Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Nota: Pa Catedral, cunsulta Catedral (zambiguaçon).
Catedral de la Cantuária (Anglaterra), sede de l Arcebispo anglicano de la Cantuária
Catedral ó Sé ye l templo crestiano an que se ancontra la sede dun bispo i ua diocese, cun sou cabido. Deriba de l latin cathedra (cátedra, cadeira), de maneira que l nome catedral faç refréncia al trono de l bispo.
Ouriginalmente ousado ne l Catolicismo, l termo tamien ye ampregado para alguns templos ourtodoxos, protestantes i pentecostales. An alguns causos, son inda chamadas catedrales templos que perdírun sou caráter de sede eipiscopal, cumo acunteciu cun muitas antigas catedrales ne l Norte de la Ouropa passado la Reforma Protestante.
L termo catedral deriba de "cátedra", cadeira de de spaldar alto adonde se senta un bispo.[1] An latin eclesiástico ye ouficialmente chamada eclesie cathedralis; mas, d'acuordo al títalo de ls prelados delantre de la catedral, esta puode ser chamada catedral eipiscopal, metropolitana, patriarcal ó primada.[1] L'adjetibo catedral fui al longo de ls tiempos assumindo l caráter de sustantibo, i ye hoije l termo mais quemumente outelizado para chamar estas eigreijas.
Las catedrales éran cunsidradas la casa percipal de Dius (Domus Dei) ó de ls santos a las quales éran dedicadas, d'adonde deriban las palabras eitaliana Duomo i l germánico Don.[1] An alguns lugares de la Almanha, cumo an Strasburgo, la catedral puode ser coincida cumo Munster (deribado de Monasteriun) por tener sido admenistrada ne l passado por monges, cumo un monastério.[1] An pertués outeliza-se inda l termo sé catedral — ó solo "sé" — para chamar ua catedral, sendo esta zeignaçon deribada de la palabra "sede", cumo an Santa Sé (Santa Sede). An [[Léngua catalana|catalan] ] eisiste un termo eiquibalente, l de sou eipiscopal.
Na Eigreija Ourtodoxa, l termo "catedral" propiamente nun eisiste, outelizando-se simplesmente l termo "L'eigreija" ó "La grande eigreija" pa las sedes eipiscopales.[1]
Chama-se co-catedral ó cuncatedral al eidifício relegioso cun rango de catedral que cumpartilha la sede eipiscopal cun outro templo catedralício. dous eisemplos son: la Arquidiocese de Oulinda i Recife, an que la sede ye cumpartilhada antre la Sé de Oulinda i la Cuncatedral de San Pedro de ls Clérigos, ne l Recife, ne l Brasil; i la Diocese de Bergáncia i Miranda, cuja sé ye debedida antre las cidades de Bergáncia i Miranda de l Douro.
L termo ye ousado ne l protestantismo, percipalmente por anglicanos. Sou uso tamien ye quemun an outras chamaçones. Antigas catedrales que éran antes católicas i depuis fúrun trasformadas an templos protestantes durante la Reforma, carregan esse nome até ls dies atuales.
L termo tamien ye ousado por galhos pentecostales para nomear alguns de sous templos. An alguas chamaçones, cumo la Eigreija de l Eibangelho Quadrangular, l termo "Catedral" ye ousado pa l'eigreija sede ne l munecípio (Catedral de la Paç, Catedral de l Amor, Catedral de la Fé, Catedral de la Unçon i outros), liderada pul pastor titular na cidade.
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
