Knowledge Base Wiki

10 (X) — година според општоприфатениот календар. Тоа била 10 година од новата ера, 10. од првиот милениум, 10. од I век и прва од 10-тите.

Истата година се среќава поинаку во календарите на различни народи и култури. Меѓу попознатите се вбројуваат: византискиот, асирскиот, еврејскиот, римскиот, кинескиот, будистичкиот и исламскиот.

Така, во византискиот календар, којшто времето го мери од создавањето на светот според Библијата, на 1 септември 5509 г. п.н.е. според продолжениот јулијански календар, истата трае во текот на 5518 и 5519 година. Според асирскиот календар, во којшто мерењето на времето започнува од 4750 г. п.н.е, кога се проценува дека бил изграден првиот храм во граот Асур, станува збор за 4760 година. Понатаму, во еврејскиот календар, којшто започнува на 1 септември 3760 г. п.н.е. според продолжениот јулијански календар или околу една година пред создавањето на светот според Евреите, годината се протега во текот на 3770 и 3771 еврејска година. Според календарот на Римјаните, којшто започнува од 753 г. п.н.е., кога браќата Ромул и Рем го основале градот Рим (познато и како Ab urbe condita), годината е избројана како 763.

Во рамките на кинескиот календар, пак, постојат две поделени мислења за почетокот на броењето на годините: едни сметаат дека тоа е 61 година од владеењето на легендарниот Жолт цар или 2637 г. п.н.е.; додека други сметаат дека за почеток треба да се земе годината кога Жолтиот цар станал владетел, т.е. 2697 г. п.н.е. На тој начин, според првото гледиште, 10 година се протега во 2646 и 2647, додека според второто гледиште, годината трае во текот на 2706 и 2707 кинеска година. Будистичкиот календар започнува да го мери времето од 543 г. п.н.е., година во којашто се смета дека Буда достигнал состојба на нирвана, и годината ја брои како 553. Според исламскиот календар, во којшто мерењето на времето започнува со 622 година, т.е. годината на пребегнувањето на пророкот Мухамед од Мека во Медина (позната и како хиџра), годината се протега во текот на 631 и 630 година пред хиџра.

• Публиус Корнелиус Долабела служел како римски конзул;
• Римската провинција Илирик била поделена на Панонија и Далмација;
• Меѓу германските племиња Хермионите се издвојувале како посебна група (приближен датум).

• Херон од Александрија, грчки инженер (починал во 70 година);
• Лиу Пензи, марионетски цар на Кина (починал во 27 година).

• Дидим Халкентер, грчки научник и граматичар (роден 63 п.н.е.).

• 10 на Ризницата ^?