Knowledge Base Wiki

Search for LIMS content across all our Wiki Knowledge Bases.

Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.

Archaeological Sites of the Island of Meroe

Kusjittiske pyramidar ved Meroe
LandSudan
Innskriven ved UNESCOs 35. sesjon i 2011.
Referansenr. 1336.
Kriterium:II, III, VI, V
Sjå ògVerdsarvstader i Afrika
BakgrunnsstoffArchaeological Sites of the Island of Meroe ved unesco.org

Meroe (meroittisk Medewi eller Bedewi; arabisk مرواه, Meruwah og مروى, Meruwi; gammalgresk Μερόη, Meróē) er ein oldtidsby ved austbreidda av Nilen i Sudan. Han var hovudstad i Kusjriket i fleire hundreår. Byen ligg rund 6 km nordaust for Kabushiya stasjon ved Shendi, rundt 200 km nordaust for Khartoum. Nær staden ligg ei landsbyklynge som heiter Bagrawiyah. Pyramidane, tempel og slott og restar etter keramikk- og jernproduksjon ber vitne om eit rikt og mektig rike.[1] I 2011 blei Meroe teke med på UNESCO si liste over verdsarv.[1]

Pyramidar i Meroe.

Meroe blei grunnlagd på 700-talet f.Kr. Han blei kongeleg bustad på 600-talet f.Kr.[2] På 500-talet blei hovudstaden for kongeriket flytta hit frå Napata lengre nord.[3] Grunnar kan vera trugsmålet frå Egypt i nord,[4] eller dei rike jernførekomstane ved Meroe.[3] Frå 200-talet f.Kr. blei dei fleste kongelege i Kusjriket gravlagde her, fleire av dei i pyramidar.[1] I 335 blei Meroe erobra og øydelagd av kong Ezana av Aksum.[2]

Byen hadde ein omfattande jernproduksjon.[4] Ved ruinane ligg høge slagghaugar som framleis vitnar om ein av dei største jernprodusentane i oldtida.[5]


Galleri

  • Relieff frå tempelet til kong Amanitenmomide.
    Relieff frå tempelet til kong Amanitenmomide.
  • Utskjeringar ved pyramide N12.
    Utskjeringar ved pyramide N12.
  • Ring som tilhøyrde dronning Amanishakheto.
    Ring som tilhøyrde dronning Amanishakheto.
  • Skulptur frå Meroe
    Skulptur frå Meroe
  • Oljelampe i bronse
    Oljelampe i bronse
  • Steintøykrukke frå Meroe.
    Steintøykrukke frå Meroe.

Kjelder

  1. ↑ 1,0 1,1 1,2 «The Island of Meroe, UNESCO World Heritage». Whc.unesco.org. Henta 6. september 2012. 
  2. ↑ 2,0 2,1 Afrika: historie og kultur. Gyldendal. 1981. s. 14. ISBN 8257401595. 
  3. ↑ 3,0 3,1 Meyer-Heiselberg, R. (1966). Afrika før den hvite mann. Aschehoug. s. 23. 
  4. ↑ 4,0 4,1 Det gamle Afrika: afrikansk historie før kolonitida. Samlaget. 1965. s. 26-27. 
  5. ↑ «The Iron Age of Meroe», allempires.com

Bakgrunnsstoff

Commons har multimedium som gjeld: Meroe
source: https://nn.wikipedia.org/wiki/Meroe