Knowledge Base Wiki

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

Sos Deghe cumandamentos, narados fintzas decàlogu, sunt sa lege chi, segundu sa Bìbbia, est istada dada dae Yahweh a Mosè subra de su monte Sinai.

Sunt unu puntu fundamentale de s'Antigu Testamentu pro s'ebraismu e pro su cristianèsimu. Segundu sa Bìbbia sa lege est istada iscrita subra de duas tàulas de pedra dae su pòddighe de Deus^[1] opuru, segundu un'àtera traditzione bìblica, dae Mosè matessi^[2][3].

Sa fòrmula impreada in su catechismu de sa religione catòlica est^[4][5]:

   1º - No as a tenner àteros deos a foras de mene.
   2º - No as a leare su nùmene de Deus in de badas.
   3º - As a santifigare sas festas.
   4º - As a ondrare babu tuo e mama tua.
   5º - No as a ochier.
   6º - No as a cumiter atos impuros.
   7º - No as a furare.
   8º - No as a dare testimonia farsa.
   9º - No as a apitare sa fèmina anzena.
   10º- No as a apitare sas cosas anzenas.

1. ↑ (IT) La Sacra Bibbia - Es31,18; 32,16 (C.E.I., Nuova Riveduta, Nuova Diodati), in www.laparola.net. URL consultadu su 31 maju 2021.
2. ↑ (IT) La Sacra Bibbia - Es34,27 (C.E.I., Nuova Riveduta, Nuova Diodati), in www.laparola.net. URL consultadu su 31 maju 2021.
3. ↑ (IT) Raymond Edward Brown e Flavio Dalla Vecchia, Nuovo grande commentario biblico, Ed. interamente rinnovata, Queriniana, 1997, p. 78, ISBN 88-399-0054-3, OCLC 797537708. URL consultadu su 31 maju 2021.
4. ↑ (IT) Catechismo della Chiesa Cattolica - La Chiesa, Madre e Maestra, in www.vatican.va. URL consultadu su 31 maju 2021.
5. ↑ (LA) Catechismus Catholicae Ecclesiae - Ecclesia, Mater et Magistra, in www.vatican.va. URL consultadu su 31 maju 2021.