Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Forex (ti basa inggris Foreign exchange) hartina pasar valuta asing mangrupa salah sahiji wujud pasar keuangan anu ngajual beulikeun nilai artos antar nagara-nagara di dunia. Anu dijual-beulikeun nyaéta nilai hiji mata uang nagara sareng mata uang nagara séjénna. Salah sahiji conto anu paling gampil, nalika urang ka luar negeri kedah ngalironkeun mata uang nagara urang (rupiah) ka mata uang nagara anu di tuju. Ieu mangrupa bentukan paling saderhana tina forex atanapi pasar valuta asing.
Pasar forex ngalibatkeun pasar-pasar keuangan ageung di dunia. Pasar forex buka 24 jam silih sambung di antara pasar keuangan hiji nagara sareng nagara anu lian. Pasar forex trading anu paling badag nyaéta pasar forex Sydney (Australia), Tokyo (Jepang), London (Inggris), jeung New york (Amérika). Tiap poe, pasar forex anu paling awal buka nyaéta Australia jam 04.00 - 12.00 WIB, terus disusul ku jepang jam jam 06.00 - 14.00 WIB, pasar Inggris jam 14.00 - 22.00 WIB, jeung pasar Amérika jam 19.00 - 03.00 WIB.
Waktu buka satiap pasar forex bisa maju atawa mundur 1 jam nuturkeun penyesuaian Day light saving time anu digunakan tiap nagara.
Numutkeun survey anu dilakukeun ku BIS ( Banik International of Settlement) taun 2004, nilai transaksi di pasar forex jumlahna dugi ka $1,4 trilyun unggal poé na. ku sabab gancangna gerakan harga di pasar finansial ieu, pasar forex sering dijadikeun alternatip investasi anu paling populer ku sabab ROI ( return of Investment ) jeung kauntungan anu lebih badag dibandingkeun jeung pasar finansial anu lian.
euweuh kasaragaman dina pasar forex. Jenis transaksi anu dilakukeun mangrupa jenis transaksi over the counter atawa di luar bursa. Mata uang didagangkeun dina bentuk pasangan jeung mata uang lainna. Misalna waé mata uang Euro jeung USD . Dua mata uang anu didagangkeun biasa di sebut pair (EUR/USD, GBP/USD jeung anu lainna).
Gerakan parobahan nilai harga dina pasar forex dipangaruhan ku faktor-faktor ekonomi tiap nagara saperti inflasi, suku bunga bank central, rancangan anggaran nagara, jumlah pangangguran, jeung anu séjénna.
Kauntungan tinu transaksi bisa ditarima sacara dua arah. Urang bisa untung ku cara ngajual atawa meuli mata uang.
Pihak-pihak anu ngalakukeun jual beuli di pasar forex bisa dibagi kana sababaraha bagian gedé. di antarana nyaéta waé ;
Bank Central
Bank central tia nagara boga wewenang pikeun turut campur dina ngajaga nilai mata uang nagara na. Bank central bisa ngalakukeun intervensi supa ya nilai mata uang nagara na stabil . Ieu sababna peran bank central penting pisan dina ngajaga jeung nyaimbangkeun ekonomi hiji nagara. Kabijakan-kabijakan ti bank central mangrupa salah sahiji faktor anu diperhatikeun pisan dina pasar forex.
Bank
Bank jadi perantara jeung panyadia jasa ka nasabahna pikeun ngalakukeun pengiriman dana ka luar negeri atawa narima dana tiluar negeri. Jumlah transaksi anu ddilakukeun ku pihak Bank gedé pisan tiap poé na.
Hedge Fund
Hedge fund mangrupa lembaga investasi anu ngurus investasi ti nasabahna dina jumlah anu gedé pisan kalayan profesional. Hedge fund ngalakukeun transaksi di loba jenis pasar finansial, salah sahijina di pasar forex. Tujuan ti hedge fund nyaéta pikeun néang kauntungan sagedé-gedéna pikeun manéhna.
Perusahaan / dunia usaha
Perusahaan atawa dunia usaha ngabutuhkeun pembayaran dina bentuk mata uang asing pikeun nyumponan kabutuhana masing-masing. Misalna waé pikeun balanja bahan dasar produksi tiluar negeri, parusahaan ngabutuhkan pembayaran dina bentuk mata uang nagara tempat bahan dasar éta dibeuli. Transaksi forex anu dilakukeun ku perusahaan atawa dunia usaha jumlahna leutik, tapi dinu jangka panjang bisa mangaruhan arah nilai tina mata uang hiji nagara.
Pialang valuta asing
Pialang valuta asing mangrupa perusahaan atawa individu anu ngalakukeun transaksi jual beli mata uang kalayan tujuanna néang kauntunganti pasar forex. Trader atawa spekulan kaasup kana kategori ieu. Nilai jumlah transaksi anu di lakukeun sacara umum leutik pisan.
Harga pasangan mata uang ieu nunjukkeun sabaraha dolar AS (USD) tiasa dipésér pikeun 1 mata uang Éropa tunggal (EUR). Ku ngabuka pesenan ngagaleuh, padagang hasil kéngingkeun EUR, bari mayar USD. Nalika nyandak kauntungan, operasi ngabalikeun dilaksanakeun - mésér USD kanggo eur. Dina pasangan ieu, EUR mangrupikeun tukeur basa. Pernyataan ieu leres berhubungan sareng sadaya mata uang dunya.[1]
apa itu forex trading Archived 2014-06-26 di Wayback Machine