Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Afeli (kutoka Kiing. aphelion) ni mahali katika obiti ya sayari au magimba mengine ya angani ambako yako mbali zaidi na Jua. Jina linatokana na Kigiriki από "apo" (mbali) na Ήλιο "helio" (jua).
Kinyume chake ni periheli inayomaanisha sehemu ya njiamzingo iliyo karibu kabisa na jua.
Majina hayo hutumiwa kwa sababu obiti au njiamzingo ya Dunia si duara kamili, bali lina umbo la duaradufu. Yasingekuwa na maana kama njiamzingo ingekuwa duara kamili lakini hii haitokei hali halisi.
Afeli ya Dunia ina umbali wa kilomita milioni 152.1 kutoka Jua, ilhali periheli ina umbali wa kilomita 147.1. Umbali wa wastani ni kilomita milioni 149.6, kwa hiyo umbali kati ya Jua na Dunia inacheza kidogo katika muda wa mwaka. Wakati wa kukaa mbali zaidi mnururisho tunaoupokea kutoka Jua unapungua kidogo, kama asilimia 2.
Lakini tofauti hiyo hatuwezi kuisikia kwa sababu majira ya baridi na ya joto yanatawaliwa na athira nyingine, hasa na mwinamo wa mhimili wa Dunia. Mwinamo huo unasababisha sehemu za kaskazini na za kusini za Dunia kupokea viwango tofauti vya mwanga kutoka Jua katika mwendo wa mwaka. Afeli ya Dunia hutokea takriban tarehe 5 Julai. Majira ya joto kwenye kaskazini ya Dunia yanatokea takriban wakati wa afeli na majira ya joto kwenye kusini ya Dunia hutokea takriban wakati wa periheli.
Sayari (kibete) |
Periheli | Afeli | Tofauti na duara | ||
---|---|---|---|---|---|
Vizio astronomia | kilomita milioni |
Vizio astronomia | kilomita milioni. | ||
Utaridi (Mercury) | 0.307 | 46.0 | 0.467 | 69.8 | 0.20564 |
Zuhura (Venus) | 0.718 | 107.5 | 0.728 | 108.9 | 0.00678 |
Dunia (Earth) | 0.983 | 147.1 | 1.017 | 152.1 | 0.01671 |
Mirihi (Mars) | 1.381 | 206.7 | 1.666 | 249.2 | 0.09339 |
Mshtarii (Jupiter) | 4.951 | 740.7 | 5.455 | 816.0 | 0.04839 |
Zohali (Saturn) | 9.023 | 1,349.8 | 10.050 | 1,503.5 | 0.05386 |
Uranus | 18.282 | 2,735.0 | 20.096 | 3,006.3 | 0.04726 |
Neptun | 29.812 | 4,459.8 | 30.328 | 4,537.0 | 0.00859 |
Pluto | 29.658 | 4,436.8 | 49.306 | 7,376.1 | 0.24883 |
Haumea | 34.477 | 5,157.6 | 51.514 | 7,706.4 | 0.19813 |
Makemake | 37.915 | 5,671.9 | 52.773 | 7,894.8 | 0.16384 |
Eris | 38.542 | 5,765.7 | 97.558 | 14,594.5 | 0.43363 |
Sayari kibete huonyeshwa kwa rangi kijivu |