Knowledge Base Wiki

12. -- 13. -- 14. -- 15. Jierhunnert -- 16. -- 17. -- 18.
Jiere: 1452 - 1453 - 1454 - 1455 - 1456 - 1457 - 1458 -

Foarfaale

17. Meerte: Dät Klaaster Andechs wäd as Benediktiner-Klaaster gruunded.
24. Meerte: Poabst Nikolaus V. stäärft.
8. April: Alonso de Borja wäd toun Poabst kädden. Hie nimt dän Noome Kalixt III. oun.
22. Moai: Mäd ju Slacht fon St Albans beginne in Änglound do Rousenkriege, do mäd Unnerbreekengen bit 1487 tou uum ju ängelske Kroune uutfächted wäide.
8. Juli: Kunz von Kauffungen äntfiert bie dän Altenburger Prinsenroow do 14- un 11-jierige Prinsen Ernst un Albrecht von Sachsen. Deermäd wol hie dän Kuurfüürst Friedrich dän Sachtmoudigen fon Saksen twinge, him dän Skoade tou betoaljen foar sien ferläddene Lounderäie. Insteede wäd hie uum Breek fon dän Loundfree bekloaged. Hie beropt sik ap sien gjuchtfäidige Aaskenge un ap dän "Fehde"-Bräiw, die dän Loundfree ätter jäildend Gjucht buute Krit sät. Man die Bräiw is tou leet keemen.
13. Juli: Kauffungen, die Äntfierder in dän Altenburger Prinsenroow, wäd skeeldich spräkt un tou dän Dood feruurdeeld. Ap dän touken Dai wäd him un wäkke fon sien Hälpere in Freiberg die Kop ousloain.
7. November: In ju Kathedroale Notre Dame de Paris wäd die Prosäs juun Jeanne d’Arc näi apruld, wät in't Foulgejier tou hiere Rehabilitierenge lat.