Knowledge Base Wiki

Karne ya 1 ilikuwa kipindi cha miaka mia moja kati ya 1 na 100. Kikamilifu kilianza tarehe 1 Januari 1 B.K. na kuishia 31 Desemba 100. Namba zake zinafuata hesabu ya miaka "baada ya Kristo".

Kama kila "karne" ni kipindi kinachohesabiwa kwa hiari ya binadamu kwa sababu ni mgawanyo wa kalenda tu: katika hali halisi maendeleo na mabadiliko makubwa hayafuati migawanyo ya kalenda ya kibinadamu.

Kuna mambo mengi yaliyotokea wakati wa karne hii.

• Dola la Roma linafurahia amani iliyopatikana kuanzia utawala wa Kaisari Augusto
• Yesu Kristo, akitanguliwa na Yohane Mbatizaji, anahubiri na kuuawa katika nchi ya Palestina
• Dini mpya ya Ukristo inaanza na kuenea haraka hadi Ulaya magharibi na labda India kusini
• 50-100 hivi: Vitabu vya Agano Jipya vinaandikwa
• 70 Maangamizi ya Yerusalemu na hekalu lake

• Maria wa Nazareti, mama wa Yesu
• Yohane Mbatizaji (7 KK-29), nabii wa Israeli katika bonde la mto Yordani
• Yesu Kristo (6 KK-30), anayesadikiwa na Wakristo kuwa Mwana wa Mungu
• Mtume Petro na wenzake 11 walioteuliwa na Yesu
• Mtume Paulo, nabii na mwenezaji mkuu wa Ukristo