Knowledge Base Wiki

Shania Twain
Fødd	28. august 1965 (59 år)
Fødestad	Windsor
Fødenamn	Eilleen Regina Edwards
Alias	Shania Twain
Opphav	Canada
Aktiv	1983–
Sjanger	pop, rock, dansemusikk, softrock, country pop, countryrock, country
Instrument	gitar, vokal
Stemmetype	alt
Plateselskap	Polydor Records, Universal Music Group, Universal Music Group Nashville
Verka som	songar, songar-låtskrivar, komponist, låtskrivar, plateartist
Mor	Sharron Morrison
Far	Clarence Edwards
Gift med	Robert Lange, Frédéric Thiébaud
Prisar	offiser av Order of Canada, Grammy Award for Best Country Album, Juno Award for Entertainer of the Year, Favorite Country New Artist, Juno International Achievement Award, American Music Award for Favorite Country Female Artist, Grammy Award for Best Country Song, Grammy Award for Best Female Country Vocal Performance, American Music Award for Favorite Country Female Artist, Country Music Association Award for Entertainer of the Year, Grammy Award for Best Country Song, Grammy Award for Best Female Country Vocal Performance, American Music Award for Favorite Country Female Artist, American Music Award for Favorite Pop/Rock Female Artist, Juno Award for Songwriter of the Year, People's Choice Award for Favorite Female Artist, Juno Award for Artist of the Year, Juno Fan Choice, Juno Award for Country Album of the Year, Canadian Music Hall of Fame, Canada’s Walk of Fame, stjerne på Hollywood Walk of Fame, Country Music Association Award for International Achievement

Shania Twain (fødd 28. august 1965, opphavleg Eilleen Regina Edwards) er ein canadisk songar som blandar country og pop.

Twain blei fødd i Windsor i Ontario i Canada, og voks opp i småbyen Timmins. Ho var den midterste av dei tre døtrene til Clarence og Sharon Edwards (systera Jill er to år eldre og Carrie-Ann tre år yngre). Då ho var seks år gifta mor hennar seg med Jerry Twain, ein ojibwamann frå Timmins i Ontario i Canada. Twain adopterte Shania som sitt eige barn, noko som etter lova gjorde henne til 50 prosent urinnvånar. Den biologiske faren til Twain var av delvis fransk-canadisk og cree-avstamming.^[1] Ho lærte å spela gitar som barn, og brukte det meste av fritida si på å synga og spela.

Som barn song Shania Twain i barar etter stengetid, og som trettenåring opptredde ho på Tommy Hunter Show på Canadian Broadcasting Corporation (CBC) i Canada. Då Twain var 22 år gammal, blei begge foreldra hennar drepne i ei ulykke, og etter denne tragiske hendinga fekk ho juridisk ansvar for ei syster og dei to halvbrørne sine Mark og Darryl. Dette ansvaret innebar at ho måtte legga den musikalske karrieren sin mellombels på is. I 1991 bytta ho namn til Shania, og skreiv ein kontrakt med Mercury Nashville same år.^[2]

Det fyrste albumet blei knapt lagt merke til, men det andre albumet hennar, som kom ut i 1995 selde enormt, og braut verdsrekordar i sal. The Woman in Me selde 20 millionar verda over. Det tredje albumet hennar Come On Over blei tidenes mest selde countryalbum og tidenes mest selde album av ein kvinneleg artist. Come On Over selte over 40 millionar eksemplar i heile verda. UP, som var det fjerde albuma hennar, selde òg over 20 millionar verda over.

29. september 2017 gav Shania Twain ut den femte soloplata si. Ho omfatta singlane «Life's about to get good» og «Swingin' with my eyes closed».

• 1993 – Shania Twain
• 1995 – The Woman in Me
• 1997 – Come On Over
• 1999 – Come On Over (internasjonal versjon)
• 2001 – The Complete Limelight Sessions
• 2002 – Up!
• 2004 – Greatest Hits
• 2015 – Still the One: Live from Vegas
• 2017 – Now
• 2023 – Queen of Me