Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Реализм, лат. realis реалный, сущный, правый, в контекстѣ литературы — тип умѣлецкой творбы, основаный на представлѣню о литературѣ як способѣ познаня и постигнутя людской особности и натуры, основаный на правдивом зображованю реалности.[1]
Видячи роль литературы в познаню чоловѣком себе и свѣта, реализм ся снажить выявити смысел животных явох, широко обняти реалность з ей противностями, вызнавать право писателя сягнути до вшиткых сторон живота без ограничѣня тем и сюжетох. Реализм указуе взаемодѣю чоловѣка з окружѣньом, вплыв сполоченскых условий на судьбы окремых люди и цѣлых сполоченскых груп и версти, вплыв социалных обстоянь на моралность и духовный свѣт люди, и наопак. Утверджуючи цѣнность моралных гледань, реалистична литература сповнять важну социално-воспитуючу роль. Реализм видить живот в розвою, указуе не лем его устояны формы, но и выявлять и фиксуе в образах взник новых форм живота и социалных односин, новых психологичных и сполоченскых типох.[2]
Реализм в литературѣ став ся ведучым напрямом в XIX. ст., (прийшов на змѣну романтизму), а дають ся ту окреслити розличны историчны етапы его вывоя: информативный реализм, критичный реализм, социалистичный реализм. В каждой историчной добѣ и у каждого писателя в основѣ были даякы идейно-сполоченскы аспекты живота и в даякой мѣрѣ идеологична и политична улога.[3]
Але в соцреализмѣ уже доминує абсолутизация принципа реализма на основѣ марксо-ленинскых догматох, погляд з класовых, позаумѣлецкых позиций, протиставлѣня его иншым, «буржоазным» тенденциям.[4]
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
