Knowledge Base Wiki

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Neet te verwarre mit 't Gouvernemint (Nederlands Limbörg), 't regerend liechaom vaan Nederlands Limbörg

'n Regering of e gouvernemint is 't liechaom vaan 'n polletiek-staotkundeg organisatie belas mèt de executieve mach veur e bepaold grondgebeed. De regering heet daomèt de competentie um de wèt te executere binne de sjraome vaan 't groondgebeed boe-euver zie die competentie heet. 'n Regering riffereert daomèt meistes nao natiestaote (wie Nederland, Belsj en Duitsland) of nao deilgebeede vaan 'ne natiestaot (wie de Limbörge, Vlaondere, Wallonië of Noordrien-Wesfale). 't Kin evels ouch nao supranationaol groondgebeede verwieze wie de Europees Kemissie dat is veur de Europese Unie.

In bekans alle democratieë weure verkezinge gehawwe veur de executieve liechaome (de regeringe dus). In mierderheidssysteme, wie Fraankriek, 't Vereineg Keuninkriek en de Vereinegde Staote vaan Amerika, nömp nao de verkiezinge de groetse partij de regering euver. In regio's boe coalitieregieringe gengbaarder zien, zoewie in Nederland, Belsj en Duitsland, nömp de groetste partij 't initiatief bij 't vörme vaan 'n regering.

Zeuk de definitie, vertalinge, oetsjpraok en dialekvariante van regering op in de Wiktionair.

• Gouvernemint (Nederlands Limburg)