Knowledge Base Wiki

Jierhunnert:	17. Jierhunnert · 18. Jierhunnert · 19. Jierhunnert
Jier:	< · 1793 · 1794 · 1795 · 1796 · 1797 · >

Foarfaale

3. Januoar: In aan Ferdraach twiske Ruslound, Prüüsen un Aastriek wäd ju trääde Deelenge fon Polen uuthonneld.
19. Januoar: In do Niederlounde wäd ju Bataviske Republik proklamierd.
6. Februar: In Graaff-Reinet wäd truch aan Apstound fon do suudafrikoanske Buuren juun ju Niederloundske Aastindien-Kompanie ju eerste Buurenrepublik gruunded.
5. April: Die eerste Deel fon dän Free fon Basel wäd twiske Prüüsen und Frankriek uuthonnelt: Frankriek behoaldt dät linke Ouger fon dän Rhien.
7. April: In Frankriek wäd amtelk dät meetriske Systeem ienfierd.
14. Juli: Ju Marseillaise wäd ju frantsööske Nasjonoalhymne.
11. September: Een persisk Heer unner Aga Mohammed Khan marskiert in Georgien ien un fernäilt dät fulkeemen ferbaasede georgiske Heer in ju Slacht fon Krtsanisi. Ätters ärooberje jo ju georgiske Haudstääd Tiflis, fernäile deer groote Deele fon un brange twountwintichduusend Ljuude in ju Skloueräi.
27. Oktober: In Madrid wäd die Pinckney-Ferdraach uuthonnelt. Hie änthoaldt Bestimmengen uur dät Skeed an dän Mississippi un dän 31. Brattengroad. Bee do Sieden stounde eenuur fräie Skipfoart tou un US-Koopljuude duuren Weeren in New Orleans leegerje.
13. Dezember: Bie ju Buurensteede Wold Cottage in Änglound faalt aan Meteorit deel. Hie wäd leeter bekoand as die Wold-Cottage-Meteorit