Knowledge Base Wiki

Lo Tèrratrem de Shaanxi es un tèrratrem que se debanèt lo 23 de genier de 1556 dins la província de Shaanxi. Amb 830 000 mòrts, es considerat coma lo tèrratrem pus murtrier de l'istòria. L'epicentre se situava dins la vau de la ribiera Wei dins la region dei vilas de Huaxian, de Weinan de Huayin. Son intensitat es estimada a 8 sus l'escala de Richter^[1]. Lei destruccions foguèron considerablas dins una region cubrent lei dètz províncias pus pobladas de l'Empèri. Foguèron tanben agravadas per lo yaodong, un lotjament troglodita tradicionau installat sus lo costat d'una còla que resistiguèt pas ai gangassadas e ais avalancaments. Puei, lei subrevivents foguèron victimas d'incendis e d'atacas de part de bandas de pilhards. Ansin, en certaneis endrechs, 60 % deis abitants foguèron tuats per la catastròfa e de decennis foguèron necessaris per reconstrurre lei zònas pus tocadas.

• Tèrratrem.

1. ↑ (en) International Association of Engineering Geology International Congress, Proceedings of the 5th International Congress of the International Association of Engineering Geology, Taylor & Francis, 1986, p. 2095.