Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'ne Klender is e systeem veur 't indeile vannen tied in periode, wie jaore, maondje, waeken en daag. In dees algemein zin is "klender" e synoniem veur "tiedraekening". Ouch de (fysieke) waergaaf van 'ne klender, inne vorm van 'n tabel of angeszins, wuuertj klender geneump.
Door 'ne klender waere meistes ouch de fieës- en gedinkdaag aangegaove. Nao analogie daomit sprèk me in rumer zin ouch van 'ne verjäördigsklender mit dao-op de te gedinke verjäördaag, of de vootbalklender mitte geplendje vootbalevenemènte.
'ne Klender bepaoltj de lingdje enne indeiling van 't jaor en is gegróndj op maotstave die de astronomie aanreik. 'ne Klender is gekoppeldj aan 'n jaortèlling en 'n jaorstiel, die bei zeen gegróndj op aafspraoken of op historische gebeurtenisse die bieje inveuring vanne klender es essentieel beginpuntje vanne besjaving woorte gezeen. De jaortèlling bepaoltj daobie 't jaor worin de klender aanvèngk; de jaorstiel bepaoltj op welchen daag 't jaor begintj.