Knowledge Base Wiki

As Transsudat warrt in de Medizin Fletigkeiten vun’n Lief betekent, de dör dat Epithel oder ut Fatten uttreden künnt, aver nich in’n Tosamenhang mit Sweren staht. De Vörgang, wenn solke Fletigkeiten afegeven warrt, warrt as Transsudatschoon betekent. Fletigkeiten, de as Naklapp vun en Sweer afsünnert warrt, warrt in’n Ünnerscheed dorto as Exsudaten betekent. Transsudaten künnt bi gesunne aver ok bi krankhafte Vörgäng in’n Lief vörkamen.

In’n Gegensatz to vele Fletigkeiten in’n Lief wiest Transsudaten blots wenig Zellen op un bargt tomeist blots afschgilfter Mesothelzellen un en poor Leukozyten. Ok Protein is dor blots wenig binnen; normalerwies mit en Andeel vun ünner 30 g/l. Dat spezifische Gewicht is lütter as 1,018. De meisten TRanssudaten sünd ahn Klöör, mitünner ok vun licht gele Klöör.

Physioloogsch kamt Transsudaten as Afsünnern vun Epithelen vör. Se billt dorbi en fienen Film vun Fletigkeit, wat vun de Mengde her also blots ’n beten is. Transsudaten sünd to’n Bispeel dat Schedensekret oder te Fletigkeitesfilm op de Tunica serosa.

Möögliche Oorsaken för patholoogsche Transsudaten sünd:

• en to siet Vermögen vun’t Blood Water to binnen dör den Mangel an Bllodproteinen (Albumin) un dordör minnerten kolloidosmootschen Druck.
• en Opstauen un dormit verbunnen Anstiegen vun’n Druck in’n Bloodkreisloop oder in de Lamphfatten.

Transsudaten künnt as’n Ansammeln in’t Interstitium, d. h. as Ödem, vörkamen oder ok in en Liefhöhl rinlopen (Hydrops, Aszites, Pleurainstroom).