Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Atomismen var ei filosofisk retning først formulert av Leukippos frå Milet. Den mest kjende atomisten er Demokrit som var elev av Leukippos.
Atomistane tenkte seg at alt i verda var bygd opp av atom. Atom kjem av det greske ordet atomos som tyder udeleleg. Atoma var altså dei minste byggjeklossane som alt var bygd opp av. Desse atoma skulle ha geometriske og målbare eigenskapar slik som til dømes storleik, form, posisjon og rørsle, ikkje kvalitetar slik som elementa åt Empedokles (tørr/våt, kald/varm). Forandring og rørsle hende ved at atoma gjekk inn i nye kombinasjonar og flytta på seg. Desse nye kombinasjonane oppstod i tomrom. Atoma var udelelege og vart ikkje forandra. Atomistane meinte at menneska oppfatta stoffa fordi atoma sendte ut partiklar som sansane kunne oppfatte. Kvalitetar som farge, varme og smak vart ikkje formidla av desse partiklane, men laga av sjela etter at dei målbare eigenskapane var oppfatta.
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
