Knowledge Base Wiki

Disambiguazzione – Ce ste cirche la voce relativa allo scienziato, 'ndruche James Prescott Joule.

'U Joule (simbole: J. Jndr'à Itaglie e pronunge assaje spesse /dʒaʊl/, me 'a pronunge cchiù currette jè /dʒu:l/), jè 'na aunità de misure derivate d'u Sisteme 'Ndernazionale (SI). 'U Joule jè l'aunità de mesure de l'energie, d'u lavoro e d'u calore (pè quiste urteme jè cchiù frequende 'a calorie), e jè definite cumme 1 kg·m²/s² = 1 N·m = 1 W·s. Pigghe 'u nome da 'u fiseche James Prescott Joule.

'Nu Joule jè 'a fatije rechieste pè esercità 'na forze de 'nu newton pè 'na distanze de 'nu metre, accussì 'a stesse quantità pòte esse referite cumme newton metre. Comungue, pè evità confusione, 'u newton metre jè tipicamende ausate cumme 'a mesure d'a coppie de torsione e non de l'energie. N'otre mode de visualizzà 'u joule jè 'a fatije rechieste pè sollevà'una masse de 102 g ('na piccele mele) pè 'nu metre, opponendose ad 'a forze de gravità terrestre.

'Nu Joule jè pure 'a fatije svolte pè producere 'a pùtenze de 'nu watt pè 'nu seconne, esattamende cumme se quacchedune 'mbiegasse 'nu seconne pè sollevà 'a suddette mele.

1 Joule equivale a:

• 6,241 509 75·10¹⁸ eV
• 10⁷ erg
• 1 W·s (watt seconne)
• 1 N·m (newton metre)
• 1 Pa·m³ (pascal metre cube)
• 2,39·10^-1 calorie
• 9,48·10^-4 British thermal unit
• 2,78·10^-7 kWh chilowattore (1 chilowattore equivale esattamende a 3 600 000 J)

'Mbrà le multiple d'u joule (se pòtene vedè pure le prefisse d'u Sisteme 'Ndernazionale de aunità de mesure) se iacchiene:

• 'u kilojoule (kJ), equivalende a 1000 joule (10³ J)
• 'u megajoule (MJ), equivalende a 1 000 000 de joule (10⁶ J)
• 'u gigajoule (GJ), equivalende a 1 000 000 000 de joule (10⁹ J)
• 'u terajoule (TJ), equivalende a 1 000 000 000 000 de joule (10¹² J)