Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Agamo adolah suatu sistem nan mangatur tata kaimanan (kapicayoan) dan paribadatan kapado Tuhan Nan Mahakuaso sarato tata kaidah nan bahubuangan jo pagaulan manusia dan manusia sarato lingkuangannyo.
Kato "agamo" baasa dari bahaso Sanskerta, āgama nan baarati "tradisi".[1]. Sadangkan kato lain untuak manyatokan konsep iko adolah religi nan baasa dari bahaso Latin religio dan baaka pado kato karajo re-ligare nan baarati "mangikek baliak". Makasuiknyo jo bareligi, sasaurang mangikek dirinyo kapado Tuhan.
Émile Durkheim mangatokan baso agamo adolah suatu sistem nan tapadu nan tadiri ateh kapicayoan dan praktik nan bahubuangan jo hal nan suci. Kito sabagai umaik baagamo samaksimal mungkin bausaho untuak taruih maningkekan kaimanan kito malalui rutinitas baibadah, mancapai rohani nan sampurano kasuciannyo
Definisi tantang agamo dipiliah nan sadarano tapi manyaluruah. Aratinyo definisi iko diharokan indak talalu sampik atau talalu lungga tatapi dapek dipakai kapado agamo-agamo nan salamo ko dikana malalui panyabuikan namo-namo agamo itu. Agamo marupoan suatu limbago atau institusi pantiang nan maatua iduik rohani manusia. Untuak itu tahadok apo nan dikana sabagai agamo-agamo itu paralu dicari titiak pasamoannyo dan titiak pabedoannyo.
Manusia punyo kamampuan tabateh, kasadaran dan pangakuan akan katabatehannyo manjadikan kayakinan baso ado sasuatu nan lua biaso di lua dirinyo. Sasuatu nan lua biaso itu tantu baasa dari sumber nan lua biaso juo. Dan sumber nan lua biaso itu ado bamacam-macam sasuai jo bahaso manusianyo surang . Misal Tuhan, Dewa, God, Syang-ti, Kami-Sama dan lain-lain atau hanyo manyabuik sipaik-Nyo sajo sarupo Nan Maha Kuaso, Ingkang Murbeng Dumadi, De Weldadige, jo lain-lain.
Kayakinan iko mambaok manusia untuak mancari kadakekan diri kapado Tuhan jo caro mangambokan diri, yaitu:
Jo damikian didapek katarangan nan jaleh, baso agamo itu pangamboan manusia kapado Tuhannyo. Dalam arati agamo ado 3 unsua, iolah manusia, pangamboan, jo Tuhan. Mako suatu paham atau ajaran nan manganduang katigo unsua pokok arati tasabuik dapek disabuik agamo.
Labiah lawehnyo lai, Agamo juo dapek diaratikan sabagai jalan iduik. Yakni baso saluruah aktivitas lahia jo batin pamaluaknyo itu diatua dek agamo nan dianuiknyo. Bagaimano awak makan, bagaimano awak bagaul, bagaimano awak baibadah, dan sabagainyo ditantukan jo aturan/tata caro agamo.
Anam agamo nan paliang banyak dianuik di Indonesia marupoan agamo Islam, Kristen Protestan, Katolik, Hindu, Buddha, jo Konghucu. Sabalunnya, pamarentah Indonesia pernah malarang panganuik Konghucu malaksanoan agamanyo sacaro umum. Namun, malalui Keppress No. 6/2000, Presiden Abdurrahman Wahid mancabuik larangan tu.
Agamo jo kapacayoan nan bacantuman di bawah iko marupoan agamo jo kapacayoan jo jumlah pamaluk nan signifikan di saluruah dunia. Babarapo komunitas di babagai balahan dunia juo mamaluak babagai aliran kapacayoan nan dianggap sabagai golongan minoritas dan alun dikamukokan. Babarapo agamo jo kapacayoan jo jumlah pamaluak nan gadang antaro lain:
Agamo/kapacayoan | Jumlah pamaluak | Katarangan |
---|---|---|
Kristen | 2,000 - 2,200 miliar[2] | |
Islam | 1,570 - 1,650 miliar[3][4][5] | |
Non-Adherent (Sekular/Ateis/Indak Baragamo/Agnostik) | 1,1 miliar[6] | |
Hinduisme | 828 juta - 1 miliar[7] | babarapo aliran kaparcayoan misalnyo Ayyavazhi dan Kaharingan diakui sabagai bagian dari Hinduisme[7] |
Buddhisme | 450 juta - 1 miliar[8][9][10] | |
Kapacayoan tradisional (di Afrika, Amerika, Asia) | 400 - 500 juta[nb 1] | |
Kapacayoan tradisional Tionghoa | 400 - 500 juta[11][nb 1] | tamasuak Taoisme jo Khonghucu |
Sikhisme | 23 juta[12] | |
Yudaisme (agamo Yahudi) | 14 juta[8] | |
Jainisme | 8 - 12 juta | babarapo komunitas Jaina dianggap suatu sekte Hinduisme[nb 2] |
Baha'i | 7,6 - 7,9 juta[13][14] | |
Shinto | 27 - 65 juta | banyak urang Japang nan memeluk agamo Shinto dan Buddha sekaligus[15] |
Cao Dai | 1 - 3 juta[16] | |
Spiritisme | 2,5 juta[17] | |
Tenrikyo | 2 juta[18] | |
Neo-Paganisme | 1 juta[19] | tamasuak Druid, Wicca, Magick, Asatru, Agamo Asli Suku Indian, dll. |
Gerakan Rastafari | 700 ribu[20] | |
Unitarian Universalisme | 630 ribu[21] | |
Zoroastrianisme (Majusi) | 145 - 210 ribu[22] |