Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
L'architittura è la scienza e l'arti d'urganizzari lu spazziu nta cui campa l'omu. Parrannu cchiù sìmprici si pò diri ca si tratta dâ custruzzioni di fàbbrichi.
| « Architecti est scientia pluribus disciplinis et variis eruditionis ornata, (cuis iudicio probantur omnia quae ab ceteris artibus perficium opera). Ea nascitur e fabrica et raziocinatione... » | |
(Vitruvio, De Architectura)
|
Accussì scrivìa 'n latinu l'Architettu Vitruvio ntô sò libbru (cchiù di dumila anni arretru). Riarmenti vulìa diri ca "l'Architettu havi a èssiri nu scinziatu veru e canùsciri assai cosi di comu è fattu lu munnu; lu sò misteri è fattu di pràttica e ntillettu, veni a diri ca iddu havi a èssiri assai pràtticu di lu travagghiu ncanteri, nzèmmula havi a studiari assai 'n capu li libbra, pi canùsciri tutti l'àutri cosi, ca ci ponnu sèrbiri pi putiri fari na fabbricazioni. Ma vulennu jiri arretru nô tempu, pi sapiri chi cosa pinzàvanu viramenti l'Antichi, si pò diri ca la stissa palora di "Architittura" era ntisa comu "lu putiri granni c'avìa lu capu dâ fabbricazzioni", tantu pi li canuscenzi ca iddu pussidìa tantu pirchì putìa cumannari tanti mastri, mastri d'ascia e manuvali pi fari na custruzzioni mpurtanti. L'architettu era mpurtanti midemma pirchì era n'artista criaturi.
1781 - Francesco Milizia: L'Architittura è l'arti di fabbricari.
1854 - John Ruskin: L'Architittura è l'arti d'azzizzari l'edifici, nnauzzati di l'omu pi quarsiasi scopu, 'n modu chi la sò sìmprici vista pò cuntribbuiri â sanitati, â forza, ô gudimentu dû spìritu.
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
