Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
A byleid, whiles cryed a dialect an aa, is a variety o a leid.[1] It is the name gien tae a variety o spaek that isna conseidert tae differ eneuch frae the "staundart" variety o a leid for tae be cryed a leid o its ain.
Hou muckle differs there maun be afore a dialect becomes a leid is gey subjective an aften lippens on poleitical conseiderations (the debate ower whither Scots is a leid o its ain or juist a dialect o Inglis is a prime exemplar). This gies rise tae the saw that "a leid is juist a dialect wi an airmy an a navy"[2] — that is, ae variety o langage is mair like tae be cryed a leid gin it's spak in an unthirlt kintra, an mair like tae be cryed a dialect gin it's spak in ae region o a lairger kintra.[3]
Acause o this difeiculty, monie linguists disna like tae uise the terms "leid" an "dialect", an wad liefer talk anent "varieties o langage" juist.