Knowledge Base Wiki

De Waterstoff is dat lichteste Element in de Chemie un warrt mit dat Atomteken H (vun dat latiensch Hydrogenium – Watermaker) afkört. In dat Periodensystem steiht de Waterstoff ganz baven links an de eersten Steed. Waterstoff is dat Element, dat in dat Universum an fakensten vörkummt, man in de Eerdkrust is dorvun nix to finnen. Tomeist hett Waterstoff blots een Proton in’n Atomkarn. Denn warrt dat ok as Protium betekend. Man dat gifft ok noch annere Isotopen.

Ünner Normalbedingen, de normalerwies op de Eer herrschen doot, kummt Waterstoff nich atomar för, man blots as dimerisierte Form as H₂-Molekülen, wat denn en Gas ahn röök un Klöör is. An sik tellt Waterstoff to de cheemsch Serie vun de Nichtmetallen. Üm Waterstoff to kondenseeren, mutt dat bannig koolt maakt warrn. Fasten Waterstoff hett denn aver doch mehr de Egenschoppen vun de Metallen.

Ordnungstall: 1
Masse: 1,00794

Kümmt elementar vör as Moleküle mit de Formel H₂. Dat is dat lichteste Gas. Dorüm harrn se de Zeppelinen un Ballons dormit vull mookt. Egenschoppen vun den elementaren Waterstoff:

Smöltpunkt: 14,01 K (bi Normaldruck)
Kaakpunkt: 20,28 K (bi Normaldruck)
Dicht: 0,0899 kg/m³

Waterstoff reageert mit Suerstoff to Water, wat dat Oxid vun den Waterstoff is:

$2\ H_{2}+O_{2}\rightarrow 2\ H_{2}O$

Literatuur

Chemie

Erwin Riedel: Anorganische Chemie. de Gruyter, Berlin 2002, ISBN 3-11-017439-1.
A. F. Holleman, E. Wiberg, N. Wiberg: Lehrbuch der Anorganischen Chemie. 102. Oplaag. Walter de Gruyter, Berlin 2007, ISBN 978-3-11-017770-1, S. 259–296.
Harry H. Binder: Lexikon der chemischen Elemente – das Periodensystem in Fakten, Zahlen und Daten. S. Hirzel Verlag, Stuttgart 1999, ISBN 3-7776-0736-3.

Technik

Peter Kurzweil: Brennstoffzellentechnik. 1. Oplaag. Vieweg Verlag, Wiesbaden 2003, ISBN 3-528-03965-5.
Udo Schelling: Brennstoffzellen. In: Richard Zahoransky (Ruutgever): Energietechnik. 5., überarb. u. erw. Oplaag. Vieweg+Teubner Verlag, Wiesbaden 2010, ISBN 978-3-8348-1207-0, S. 203ff.
Helmut Eichlseder, Manfred Klell: Wasserstoff in der Fahrzeugtechnik. 1. Oplaag. Vieweg+Teubner Verlag, Wiesbaden 2008, ISBN 978-3-8348-0478-5.
Rex A. Ewing: Hydrogen – A Journey Into a World of Hydrogen Energy and Fuel Cells. Pixyjack Press, Masonville CO 2004, ISBN 0-9658098-6-2.