang opisyal o pangkalahatang pagdiriwang.

• Sa tradisyong Katoliko, buwan ni San Jose ang Marso.
• Buwan ng Kasaysayan ng Kababaihan (Australya, Reyno Unido, Estados Unidos)
• Buwan ng Ginampanan ng mga Kababaihan sa Kasaysayan (Pilipinas)^[8]

• Buwan ng Kamalayan ng Paralisis na Serebral^[9]

• Nagsisimula ang daylight saving time (o pagtitipid ng oras kapag may araw) (Estados Unidos at Canada)

• Kapistahan ni San Jose ng Nazareth (Kristiyanismong Kanluranin)

• Araw ng Ekwinoksyo ng Daigdig

• Oras ng Daigdig (Internasyunal na pagdiriwang)^[10]

• Nagsisimula ang Oras ng Tag-araw sa Europa

• Marso 2
  • Pista ng Omizu-okuri ("Pagbubuhat ng Tubig") (Obama, Hapon)
• Marso 8
  • Pandaigdigang Araw ng mga Kababaihan^[11]
• Marso 13
  • Anibersaryo ng pagkakahalal kay Papa Francisco (Lungsod Batikano)
• Marso 17
  • Araw ni San Patricio (Irlanda, diyasporang Irlandes)
• Marso 20
  • Pandaigdigang Araw ng Pagkamasaya (Mga Nagkakaisang Bansa)
• Marso 25
  • Dakilang Kapistahan ng Pagpapahayag ng Magandang Balita tungkol sa Panginoon (Kristiyanismo)