Knowledge Base Wiki

Ang 2018 (MMXVIII) ay isang karaniwang taon na nagsisimula sa Lunes ng kalendaryong Gregoryano, ang ika-2018 taon sa mga pagtatalagang Karaniwang Panahon at Anno Domini (AD), ang ika-18 taon ng ika-3 milenyo, ang ika-18 taon ng Ika-21 siglo, at ika-9 na taon ng dekada 2010.

• Enero 2 – Tv host na si Hoda Kotb siya ay pinili bilang Co-Anchor Pagkatapos ng Terminado ni Lauer kasama sina Savannah Guthrie, Al Roker at Carson Daly sa Today Show
• Enero 24 – Inulat ng mga Siyentipiko sa Tsina sa talaarawan na Cell ang paglikha ng unang unggoy na clone gamit ang paglipat ng somatikong nukleyar ng selula, at pinangalan itong Zhong Zhong at Hua Hua.^[1][2][3][4]

• Pebrero 10 – Si Kay Goldsworthy ay naging unang babaeng arsobispo sa Komunyong Anglikano nang maluklok siya sa Anglikanong Diyosesis ng Perth, Kanlurang Australia.^[5]
• Pebrero 11 – Bumagsak ang Lipad 703 ng Saratov Airlines noong dagliang pagkatapos ng unang pagtaas mula sa Moscow, na kinitil ang lahat ng 71 katao na sakay nito.^[6]

• Marso 18 – Sa halalang pampangulo sa Rusya, nahalal si Vladimir Putin sa kanyang ikaapat na termino.^[7]
• Marso 19 – Namatay sa Kenya ang huling lalaking hilagang puting rhinoceros sa mundo, na ginagawa ang sub-espesye na punsyonal na nalipol na.^[8][9]

• Abril 27 – Tumawid si Kim Jong-un tungong Timog Korea upang kitain si Pangulong Moon Jae-in, na naging unang pinuno ng Hilagang Korea na tumawid sa Sonang Desmilitarisado simula noong nagawa ito noong 1953.^[10]

• Mayo 19 – Naganap ang kasal nina Prinsipe Harry at Meghan Markle sa Kapilya ni San Jorge, Inglatera, na may tinatayang 1.9 bilyon na manonood.^[11][12]

• Hunyo 3 – Hindi bababa sa 109 tao ang namatay at daan-daan ang nasugatan sa pagputok ng Volcán de Fuego, ang pinakanakamamatay na bulkan ng Guatemala sa loob ng isang siglo.^[13]
• Hunyo 12 – Naganap ang pagpupulong ng Hilagang Korea–Estados Unidos ng 2018 sa Singapore na dinaluhan ni Pangulong Donald Trump ng Estados Unidos at Pinuno ng Hilagang Korea na si Kim Jong-un. Ito ang unang pagpupulong sa pagitan ng isang Pangulo ng Estados Unidos at pinuno ng Hilagang Korea.^[14]

• Hulyo 9 – Opisyal na idineklera ng Eritrea at Ethiopia ang katapusan ng kanilang dalawampung-taong hidwaan.^[15][16]
• Hulyo 31 – Nagawa ng Marte ang pinakamalapit na paglapit nito sa Daigdig simula pa noong 2003, apat na araw pagkatapos na naabot ang oposisyon.^[17]

• Agosto 2 – Ang Apple Inc. ay naging unang publikong kompanya sa mundo na natamo ang $1 trillion na kapitalisasyon sa merkado.^[18]
• Agosto 7 – Muling nagpataw ang Estados Unidos ng sansyon sa Iran.^[19]

• Setyembre 4 – si Craig Melvin bilang news anchor kapalit ni Morales noong 2016 sa Programa na Today Show ng NBC kasama sina Guthrie, Kotb, Roker at Daly.
• Setyembre 6 – Hindi na ginawang krimen ang homoseksuwalidad ng Korte Suprema ng Indya.^[20]
• Setyembre 28 – Tumama ang isang lindol na nasa 7.5 magnitud sa Sulawesi, Indonesia, na nagdulot ng isang tsunami na kinitil ang hindi bababa sa 4,340 people^[21] at sinugatan ang higit sa 10,679 na iba pa.^[22]

• Oktubre 30 – Natapos ang misyon ng NASA na Kepler pagkatapos naubusan ang sasakyang-pangkalawakn ng panggatong.^[23]

• Nobyembre 11 – Maraming mga bansa sa buong mundo, partikular sa Europa at Komonwelt, kasama ang Estados Unidos, ang inalala ang katapusan ng sentenaryo ng Unang Digmaang Pandaigdig sa pamamagitan ng mga sermonya, talumpati, parada at memoryal sa Araw ng Armistisyo, Araw ng Beterano, at Araw ng Pag-alala.^[24]
• Nobyembre 26 – Matagumpay na lumapag sa Marte ang pansiyasat ng NASA na InSight.^[25]

• Disyembre 15 – Ibinalik sa Pilipinas ng Estados Unidos ang mga kampana ng Balangiga na kinuha ng mga sundalo ng Hukbo ng Estados Unidos mula sa bansa noong 1901 bilang tropeo sa digmaan.^[26]
• Disyembre 22 – Isang tsunami ang tumama sa Kipot ng Sunda, Indonesia, na pinatay ang hindi bababa sa 430 katao at sinugatan ang halos 1,500.^[27]

• 
  Ursula K. Le Guin
• 
  Stephen Hawking
• 
  Lys Assia
• 
  Barbara Bush
• 
  Avicii
• 
  Margot Kidder
• 
  Philip Roth
• 
  Alan Bean
• 
  Anthony Bourdain
• 
  Aretha Franklin
• 
  Kofi Annan
• 
  John McCain
• 
  Trần Đại Quang
• 
  Charles K. Kao
• 
  Stan Lee
• 
  George H. W. Bush
• 
  Penny Marshall

• Enero 22 – Ursula K. Le Guin, Amerikanong nobelista (ipinanganak 1929)^[28]
• Pebrero 21 – Ren Osugi, Hapones na aktor (ipinanganak 1951)
• Marso 14 – Stephen Hawking, Ingles na teoritikal na pisiko at kosmologo (ipinanganak 1942)^[29]
• Marso 24 – Lys Assia, Suwekong mang-aawit (ipinanganak 1924)^[30]
• Abril 7 – Peter Grünberg, Alemang Nobel na pisiko (ipinanganak 1939)
• Abril 15 – Michael Halliday, Ingles-Australyanong dalubwika (ipinanganak 1925)
• Abril 17 – Barbara Bush, ika-41 na Unang Ginang ng Estados Unidos (ipinanganak 1925)
• Abril 20 – Avicii, Suwekong DJ (ipinanganak 1989)
• Mayo 13 – Margot Kidder, Kanadyano-Amerikanong aktres at aktibista (ipinanganak 1948)
• Mayo 22 – Philip Roth, Amerikanong manunulat (ipinanganak 1933)^[31]
• Mayo 26 – Alan Bean, Amerikanong astronauto (ipinanganak 1932)^[32]
• Hunyo 8 – Anthony Bourdain, Amerikanong punong tagapagluto, manunulat at personalidad sa telebisyon (ipinanganak 1956)^[33]
• Hunyo 23 – Kim Jong-pil, ika-9 na Punong Minstro ng Timog Korea (ipinanganak 1926)
• Hulyo 6 – Shoko Asahara, Hapones na pinuno ng kulto at terorista (ipinanganak 1955)
• Hulyo 19 – Denis Ten, taga-Kazakhstan na pigurang tagapag-iskeyt (ipinanganak 1993)
• Agosto 16 – Aretha Franklin, Amerikanong mang-aawit at manunulat ng awitin (ipinanganak 1942)
• Agosto 18 – Kofi Annan, taga-Ghana na diplomata, ika-7 Pangkalahatang-Kalihim ng Mga Nagkakaisang Bansa at laureado ng Nobel (ipinanganak 1938)
• Agosto 25 – John McCain, Amerikanong politiko (ipinanganak 1936)
• Setyembre 21 – Trần Đại Quang, ika-8 Pangulo ng Vietnam (ipinanganak 1956)
• Setyembre 23 – Charles K. Kao, ipinanganak sa Hong-Kong na Britaniko-Amerikanong Nobel na inhinyerong elektrikal (ipinanganak 1933)
• Setyembre 27 – Cely Bautista, Pilipinong mang-aawit (ipinanganak 1939)
• Oktubre 19 – Osamu Shimomura, Hapones na Nobel na kimiko at marinong biyologo (ipinanganak 1928)
• Nobyembre 3 – Sondra Locke, Amerikanong aktres (ipinanganak 1944)
• Nobyembre 12 – Stan Lee, Amerikanong manunulat ng komiks, patnugot, at aktor (ipinanganak 1922)
• Nobyembre 28 – Nicanor de Carvalho, taga-Brazil na tagapamahala ng putbol (ipinanganak 1947)
• Nobyembre 30 – George H. W. Bush, ika-41 Pangulo ng Estados Unidos (ipinanganak 1924)
• Disyembre 17 – Penny Marshall, Amerikanong aktres at direktor ng pelikula (ipinanganak 1943)