Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Aɣṛum iga yat tirmt tamatayt ittuskarn s uggurn d waman, d ila s umata tisnt. Ɣ umzruy, iga tirmt izwarn akk ɣ bahra n tmizar. Nttat ad igan tirmt akk iqburn ittuskarn s ufus n ufgan, d istuhmma bahra zɣ ussnti n uzmz n tfllaḥt. Iṭṭaf ula tiwuriwin tidlsanin yaḍn (tunnunt, timyurin... ).
Aɣṛum iẓḍar ad ixmr s imikrubn, niɣ s ikimitn, niɣ s uswḍu nna ittsuffun aɣṛum. Ɣ mnnawt n tmizar, aɣṛum n ugadaz ar gis ittili timrniwin nna as isnfaln aklu, tudrt, asyufu, d tɣawsiwin yaḍnin.
Ar ittwwu uɣṛum ɣ ufrnu aqbur niɣ afrnu igan win aɣṛum, niɣ tiɣarasin yaḍn (s umdya: iẓṛan rɣanin). Askkir n uɣṛum iga tawuri n buɣṛum. D buɣṛum ula nttan ar izznza aɣṛum.
Abrbr iga taɣarast akk iqburn n uskkir n utci. Buɣṛum iga t amskar n uɣṛum.
Ifrdisn ucciln n uɣṛum:
D ɣ kraygat wanaw illa mad ittrnun: Tiglay, Akʷfay, Askkaṛ, Tudit, Azatim.
Iṭṭaf uɣṛum isqquln ɣ dar id buɣṛum izzulann: Agḍam n waman ɣ uɣṛum nttan ad asqqul akk istuhmman ɣ uskkir n uɣṛum, acku iṭṭaf laṭṛ f talɣa n uɣṛum. Irdn iqqurn ar issumum 62% n waman, macc irdn isdidn ɣas 56%. Tuggt n id buɣṛum ar ttggan ngr 60% d 75% n waman. 500 gram n uggurn ar yakka snat tkumirin.
Aggurn iga t irdn iẓḍan. Aggurn ar yakka talɣa izwarn n uɣṛum. Ar as yakka ula aprutin lli rad gis yili. Tumayt n uprutin ɣ uggurn nttat ad immaln bahra tayufa n lɛjint n uɣṛum d ula aɣṛum iwwan. Waxxa nẓḍar ad nskr aɣṛum s kraygat wanaw n uɣṛum, yuf ad tili tumayt n uprutin ngr 12% d 14%.
Aggurn ar ittuxlaḍ d tuxmirt d tisnt. Tisnt (akluṛid n uṣudyum) ar ttrnu tamimt n uɣṛum d ar tssidrus tawuri n tuxmirt. Ar tswuri ula f talɣa tamatayt n uɣṛum s ussidus n uglutin. Kra n id buɣṛum ar ffaln tisnt, niɣ ar as ttggan dffir 20 n tusdidt bac ad isunfu, ɣayad ar ittaws i tawṭulizt (autolyse) n lɛjint.
Aɣṛum iswḍan iga t iɣ ixmr s usinuksid n ukaṛbun. Zɣ tuẓẓumt n tasut tiss 19, ittwassn wanaw ad n uɣṛum s tɣarast n uswḍu ɣ Tgldit Imunn. Tamssurt n Uɣṛum Iswḍn (Aerated Bread Company) ad tt yadlli iskarn, tzznz gis bahra. Tbda tmssurt ad ɣ usggʷas n 1862, tbdd ɣ usggʷas n 1955.
Aglutin d ugliyadin gan iprutinn ittyafan ɣ uɣṛum. Aglutin nttan ad iskarn aẓṭṭa n uɣṛum s tɣarast n tilggʷitin usulfid. Aglutin illa bahra ɣ irdn. Ɣayad ad yujjan middn ad bahra ssmrasn irdn f tumẓin.
Ar nttini is ibayn uɣṛum ɣ dar imiṣṛiyn. Nttni ad yufan is iɣ tsmrkst irdn ẓḍanin s wanan n Unil ar ttuff lɛjint. Ɣ usggʷas n 300 dat n lmasiḥ, ibda uskkir n tuxmirt ɣ dar id buɣṛum insbaɣurn n Miṣṛa.
Ula ɣ dar iṛumiyn, aɣṛum iga tirmt n kraygat ass, ntta d tgulla. Ɣ uzmz n Ṭrajan, ibda usslmd n uskkir n uɣṛum. Ɣayad yujja id buɣṛum ad igutn ɣ uzmz nns. Ibdr Plin Aqbur, is ɣ uzmz n Ugust, illa uggar n 329 n id buɣṛum ɣ Ruma.[2]
Aɣṛum ittyafan ɣ Pompay ttubḍant s tɣarast n igrikiyn f igzman.
Iẓḍaṛ ad inaḥya uɣṛum s wanaw n uggurn lli s ittuskar niɣ adɣar lliɣ iwwa. S umdya:
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
